Látum ekki stoppa Jón Jósef Bjarnason og rel 8!! Stöndum saman!

Nú berast þær fréttir að Ríkisskattstjóri og Persónuvernd hafi stoppað Jón Jósef Bjarnason í vinnu sinni við gagnagrunninn rel8 sem flestir ættu að þekkja. Ætli menn skjálfi nú á æðstu stöðum og farið sé að kippa í spotta? Það kæmi mér ekki á óvart. Spillingin er alls staðar og nú verða menn að standa við bakið á Jóni Jósef. Burtu með spillingarkrumluna, sem virðist halda að hún geti endalaust læst klóm sínum í þegna þessa lands. Áfram Jón Jósef með þitt þjóðþrifastarf. Þjóðin stendur með þér.

Athugasemdir

[Jón Steinar Ragnarsson, 17.9.2009 kl. 02:27]

Ég legg til að hópur manna kaupi þennan aðgang af embættinu og veiti svo nafna mínum þær upplýsingar, sem hann þarfnast. Hann getur notast við heimildamenn. Þarf ekki aðganginn sjálfur. Þeir sem nota aðganginn eru ekki að brjóta neitt, með að láta þetta til 3 aðila, enda þarf enginn að vita það.

Þetta hlýtur að vera jafn opið og svartlisti Lánstrausts ehf, sem er misnotaður gróflega af mörgum, sem hafa keypt sér aðgang þar að. Maður þarf ekkert annað en að hnippa í næsta bílasala, tila að fá kreditupplýsingar um guð og hvurn mann. 

Ef persónuvernd ætlar að verja fyrirtækjaeigendur með þessum hætti, þá ætti hún að beita sömu vörnum fyrir skuldugann almúgann.

Þeim er ekki stætt á þessu og eru að einhverri beiðni að ofan að reyna að þvæla þessu fyrir dómstóla, til að tefja þessa vinnu.

Jón ætti að koma sér upp neti. Fá upplýsingar frá öðrum, sem eru með aðgang og svo fá enn aðra til að birta niðurstöðurnar.

Það er helvíti hart að vita til þess að spillingarkrumlan nái inn í embætti skattstjóra og persónuverndar.

Þessar upplýsingar eru public domain og ekki hægt að loka fyrir þær. Þeim kemur svo ekki rassgat við í hvaða samhengi þessar uppýsingar eru settar eða til hvers þær eru notaðar.  Ekki frekar en upplýsingar um okkur öll, sem seldar eru af einkafyrirtækinu Lánstraust til hvers sem er.

Hér er um rannsóknarvinnu að ræða, sem sýnist vera afar mikilvæg til að átta sig á þeirri spillingu og innherjatengslum, sem setti þetta land á hausinn.  

Á sama tíma eru þessir andskotans hræsnarar að tala fyrir því að bankaleynd verði aflétt.  Er ekki rétt að þeir fari að ákveða sig í hvora andskotans löppina þeir ætla að stíga?

[Jón Jósef Bjarnason (IP-tala skráð) 17.9.2009 kl. 07:05]

Góð hugmynd nafni.

Kv.

Jón