Út úr torfkofunum

Meirihluti Íslendinga vill út úr torfkofunum...... sem bankarnir eiga hvort eð er.

61,2% vilja aðildarviðræður

Athugasemdir

[Haraldur Hansson, 6.5.2009 kl. 22:53]

Meirihluti Íslendinga fór út úr torfkofunum fyrir meira en hundrað árum. Sumir fóru í bragga, en fóru úr þeim fyrir rúmri hálfri öld.

Meirihluti Íslendinga hefur búið við meiri hagsæld og lífsgæði en flestir aðrir íbúar jarðarkringlunnar undanfarinn aldarfjórðung. Svo komu nokkrir fjárglæframenn og sprengdu allt í loft upp á fimm árum.

Þá vill meirihluti Íslendinga gefast upp og hlaupa í skjól í Brussel. Það er bæði dapurt og aumingjalegt.

[Jón (IP-tala skráð) 6.5.2009 kl. 23:08]

Ef við göngum ekki í ESB þá eru torfkofar framtíðin. Stóru fyrirtækin, þau sem enn halda lífi, munu flytja úr landi. Við losnum ekki við gjaldeyrishöftin, og EES samningurinn verður í uppnámi. Enginn mun vilja fjárfesta hér á landi, né lána okkur pening, nema á okurvöxtum. Það væri dapurt og aumingjalegt. Það er tími til kominn að horfast í augu við raunveruleikann og hefja aðildarviðræður, enda er það skýr vilji þjóðarinnar.

[Haraldur Hansson, 6.5.2009 kl. 23:31]

Jón, trúir þú því í alvöru að innganga í ESB hafi úrslitaáhrif á efnahag Íslands? Hvernig? Lækkar evran skuldirnar? Skapar umsók um aðild traust?

Ísland á í viðræðum við Kína um fríverslunarsamning, að frumkvæði Kínverja. Þeim viðræðum er sjálfhætt ef við sækjum um aðild að ESB.

1. júlí tekur gildi fríverslunarsamningur við Kanada. Hann fellur sjálfkrafa úr gildi ef við göngum í ESB.

Hvort skyldu nú vera meiri vaxtamöguleikar á mörkuðum í Kína og Kanada, eða með því að einangra Ísland í ESB? Bara til að nefna tvö lítil dæmi.

[, 7.5.2009 kl. 00:45]

Mér líst vel á það sem Haraldur Hansson segir. Við skulum þreyja þorrann og góuna og láta ekki eins og kellingar þótt gusti aðeins um okkur.