Frétt frá Forsætisráðuneytinu - Thorberg-Today

Ekki missa af veislunni hjá Jóhönnu Sigurðardóttur annað kvöld. Heiðursgestur er Jón Bjarnason, ráðherra sjávarútvegs og landbúnaðarmála. Mun hann flytja erindi um fjármörk í Skagafirði á öndverðri 18. öld. Veislustjóri verður Sigmundur Ernir Rúnarsson, en hann hefur boðist til að sækja þá sem eru bíllausir á Golfinum sínum. Frést hefur, að í veislunni muni Margeir Pétursson viðra hugmyndir sínar, um að breyta nafni MP banka í Military Police Bank of Iceland. Þá mun Katrín Júlíusdóttir mæta á svæðið og kenna viðstöddum að spila skvass með sænskum hreim. Þá hefur heyrst að Árni Johnsen muni syngja drekkusöngva og Bjarni Harðarson muni mæta skrollandi hálfur. Steingrímur J. Sigfússon mun að öllum líkindum ekki mæta í teitið, þar sem hann mun hafa bókað tíma í Málaskólanum Mími þetta kvöld, á námskeiðið: "How do I learn to speak English ...... The quickest way". Ólafur Ragnar Grímsson mun svo drekka hestaskál um miðnætti, að hætti Axlar-Björns. Að því loknu verður Flateyjarbók boðin upp og allur ágóði mun renna til hollenskra og breskra yfirvalda. Allir drykkir verða að sjálfsögðu bornir fram "on ice" og þeir sem ekki vita hvar Jóhanna á heima, er vinsamlegast bent á að hringja í "Já.. það er svarið". Námsmenn eru sérstaklega beðnir um að athuga, hvort þeir eigi lítinn þægilegan barnastól í fórum sínum, ef ske kynni að menntamálaráðherra myndi mæta á svæðið. Allir eru að sjálfsögðu velkomnir, sérstaklega þeir sem komast ekki í Ríkið á morgun. (Frétt frá Forsætisráðuneytinu)

Sömdum við ríkisstjórnina

Athugasemdir

[jar (IP-tala skráð) 28.8.2009 kl. 23:28]

gott blögg fyrir svefninn takk

[miðbæjarkomminn (IP-tala skráð) 29.8.2009 kl. 01:20]

Eintóm "axlarsköft".