Mikið djö.... er ég vondur

Þar kom að því. Gat það verið að það væru ekki bara íslenskir pabbadrengir sem hafa skilið eftir blóðuga slóð, sem núlifandi og komandi kynslóðir Íslendinga verða að hreinsa upp? Nú eru að koma upp í Bretlandi mál sem eru öngvu betri og það voru bresk stjórnvöld sem beittu hryðjuverkalögum á Íslendinga!!!!! Það skyldi þó aldrei vera að pabbadrengirnir hafi lært trixin og hvernig ætti að svíkja undan skatti, í Bretlandi? Það kæmi mér ekkert á óvart. Allt þetta fólk sem hefur komið nálægt þessum málum ætti að fá þungar refsingar. Og útiloka það frá frekari þátttöku í viðskiptum. Og stjórnvöld í báðum þessum ríkjum, sem hafa gjörsamlega brugðist eftirlitshlutverki sínu og dansað í kringum gullkálfinn með glæpamönnum, eiga svo sannarlega að taka afleiðingum gjörða sinna. Ekki síður. Mikið djö.... er ég vondur.

Barclays stakk milljörðum undan

Mr. Brown sektaður

Verst að það var ekki Gordon Brown.

Brown fékk sekt og aðvörun

Jóhanna svarar kalli.......

Og hvað skyldi kallinn hafa spurt Jóhönnu um?

Jóhanna svarar kalli

Móðursjúk börn og valdasjúkar "kerlingar" og "karlakerlingar".

Það verður Samfylkingunni ekki til framdráttar í komandi Alþingiskosningum hvernig hún hefur hagað sér undanfarið. Nánast eins og móðursjúkt barn eða valdasjúk kerling, hefur hún vaðið áfram og nú skal sko allt keyrt í gegnum þingið, bæði gott og slæmt. Og Vinstri Grænir eru ekki miklir eftirbátar hennar. Höfum í huga að nú ríkir minnihlutastjórn sem varð til við mjög svo undarlegar aðstæður, þó gott hafi verið að losna við Íhaldið og þessi stjórn starfar að miklu leyti í umboði Framsóknarflokksins, sem hefði nú mátt fá algera hvíld frá hagsmunagæslu sinni í íslenskri pólitík. Það jaðrar við misbeitingu valds að haga sér svona, verandi við stjórnvölinn í örfáar vikur. Það sem þessi stjórn átti að gera var, að ráðast gegn kreppunni með öllum ráðum en ekki nýta sér stuttan valdatíma sinn til að koma gæluverkefnum sínum að og hreykja sér af því eins og montinn hani á húsmæni. Hvað maður kýs 25. apríl er mér ennþá hulið, það er hvort sem er nánast bara gamla settið sem er í framboði, oft á tíðum fólk sem hefur beðið í ofvæni eftir að komast að kjötkötlunum. Búsáhaldabyltingin var ekki gerð til þess að koma svona þenkjandi fólki til valda. Henni var fyrst og fremst beint gegn spillingunni í landinu og var ekki vanþörf á. Og kannski verður þörf fyrir aðra byltingu að loknum kosningum, til að halda fólki við efnið. Spilling í íslensku þjóðfélagi er mjög víða og henni útrýma ekki valdasjúkir pólitíkusar.

Biðin eftir Jóhönnu á enda

Ég sá fyrrverandi fjármálaráðherra ganga á fund Rannsóknarnefndar Alþingis í dag.

Það vill svo til að ég er oft staddur í sama húsi og Rannsóknarnefnd Alþingis er til húsa. Þar hafa undanfarið gengið inn og út fyrrverandi skrautfjaðrir í bananalýðveldinu Íslandi. Í dag gekk fyrrverandi fjármálaráðherra á fund nefndarinnar og til fyrrverandi Seðlabankastjóra sást fyrir skömmu. En þeir hafa kannski bara verið að kíkja í kaffi til vina sinna, hvað veit ég?

Eva Joly hreinsar út á Íslandi

Fjölmiðlafulltrúi ríkisstjórnarinnar?

Mikil er sú markaðsfræði sem þarna er uppi höfð. En markaðsfræðingurinn komst í fjölmiðla og kannski var það tilgangurinn allan tímann.

Enginn mætti í blysförina

Manni dauðbrá

Sá logana stíga til himins áður en slökkvilið mætti á staðinn. Það skíðlogaði í efstu hæðinni. Og mikill svartur reykur frá brennandi tjörupappa. Mér skilst að engin slys hafi orðið á fólki og er það vel.

Eldur í Síðumúla

Útlendingar og það sem úti frýs

Það hefði nú alveg mátt koma fram í fyrirsögninni að Reykjavík væri meðal ódýrustu borga Vestur-Evrópu fyrir ÚTLENDINGA. Við Íslendingar getum étið það sem úti frýs.

Reykjavík með „ódýrustu" borgum

Lækka félagsleg útgjöld með því að drepa fatlað fólk, fátækt fólk, börn og útigangsfólk

Já, svona fara yfirvöld í Brasilíu að því að lækka sín félagslegu útgjöld. Dauðasveitir lögreglunnar eru sendar út um allt til að drepa fatlað fólk, fátækt fólk, börn og útigangsfólk. Þetta hefur viðgengist lengi og er viðbjóðslegt athæfi og óhuggulegt að lesa um. Heimurinn hefur vitað þetta lengi en ekkert hefur verið gert. Þó að þessir 9 lögreglumenn hafi verið ákærðir nú fyrir fjöldamorð, þá er næsta víst að það sé aðeins toppurinn á ísjakanum. Vonandi verða fleiri myrkvaverk upplýst í Brasilíu, sem og annars staðar, á næstunni.

Lögreglumenn í dauðasveit ákærðir

Smá löðrungur......

Menn eru orðnir vanir svo þungum höggum innan úr fjármálaheiminum að það munar ekkert um smá löðrung til viðbótar. Hvert verður næsta högg, getum við sjálfsagt séð í fjölmiðlum á morgun eða hinn......

Gylfi: Fleira kom til hjá Straumi