Prinsinn og betlarinn

"Ákvörðun um hvort íslensk stjórnvöld fái aðstoð frá Alþjóðagjaldeyrissjóðnum verður tekin á allra næstu dögum, samkvæmt heimildum mbl.is. Ríkisstjórnin á eftir að taka formlega afstöðu til þess hvort aðstoðar verði leitað, segir Björgvin G. Sigurðsson".
 Ákvörðun um hvort íslensk stjórnvöld fái???? Hver tekur þá ákvörðun? Alþjóðagaldeyrissjóðurinn? Eða íslensk stjórnvöld? Er ekki líka í lagi að vita svona nokkurn veginn hvað maður vill, áður en maður fer út um hvippinn og hvappinn með, hágjalda flugfélögum Íslands ehf. ....... að betla....

Ákvörðun á allra næstu dögum

Athugasemdir

[Kreppumaður, 18.10.2008 kl. 18:19]

Ég kem bráðum og betla af þér mynd.  Og læt þig hafa jafnvel aur í staðinn.  Er búinn að velja hana nú þegar ef hún er ekki löngu uppseld.  Það verður þá góðæri hjá okkur, þann dag, öfugt við afganginn af þjóðinni.

[jobbi (IP-tala skráð) 18.10.2008 kl. 18:21]

sæll.Liggur i augum uppi,ríkisstjórnin tekur ákvörðunina,og það þarf að fara víða til að kanna kaup og kjör.

[Fannar (IP-tala skráð) 18.10.2008 kl. 18:24]

Kvennamál aðalforstjóra IMF spila þarna inní. Íslensk stjórnvöld eru, eins og alþjóð veit, mjög vönd að virðingu sinni og kæra sig ekki um að láta bendla sig við stofnun þar sem hugsanlega hafa átt sér stað atburðir sem ekki standast ströngustu skoðun frá faglegu og siðferðilegu sjónarhorni.

[Fannar (IP-tala skráð) 18.10.2008 kl. 18:31]

Nú koma kóatísku kúnurnar sér vel Bergur, þegar krónan er orðin verðlaus.

[Bergur Thorberg, 18.10.2008 kl. 18:36]

Kreppukall: Geymi myndina. Og baða mig í aurunum. Báðir svellríkir af menningu. Hann afi minn var nú ekki á sama máli.... en það er nú gömul saga. Og engin ástæða til að rifja hana upp núna... í góðærinu

Jobbi: Þú segir það....

[Kreppumaður, 18.10.2008 kl. 18:43]

Það sem við höfum fer seint í gjaldþrotaskipti...

[Bergur Thorberg, 18.10.2008 kl. 18:50]

Fannar: Kóatísku kúnurnar hafa bjargað lífi mínu. Ekki tókst mér að selja krónuverkið mitt sl. sumar. Svo mikið er víst. En krónan mín er ennþá á lífi..... þökk sé öndunarvélinni.. frá Landsspítalanum.

[Kristbergur O Pétursson, 18.10.2008 kl. 20:14]

Heill þér Bergur nafni!

Þó krónur þér allar hafni,

hafðu nóg fyrir stafni.

Heill þér Bergur bróðir

-sitjum vér ekki hljóðir-

bólgni þínir sjóðir!

[Bergur Thorberg, 19.10.2008 kl. 02:08]

... bólgni mínir sjóðir??? Varla á þá bætandi.... það er að segja á Íslandi...á lítilli eyju, ég litla peninga tel....og sel. Innan gæsalappa:" Cayman Islands". Fyrir lítið. Ef þú kíkir við í bítið. Snemma. Áður en markaðurinn opnar. Þá er líka smá séns að ég myndi vakna upp sem skáld. Sem ég hef aldrei verið, en aldrei að segja aldrei eins og mamma sagði......