Apótekin í bankana?

Meðalmenn eru ofarlega á lista ríkisskattstjóra þetta árið eins og endranær. Það eru ótrúlegir peningar í meðulum enda bryður íslenska þjóðin pillur sem aldrei fyrr. Og pillur eru dýrari á Íslandi en í öðrum löndum. Eins og reyndar flest annað. T.d. bankaþjónusta. Því kemur ekki á óvart að bankamenn séu ofarlega á þessum lista. Það er þó gott að þetta fólk greiðir verulegar fjárhæðir í ríkissjóð. Það eru víst sumir sem, þrátt fyrir miklar tekjur, finna sér leið gegnum skattakerfið og koma út á núlli eða því sem næst. Næst á dagskrá er að framleiða peningapillur, einhvers konar forðapillur, sem teknar eru fyrsta hvers mánaðar og eiga að virka í heilan mánuð og forða mönnum frá því að hanga á horreiminni. Þær pillur verða að sjálfsögðu framleiddar af meðalmönnum og til sölu í bönkum, gegn hóflegri álagningu. Alllir græða: Meðalmennirnir, bankamennirnir, ríkissjóður og hinn peningapilluétandi sauðsvarti almúgi.

Greiðir 450 milljónir

Athugasemdir

[lalli (IP-tala skráð) 31.7.2008 kl. 21:07]

Voðalega eru sumir menn heimskir. Þetta hefur ekkert með okur á lyfjum að gera. Maðurinn seldi Róberti Wessman ásamt fleiri fjárfestum (t.d. Bjögga Thor) Actavis. Oft betra að eyða meira en 5 sekúndum í rannsóknarvinnu áður en menn opinbera heimsku sína á moggablogginu.