Ég ætla að verða ríkur bóndi

Fór í heita pottinn í gær og komst ekki hjá því að heyra eftirfarandi samtal milli tveggja drengja 10-11 ára. " Ég ætla að verða ríkur bóndi. Ég líka, svaraði hinn. Mig ,langar líka að eiga svona laxveiðiá, sagði sá fyrri. En þær kosta svo mikið. Ekki ef maður er ríkur bóndi, svaraði hinn af bragði. Nei það er alveg rétt hjá þér. Manstu þegar við vorum fyrir neðan stífluna, ég hélt að þriggja punda væri einhver smátittur en það var bara bolti. Hvað var þinn stór? Hann var fimm pund. En hann var ekkert stærri en minn. Fimm pund er meira en þrjú pund. Það er reyndar alveg rétt hjá þér, hann var bara svo feitur og stuttur. Já. Hvað er stærsti fiskur sem þú hefur veitt? 19 pund. Vá, á hvaða stöng? Bara mína litlu. Þú hlýtur að hafa verið með svera línu, ég fékk einu sinni 10 pundara á sjóstöngina og hún brotnaði næstum. Já, er það? Við erum búnir að mok'onum upp í sumar á bestu beitu ever. Hvaða? Maisbaunir, rosalegt mar. Ég fékk alla mína á ??????????? fluguna.

Samræðurnar héldu áfram en ég hvarf á braut. Segið þið svo að ungdómurinn sé ekki upplýstur og hafi ekki sín framtíðarplön á hreinu. Og tómstundaiðja þessara drengja alveg til fyrirmyndar.

Athugasemdir

[Ásgeir Kristinn Lárusson, 8.8.2007 kl. 11:09]

Sá þyngsti, sem ég hef veitt í sumar, var um þrjú pund. Segir allt um mitt umkomuleysi; jarðlaus og eignalaus...

[Bergur Thorberg, 8.8.2007 kl. 11:16]

Kannski var þetta bergmál af samræðum fullorðins fólks. En þeir voru sprækir drengirnir.  Og í sumar hef ég ekki veitt neitt! frekar en endranær.

Kv.