Mótmæli eða Orwillebræður?

Fyrst vil ég taka fram, að ef verið var að mótmæla brottvísun Paul Ramseys, þá tek ég undir mótmæli við ákvörðun íslenskra stjórnvalda í því máli. Auðvitað á maðurinn að fá að vera hér. En að hlaupa út á flugbraut á alþjóðaflugvelli er fíflagangur og skapar stórhættu. Þetta geta náttúrulega hafa verið endurfæddir Orwille bræður með það nýjasta nýtt í flugmálum. Þetta hlýtur að skýrast á næstu klukkutímum.

Hlupu út á flugbrautina á Keflavíkurflugvelli

Athugasemdir

[Bergur Thorberg, 3.7.2008 kl. 11:48]

Þú segir nokkuð, lambið mitt.

[Aðalsteinn Baldursson, 3.7.2008 kl. 11:59]

Við verðum samt að gera ráð fyrir því að mannskepnan hafi örlítið meira vit í kollinum en gæsirnar (þó svo að stundum megi draga það í efa). Gæsirna vita ekki hvaða hættu þær skapa með því að fljúga í námunda við "stóru fuglana", en við eigum að vita það.

[Sigurður Þór Guðjónsson, 3.7.2008 kl. 12:08]

Mér finnst málið ekki vera það að mennirnir hlupu út á brautina heldur framkoma stjórnvalda við  þennan mann frá Kenya. Á því eiga menn fremur  að hneykslast.

[Elísabet Sigurðardóttir, 3.7.2008 kl. 13:48]

Framkoma stjórnvalda er hið versta mál og ég dáist af þessum mönnum sem sýndu mikið hugrekki með þessu.  Það er enginn annar að gera neitt í máli Kenyamannsins.