Þreytt(ur)? Á þreytunni?

Ég er þreyttur. Svo verð ég ábyggilega þreyttur á því að vera þreyttur. Síðan er mjög líklegt að ég verði þreyttur á því, að vera þreyttur á því, að vera þreyttur. Þá er ég aftur orðinn þreyttur......of þreyttur til að glíma við hvers kyns þrautir............. ,......en þolinmæði þrautir vinnur allar........ nema þá þraut, að glíma við þreytuna sem fylgir Því að vera þreyttur á þreytunni sem er svo þreytandi................zzzzzzzzzzzzzzzz

Eining Arabaþjóða-Arabajúða og Arabíuþjáðra

Þá vitum við það. Það er markmið herra Bush að efla einingu Arabaþjóða. Skyldi hann ætla að berjast fyrir aukinni einingu Arabaþjóða til að þær geti betur barist gegn Bandaríkjamönnum?...... eða... skyldi hann ætla að berjast fyrir aukinni einingu Arabíu-þjóða-(júða)-(þjáðra), til að þær geti betur barist fyrir því að verða Bandaríkjamenn? Og lúta þeim? Friður í lok næsta ár....? Spyr sá sem ekki veit....?

Ætla að semja frið á næsta ári

Hraðsuðan 5----- Leitin að Alfreð(i)

Hvenær lendir Alfreð? That's the question.

Hraðsuðan 4--- Leitin að Alfreð

Hraðsuðan var með frétt um það um helgina að Loftsteinninn Alfreð myndi lenda á lóð Orkuveitunnar, en Alfreð þýðir eins og nafnið gefur tilefni til, algjört freð, mesta mögulega frost. Enn hefur þó ekki sést til hans og mun Hraðsuðan fylgjast grannt með gangi mála. Það er von manna að ískaldur steinn eins og Alfreð muni geta kælt niður andrúmsloftið nægilega mikið þannig að menn hafi nægilega orku til að kljást við alla þá milljarða sem spýtast nú úr borholum landsmanna. Eitt er þó víst að skaffa verður iðnaðarráðherra svefntöflur og kaupa eitthvað annað en barnabókmenntir handa forsætisráðherra svo hann geti farið að starfa með fullorðnum á nýja leik.

Gæti sín á stóryrðunum

Hraðsuðan 3

Á meðan pítsustaðaræningjar ganga lausir á Íslandi, virðast dagar John Howards sem forsætisráðherra  Ástralíu (en þar er árlega haldið mesta ástarrallí í heimi) vera taldir. Þrátt fyrir að Kínverjar séu brjálaðir í málma sem finnast í Ástralíu og kaupi þá dýrum dómum (líklega til að framleiða vopn, nóg er af börnunum til að búa þau til), þá er fólk einfaldlega orðið þreytt á þessum hægri hrærigraut sem Howards hefur staðið fyrir síðustu 11 ár sem forsætisráðherra. Það er ekki bara í Írak sem menn falla í Íraksstríðinu.

Íslenska þjóðin lætur að venju taka sig í rassinn og lætur misvitra stjórnmálamenn ráðskast með milljarðaverðmæti og deila niður, svo allir vinir og familíumeðlimir fái nú sinn skerf og ríflega það. Ég held að það sé kominn tími á að greindarprófa alþingis- og sveitastjórnarmenn og skera af þeim græðgis- og siðleysishnappana. Eða senda þá í meðferð. T.d. að loka þá inni með Sverri Hermannssyni og Hjörleifi Guttormssyni í svona sólarhring. Það ætti að duga til að laga það versta. Og aumingja litli bílasalinn í borgarstjórn Reykjavíkur fær ekki lengur að keyra stóra bílinn sem pabbi gaf honum." Ég vil líka fá" isminn tröllríður nú öllum orkufyrirtækjum þjóðarinnar og verið er að vinna í krónum og aurum svo "allir" fái nú sitt og gott betur.Á Íslandi flýr enginn lögguna því hún er á Vovo og Neskaupstaðarlíkfundaendurkomubannsmaðurinn var gripinn með dóp í gær á hafnfirskri grundu. Ekki eru lengur til nógu stórar ferðatöskur fyrir kaupglaða Íslendinga sem vinna 80 stundir á viku til að geta fyllt upp í þær í mollunum í Minneapolis. Það verður að bæta úr því.

Á Íslandi fara menn úr einni fíkninni yfir í aðra. Ef menn hætta í fíkniefnum falla þeir í tölvuleiki. Ef þeir hætta að drekka negla þeir sig á krossinn hjá Gunnari. En Einar Már Guðmundsson setur Rimla hugans á þýska. Kannski ekki vanþörf á og þeir eiga sér einskis ills von ekki frekar en Danir sem geta nú átt von á því að hin nýja herraþjóð þeirra, Íslendingar, flytji þá unnvörpum til Íslands, því hér vantar alltaf fólk í uppvask og önnur hreinlætisstörf, nú þegar útlendingar streyma til orkulandsins í norðri sem aldrei fyrr. Veðurhorfur næsta sólarhring: Ekkert til að gera veður út af nema ef vera skyldi að á morgun fellur loftsteinn á lóð Orkuveitu Reykjavíkur. Kvissast hefur út að hann verði nefndur ALFREÐ, sem þýðir, eins og nafnið bendir til: Mesta mælanlega frost.

