Kaffimenning og meira af þvílíku

Jæja, Þá er Menningarnóttin okkar liðin og við getum aftur farið að haga okkur eins og vitleysingar(eða ætti ég frekar að segja eins og venjulegt fólk?). Sjálfur var ég að kaffast á Laugaveginum frá 12.00 - 24.00 og fékk þar mjög svo hlýlegar og hvetjandi kveðjur frá gestum og gangandi. Vil ég hér með þakka öllum þeim sem litu til mín í"kaffi", og líka öllum þeim sem ekki komu en voru borginni okkar til sóma í hvívetna, hvað sem þeir gerðu eða hvar sem þeir voru. Ég var sem sagt á hnjánum í allan gærdag ásamt mínu fólki en við vælum ekki yfir því, því það höfum við valið okkur sjálf. Takk Þið, sem keyptuð af mér verk og þar með gerið það mögulegt að ég geti haldið áfram að skreppa í kaffi.

Að lokum nokkrar línur sem hafa borist í ferfætlinga, limruljóðapottinn. Munið að fresturinn rennur út á morgun. Ekki gleyma að það eru verðlaun í boði.

Kaffisull á öllu sést

svínar dúka ferlega. 

Bergi Thorberg tek ég best.

Tel hann sulla fallega.

 

Þú hefur alla æfistund

eins í gleði og trega

styrkum huga stæltri mund

starfað drengilega

 

Ég þakka nú á þessa lund

þín góðu kynni

eigðu marga unaðsstund

með Eydísinni.

 

Frétti af þessari samkeppni hjá þér, flott framtak. Hér eru nokkrar vísur, fyrst ein limra samin á staðnum:

Á herrana blöðin nú herjahræbilleg var ekki ferja
þeir hlusta þó vart
á væl og það kvart
förum nú bara til berja.
Svo er hér ein braghenda, frá því í vor er kárahnjúkamagapínan var í fréttunum:

Ræpan kvaldi kalda menn við Kárahnjúka.Með verk í maga vildu kúka,vorilmurinn sást burt fjúka.

Og svo eru hér hestavísur:

Hvass þú varst og hneggjandi,á hröðum fótum þínum.Núna ertu eggjandi,oní potti mínum.Forðum beist í fax mera,fagur lékst með börnum.Leiður mun ég laxera,er leikur þú í görnum.

Hér er ein samin í fyrravor, en á við nú:

Verðbréfanna vöxt af staðvorburðurinn gerði.Hluta-féð að hausti þaðhríðfellur í verði.

 

ps. Gaman væri að fá "komment" frá ykkur á kveðskapinn sem mér hefur borist.

kv. Bergur Thorberg

Athugasemdir

[Jón Steinar Ragnarsson, 20.8.2007 kl. 05:12]

Mér finnst einhverjir þeir, sem eru að möndla við limruna, ekki vera með formið og hrynjandina á hreinu. Bendi mönnum á að kynna sér það. 

Það er munur á limrum og ljóðum,

sem á kveðskapnum vondum og góðum.

Ég þol´ekki meir

af hnoðuðum leir,

og vil frið fyrir ritvallarsóðum.

[Húlíó (IP-tala skráð) 20.8.2007 kl. 07:25]

Er ekki eitthvað að færslunni hér fyrir ofan, vísurnar eru eins og í einni bunu.

Fyndið það sem Jón Steinar skrifar, en limran hans væri samt betri ef hann hefði notað ljóðstafi:

Það er munur á limrum og ljóðum

sem á  lástemmdum kveðskap og góðum.

Ég hreyfi ei meir

við hnoðuðum leir

og vil hlé fyrir ritvallarsóðum. 

[Billi bilaði, 20.8.2007 kl. 09:49]

Stundargaman stakan veitir,
stend ég á því fastur.
Þá þú fræðum Braga beitir
ber að forðast klastur.

[Fróða (IP-tala skráð) 20.8.2007 kl. 09:50]

Vísurnar 19 ág.:

 

“Kaffisull á öllu sést
svínar dúka ferlega. 
Bergi Thorberg tek ég best.
Tel hann sulla fallega.”

 

Þetta er illa ort visa hjá Jóni Steinari Ragnarssyni.

Stuðlar á röngum stað í fyrstu línu, og endarím annarar og fjórðu línu út í hött.

Nær hefði verið að hafa það “haglega og faglega”.

Og eins og Húlíó bendir á er limran hans líka leirhnoð. Þó inntakið sé gott eru umbúðirnar tötrar. Hins vegar eru  hinar tvær vísurnar stórgóðar. Braghenda og limra svona lala. Innihald hestavísnanna er ekki gott.  Verðbréfavísan er ágæt.

Breytingin sem Húlíó gerði á limrunni er stórgóð.

 

Vísurnar 17 ág.:

eru stórgóðar, reyndar sumar hendingarnar algjörir gullmolar. Limrurnar  léttar og fyndnar á köflum og hrynjandinn góður.

 

Vísurnar 16 ág:

Fyrsta vísan er drulluhnoð, ljóðið er ekki gott þó meiningin sé það kannski.

Sléttubandið er stórgott og ekki eftir sama höfund og ljóðið og  kaffivísuhörmungin.

 

15 ág. 

Vísan er góð, utan  lokahendingin sem kemur eins og skrattinn úr sauðaleggnum.

[Billi bilaði, 20.8.2007 kl. 12:08]

“Á öllu kaffisullið sést,
svínar dúka haglega. 
Bergi Thorberg tek ég best,
tel hann sulla faglega.”

Eins og Fróða segir má auðveldlega bæta þessa vísu.

[Kvasir (IP-tala skráð) 20.8.2007 kl. 12:36]

Ef þú stöku yrkja vilt

og vilt gæði bæta. 

Á Kvasi getur kvæðið stillt

þá kverkar ljóð mun væta.

[Jón Steinar Ragnarsson, 21.8.2007 kl. 20:51]

Mér þykja hagyrðingar taka niður fyrir sig með sleggjudómum sínum og analisma.  Legg ég það í dóm annara hvort er betra, klastrið við vísu, sem ég játa að ekki var ígrunduð né gerð af stærðfræðilegri nákvæmni, eða vísan sjálf eins og hún stendur. Það er munur á rykföllnum analisma og akademík, hreinu hnoði og  heyrilegum kveðskap. Ef  menn eru angistarfullir yfir kveðskapsformi og jafnvel innihaldi, þá bendi ég þeim á að hlusta á texta helstu dægurhljómsveita samtímans.  T.d. í Svörtum fötum, Skímó og fleiri. 

Rétt er að vel má hafa hljóðstafi í limrum en það er innlend sérviska, sem á sér litla hefð annarstaðar.  Verum svo jákvæð.  Það er merkilegt hvað fólk kemst á flug þegar einhver slær neikvæðan tón.