Ránvænn banki?

Glitnir (Íslandsbanki) við Lækjargötu virðist einhvernveginn vera svona ránvænn. Þetta er ekki í fyrsta skipti. Stefán Máni tekur líka fyrir rán í sama banka fyrir mörgum árum í bók sinni "Svartur á leik" (bók sem ég mæli eindregið með, þó lesningin sé ekki alltaf fyrir viðkvæmar sálir eins og stundum er sagt). Lengi vel tókst ekki að upplýsa það rán að fullu, ekki fyrr en fyrrum sambýlis eða eiginkona látins manns létti á samvisku sinni. Það er líka eftirtektarvert að axir koma mjög oft við sögu í ránum og ofbeldisverkum nú til dags. Þetta getur endað með því að menn verði hreinlega klofnir í herðar niður eins og í Íslendingasögunum forðum. Þá vaknar spurningin: Eru Íslendingasögurnar svo lifandi í dag að menn eru hreinlega farnir að temja sér vopnaburði fornhetjanna Skarphéðins og fleiri? Kannski halda þessir ógæfumenn bara til að mestu leyti í Kvosinni og nenna ekki (það er nú líka svoldið kalt) upp á Laugarveg og þaðan af síður lengra. Að leita sér skjóls í húsi drottins, Herkastalanum, það er svo aftur önnur saga. Öll erum við jöfn fyrir Drottni almáttugum. 

Fjórða ræningjans leitað

Athugasemdir

[Þórarinn Þ Gíslason (IP-tala skráð) 5.2.2008 kl. 03:37]

Sæll Bergur.

Ég tók nefnilega eftir því að þeir voru eitthvað að bauka í Herkastalanum. Svolítið langsótt að varpa sökinni á HANN.

[Svava frá Strandbergi , 5.2.2008 kl. 17:24]

Fyrst vopnaða bankaránið á Íslandi var framið fyrir mörgum árum, man ekki hvað mörgum. Held það hafi verið í Landsbankaútibúinu á Laugavegi. Scobie nokkur var aðalmaðurinn.