Danir elska skattmann

Í dag heyrði ég Dana tala í farsíma. . Það sem vakti athygli mína var hversu vel og fallega maðurinn talaði um og við skattinn (Skattmann var greinilega á línunni), sem hann þarf að borga eins og aðrir danskir og íslenskir(gammel dansk) og virtist bókstaflega, af orðum hans að dæma, elska sinn Skattmann. Þetta ættum við Íslendingar að taka okkur til fyrirmyndar og hætta að agnúast út í Skattmann og borga skattana okkar með glöðu geði.

Hi skat...... ja skat.......selvfölgelig skat......om jeg skal betale?..... selfölgelig skat.......jeg elsker dig skat....jeg kommer hjem i morgen med alle pengene til dig.......jeg faar aldrig nok af dig skat.....farvel skat....... min elskede......... 

Hraðsuðan 2

Kimmi frændi mættur á staðinn. Hann segir að hann hlakki alltaf til að spila tónlist. Það sé eins og að kyssa rakaða konu. Ég sem hélt að hann væri kominn lengra í tónlistinni..........! Nú er eitt ár liðið frá því að Pútkin kom Litvínenkó fyrir kattarnef ( að sögn) og vinir og ættingjar minnast þess. Á sama tíma er tikynnt um það að Google fyrirtækið tapi 110 milljónum dala á ári á einum hnappi á vefsíðu Google og ef Google og Microsoft fara að sýna tap þá er eins gott að selja allt strax. Allt sem þú átt. Og byrja upp á nýtt. Á morgun fáum við þýsk jól á hafnarbakkann í Reykjavík, nánar tiltekið frá Hamborg( hamborgarajól) en norsku jólin koma ekki á Austurvöll fyrr en í desember  og þá verða vonandi sem flestir alþingismenn komnir í jólafrí. Í dag er ég svo latur að ég nenni ekki út í búð og þá verð ég svangur á morgun. Neytendasamtökin vilja nefnilega að ég kaupi ekkert á morgun. Það er nefnilega"kauptu ekki dagurinn" á morgun. Og auðvitað er maður fyrirmyndar neytandi(og neitandi, nei, nei). Þetta var Hraðsuðan, síðdegis 23. nóvember 2007.

Kim Larsen: Að spila tónlist er eins og að kyssa konu

Hraðsuðan 23. nóvember

Bjarni rýkur frá borðinu, reyndar skaðlaus, og bíladrengurinn og lagsmaður hans í borgarstjórn heimta fund strax, kannski við sama borð. Allt á meðan fjórðungur bifreiða í Reykjavík neglir í gatslitnar götur borgarinnar og Glitnir hugsar sér gott til glóðarinnar á Indlandi með indverskum. Og á meðan Þórey Edda lýsir strákastelpunni á stönginni sem notar rakspíra, þá gefur Héraðsdómur sér tíma til að dæma þrjá unga þjófa til refsingar. Það er hroðalegur glæpur að stela á Íslandi en smámál að nauðga og berja mann og annan. Færeyingar fá nýjan ráðherra og Sigurður Hreiðar segir okkur loksins hvað skammstöfunin HAMAS þýðir: "Helvítis aðkomumenn að sunnan". OR gleypti REY í hádeginu eftir að Bjarni rauk frá borðinu og maður fékk á baukinn fyrir að stela leigubíl. Nú er kominn nýr beljukall í brúna hjá Mjólkursamsölunni og Egill Skallagrímsson er kominn í Sólina.(Greinilega orðinn leiður á þessarri rysjóttu tíð). Og svo er einhver vesalings bæjarfulltrúi í Reykjanesbæ að gera vesen út af því að bróðir fjármálaráðherrans(ráðherfunnar) okkar geti hagnast um milljarða. Hvað er það á milli vina? Búum við ekki á Íslandi? Úr íþróttunum eru þær fréttir helstar að Íslendingar eru í frjálsu falli niður afrekslista í fótbolta(svo sem engar nýjar fréttir) en það jákvæða er þó að til þes að geta fallið höfum við einhvertíma farið upp á við en ég náði ekki í neinn sem mundi hvenær það hefði átt sér stað. Að lokum veður: Spáð er áframhaldandi eldi og brennisteini en léttir til á sunnudag með ofsaroki og rigningu, sérstaklega á höfuðborgarsvæðinu og í Trékyllisvík.

Early sleeper

Við skulum passa þig í alla nótt.....................................................

Kvótakóngur ræðst á hund

Þetta kalla ég ég sko að vera kominn í hundana. Maður bara skilur ekki afhverju. Ógeðsleg brenglun!! Fréttir má svo sem segja á ýmsan hátt. Einhvern tíma birtist grein í BB á Ísafirði (var mér sagt) um landskunnan aflakóng og útgerðarmann sem bjargaði barni í vagni frá því að vera bitið af hundi. Fréttin hófst eitthvað á þessa leið: Kvótakóngur ræðst á hund......(Algerlega birt án ábyrgðar og þið leiðréttið mig ef ég fer með rangt mál).

Grunaður um að hafa nauðgað hundi