Er Svíahatur á Íslandi?

Fyrstu fréttir voru að Svíar myndu kæra úrslit leiksins en gera það sem sagt ekki. Þeir eru meiri menn fyrir vikið. Stundum verð ég var við einhvers konar Svíahatur hér á Íslandi og hef eiginlega aldrei skilið hvers vegna. Svíar eru hin vænsta þjóð og í Svíþjóð á ég marga vini. Menning þeirra er rík og gætum við Íslendingar lært mikið af þeim á ýmsum sviðum og eins þeir af okkur, á öðrum. Ég stundaði nám og vinnu þar á sínum tíma og bar þar aldrei skugga á. Svíar: Það gengur bara betur næst.

Svíar kvarta en kæra ekki

Athugasemdir

[Sigrún Jónsdóttir, 1.6.2008 kl. 23:34]

Ekki hatur, bara þessi venjulegi "þjóðrembingur", sem er einkenni lítilla þjóða.

[Marinó G. Njálsson, 1.6.2008 kl. 23:40]

Bergur, þegar kemur að handbolta, þá er mikil Svíaandúð.  Engin spurning.  Líklegast er það vegna þess að Svíar hafa átt það til að niðurlægja okkur leik eftir leik á undanförnum áratugum.  Þú mátt alveg trúa því að engum dettur í hug að þetta sé hatur á sænsku þjóðinni, en Faxe, Wislander og markmannateymin þeirra mun seint fá Fálkaorðu fyrir framlag þeirra til íslenskra íþróttamála.

[Bergur Thorberg, 1.6.2008 kl. 23:47]

Jú jú, ekki hatur, ég viðurkenni það. En svotlir fordómar. Ég er ekki bara að tala um íþróttir. Kveðjur.

[Lilja Guðrún Þorvaldsdóttir, 2.6.2008 kl. 00:32]

Við erum allajafna grútspæld yfir hversu sjaldan við vinnum þá, og ef það tekst þá er það kannski sökum þess að Svíar hafa verið hlunnfarnir um heilt mark. Svo ..........................

[Gunnar (IP-tala skráð) 2.6.2008 kl. 01:28]

Alveg er ég viss um að við íslendingarnar hefðum kært þetta og sagt að þetta að þetta hefði farið allt öðruvísi ef við værum í þeirra sporum.

[Linda (IP-tala skráð) 2.6.2008 kl. 08:11]

Ég myndi ekki segja að það væri Svía hatur, en hrokinn í þeim getur verið pirrandi, og kannski fólk sé að bregðast við því.

[Hilmar (IP-tala skráð) 2.6.2008 kl. 13:22]

Fólk verður að átta sig á því að Ísland er margfalt fámennari þjóð en Svíþjóð og því á það ekki að vera skrýtið að Svíþjóð vinni Ísland mun oftar.

Talandi um andúð og hatur,   ég skil ekki afhverju íslendingar ættu að hafa andúð á svíum eða öfugt. Samskipti þessara frændþjóða hafa að ég best veit verið hin bestu.

Svo verð ég að segja frá því að ég kíkti á myndband af fótboltaleik íslendinga og svía fyrir nokkru þar sem Ísland tapaði 5-0. Þar voru komment frá nokkrum svíum eins og: "heimsku íslendingar"  "íslendingar sökka"  "skíta land"  osfrv. En svo ef maður fer á expressen.se  þá eru umræður svía um Ísland á allt öðrum og jákvæðari nótum. 

kv.