Ingibjörg Sólrún: Farðu í málið strax !

Útlendingastofnun þvær hendur sínar eins og Pílatus forðum, í máli Paul Ramses. Nú verður líklega eiginkonu Ramses einnig vísað úr landi. Þetta er ekki sæmandi okkur Íslendingum að hanga á einhverjum lagabókstöfum í þessu tilfelli. Stjórnvöld eiga hreinlega að grípa inn í þetta mál, afturkalla þennan gjörning og bjóða þessa fjölskyldu velkomna til Íslands. Maðurinn hefur starfað að íslenskum verkefnum í heimalandi sínu, á hér eiginkonu og mánaðargamalt barn og óttast um líf sitt verði hann að snúa aftur til Kenýa. Hann hlýtur að flokkast undir pólitíska flóttamenn og að hanga á því að hann hafi komið við á Ítalíu á leið sinni hingað, er bara lítilmannlegt. Á sama tíma og allir þegnar innan Evrópusambandsins geta dvalið og unnið hér að vild, rekum við þennan pólitíska flóttamann burt. Það er ekkert mál fyrir stjórnvöld að kippa þessu í liðinn og sýna þannig í verki mannúð og manngæsku og fá í leiðinni fullt af góðum prikum í kladdann. Það er nóg af þeim slæmu þar fyrir. Ingibjörg Sólrún: Gerðu nú eitthvað í málinu og það srax!

Eiginkona Ramses ólöglega í landinu

Athugasemdir

[Gunna (IP-tala skráð) 3.7.2008 kl. 20:12]

Ingibjörg Sólrún er ekki í fyrirsvari fyrir þennan málaflokk.

[Bergur Thorberg, 3.7.2008 kl. 20:19]

Veit ég það vel. En hún er utanríkisráðherra og ekki býst maður við miklu af Birni Bjarnasyni.

[Sigurður Þór Guðjónsson, 3.7.2008 kl. 21:06]

Ríkisstjórnin á öll að rísa upp og gera þetta sem þú ferð fram á Bergur. Ef hún gerir það ekki og skýtur sér á bak við það að þetta sé "á annara forræði", dómsmálaráðherra, er hún að leggja blessun sína yfir mannvonsku. Ríkisstjórnin hefur valdið og ef hún vill eitthvað þá verður það.

[Marta Gunnarsdóttir, 3.7.2008 kl. 21:12]

GÓÐUR, og ekki síst svarið við fyrstu athugasemdinni.

Sammála, þetta mál er okkur til skammar hingað til.