Einar Már, Hannes Hólmsteinn, Laxness og................ ég......... og orginölin........okkar

Hver hefur stolið hverju? Frá hverjum? Hver á upphafið? Og... hver á niðurhalið? Hvað stóð á steintöflunum í gamla, gamla daga? Viti menn! Þú, ég er að tala við þig! Þú mátt ekki stela! Er það Guð eða er það maðurinn sem langaði svo mikið til að vera GUÐ. Það sem Halldór Guðjónsson sagði, "hugsanlega" á veitingahúsi (sjoppu), fyrir margt löngu, kemur út úr koki einhvers manns löngu síðar og hann gerir kokhljóð þessi, að sínum eigin kokhljóðum. Hvað orðið kok þýðir, skulum við láta liggja á millum hluta, þó það minni óneitanlega á orð sem ekki er nefnt í klaustrum nema þegar dimmt er orðið. Þið hafið getið ykkur rétt til. Orðið er: Ábótavant. Svo öllu sé haldið til haga, þá er þetta á stundum kallað á ylhýru máli: Pólitík. Og á fullvöldum dögum: Stjórnmál. All of a sudden, vaknar spurning, sem vekur spurningarnar allar, sem liggja við hlið hennar: Og spurningin spyr: Áttu svar? En þegar samtímameðhöfundar mínir að svokölluðum veruleika samtímans, (það erum við náttúrulega öll), (skynjið þið hrokann), hafa ekkert annað við hinn dýrmæta tíma sinn að gera, annað en að agnúast út í meðbræður er hafa hrifist af skáldi sem sannarlega á skilið að hrífa heila þjóð með sér, þá ættu þeir kannski að fá sér ærlegan sundsprett, bara svona til tilbreytingar. Það sem við viljum er orginal. Orginalið er okkur í blóð borið. Hinni útvöldu þjóð. Orginalanna. Við treystum því að menn steli ekki orginölum.

Athugasemdir

[Þórarinn Þ Gíslason (IP-tala skráð) 3.4.2008 kl. 01:37]

Sæll, Bergur. Svei mér þá að mér finnst ég betur að mér í Kíversku en að skilja alla þessa  org og ekki oeginala.Mér var kennt að svart  værir svart og hvítt væri gult!.

[Bergur Thorberg, 3.4.2008 kl. 02:35]

Sæll orginall Þórarinn. Mér liggur við að segja frændi. Ég sjálfur skil hvorki upp né niður, út eða suður, norður eða niður í sumu sem mér er tjáð. Kannski er það leiðin til hamingjunnar? Hvað heldur þú?

[G. Benzen (IP-tala skráð) 3.4.2008 kl. 08:42]

Ertað ýja að því að Móses hafi dánlótað boðorðunum með ólöglegum hætti þarna á sínum tíma? Sá er brattur!

[Kreppumaður, 5.4.2008 kl. 20:36]

Heldurðu að það hafi staðið á steinblokkunum, fyrir neðan boðorðin: Gvöð, munnleg heimild, apríl 456 fyrir krist, Móses skráði.

[Bergur Thorberg, 6.4.2008 kl. 08:31]

Kreppumaður. Ég leyfi mér að efast um það. Hvort það fór í  HÆSTARÉTT á þeim tíma, er ég löngu búinn að gleyma.

Herra Benzen: Hann var staddur uppi á fjalli þegar ósköpin dundu yfir og dánlódaði öllu draslinu strax og datt svo niður á jafnsléttu og dreifði dánlódinu jafnt á milli manna. Eins og hans var von og vísa.