Hvað finnst ykkur?

Meiðsli íþróttamanna fá mjög mikla umfjöllun í fjölmiðlum eða öllu heldur, kirfilega. Oft er meiðslunum lýst mjög ýtarlega og er um hálfgerða sjúkraskýrslu að ræða. Mér er ekki kunnugt um að fjallað sé um meiðsl innan annara hópa svo ítarlega og oft. Oft er þetta mjög aumkunarverð lesning og stundum læðist að manni sá grunur að það sé verið að afsaka viðkomandi lið (ef t.d. er um knattspyrnulið að ræða) og getuleysi þess inni á vellinum. Þá er gjarnan sagt: Já það er ekki að marka frammistöðu liðsins núna...aðalmaðurinn/konan er meidd/ur. Finnst mér þetta hvimleitt mjög. Hvað finnst ykkur? Eða hvernig myndi t.d. hljóma: Ræstingakona flæktist í rafmagnssnúru við ryksugun í dag, skall í gólfið og slasaðist á hné. Mun hún fara í aðgerð í dag og fastlega gert ráð fyrir að hún verði frá vinnu nokkrar vikur. Búast má við því að hreingerningu á skrifstofunni verði stórlega ábótavant næstu vikurnar og er fólk beðið velvirðingar á því. O.sfrv...o.sfrv. Geðlæknir datt á leið til vinnu og slasaðist á höfði...... kommon......

Neville þarf að fara undir hnífinn

Athugasemdir

[Rúnar Hart (IP-tala skráð) 24.11.2009 kl. 17:24]

Góður eins og vanalega. Hvað með það þótt íþróttamaður slasi sig, þeim er nær að vera að djöflast þetta, iþróttir eru stórhættulegar enda forðast ég að koma nálægt þeim.

En þú veist Bergur að kaffidrykkja getur einnig verið stórhættuleg, ekki síst ef menn hella niður á sig sjóðheitu kaffi.

Hversu oft hefur maður ekki slasað sig með því að reka pensilinn óvart í nerfið eða augað, eða lamið á fingurinn við eitthvað fikt, að ég tali nú ekki um að lemja á gítarinn þar til blæðir úr fingrunum. já það er vandlifað.

Ert þú ekki bara góður ?

Þinn gamli ven Rúnar Hart.

[Bergur Thorberg, 24.11.2009 kl. 17:38]

Jú... bara góður..... en það eru ekki allir fjölmiðlar fullir  frétta af meiðslum "venjulegs fólks" Rúnar minn.

[Jónína Dúadóttir, 24.11.2009 kl. 18:44]

Góður !

[Eggert Vébjörnsson (IP-tala skráð) 24.11.2009 kl. 20:33]

Týpískar ekki fréttir.

Svona líka sambærilegar við það þegar verið er að fjalla um það í fréttatímum að einhver Jonni Jóns sem hafi spilað með eh 3 deildar liði í noregi sé að fara með einhverju 2 deildar liði í Svíþjóð.

Hverjum er ekki sama!!!

Ekki er verið að tilkynna um það þegar skúringarkonan skiptir um atvinnuveitanda.