Kommon Hörður

Þó ég mótmæli eins og aðrir Íslendingar þá tek ég ekki undir orð Harðar Torfasonar í upphafi þessarar fréttar. "Hvað er hann að draga veikindi sín fram í dagsljósið núna"? Hvað átti maðurinn að gera? Hann fékk sjálfur að vita þetta á þriðjudaginn? Auðvitað kemst Geir í allt aðra stöðu út af veikindum sínum, þarf ekki að játa skilyrðislaust mistök sín við landsstjórnina..... en varla hefur hann valið sjálfur að verða veikur... ekki frekar en Ingibjörg.. kommon Hörður....

Hænuskref í rétta átt

Athugasemdir

[Gunnlaugur (IP-tala skráð) 23.1.2009 kl. 15:50]

Ummæli sem eru Herði til mikillar minnkunnar.

[Þórunn (IP-tala skráð) 23.1.2009 kl. 15:56]

Ja mér finnst hann nú varla getað minnkað meira blessunin hann Hörður, fáránleg ummæli frá honum.

Sýnir best hvaða karakter hann hefur að geyma.

Óska Geir góðs bata í baráttu við sjúkdóm sem við flest þekkjum allt of vel

[Haraldur Davíðsson, 23.1.2009 kl. 16:02]

Þetta var afar ósmekklegt.

[Margrét St Hafsteinsdóttir, 23.1.2009 kl. 16:02]

Það er nú meira hvað fólk er fljótt að dæma og lesa það sem það kýs að lesa út úr ummælum Harðar.  Svo er alvitað að það er ekki alltaf haft rétt eftir fólki í blaðagreinum.

[Gunnar Th. Gunnarsson, 23.1.2009 kl. 16:18]

Ömurlega misheppnað hjá Herði

[Eva Benjamínsdóttir, 23.1.2009 kl. 16:26]

Það er nú svo með krabbann að hann kemur ekki bara si svona þegar kallað er á hann. Tek undir smekkvísi þína Bergur minn og diplómatíska hugsun til Geirs. Þú ert vel upp alin, svo mikið er víst.

[Gunnhildur Ólafsdóttir, 23.1.2009 kl. 16:42]

Já þetta er illa sagt og hann á að skammast sín!

[Þórunn (IP-tala skráð) 23.1.2009 kl. 17:01]

Margrét - þú væntanlega áttar þig á því að þetta var útvarpsviðtal við Hörð og erfitt að "hafa eitthvað eftir" viðkomandi í þannig viðtölum.

Það er algjörlega á tæru hvað Hörður sagði og ekkert hægt að breiða neitt yfir það ! 

[Ásgeir Kristinn Lárusson, 24.1.2009 kl. 11:36]

HERÐUM MÓTMÆLIN!!!

Lifi byltiGin í greip!!!

[Kristján Logason, 24.1.2009 kl. 12:19]

----
Wrong answer 101

Sem blaðamaður þá setur þú viðmælanda inn í málið og spyrð hann spurningar.
Síðan kveikir þú á upptökutækinu og spyrð hann óræðrar spurningar sem engu máli skiptir í raun nema sem framhald af fyrri spurningu.

Viðmælandi þinn sem nú á traust þitt. Svarar samviskulega.

Ef þú vilt láta viðmælanda líta enn ver út skellir þú í miðri ræðu hans spurningu sem hann átti alls ekki vona á að verða spurður.

Með þessu hefur þú séð til þess að viðmælanda vefst tunga um tönn.

Þegar þetta er klippt og birt er breytt um fyrirsögn.

------------


Þetta eru svo augljós vinnubrögð að ég á ekki til orð.
Það er hafið stríð hér á landi sem aldrei fyrr um orð og tjáningarfrelsi.
Allir þeir sem ekki tjá sig með samskonar orð og setningarskipan og valdstjórnin eru úthrópaðir á torgum með fáránlegum svívirðingum sem menn ættu ekki einu sinn að láta út úr sér í einrúmi.

Stjórnvöld gera allt til þess að fólkið í landinu taki ekki af þeim völdin og landið sem þau telja sig ein eiga og geta ráðstafað

Þetta þarf að stöðva



Við erum þjóðin

Landið er okkar