Getur ekki klikkað!

Nýjasta útrásin. Nú flytjum við út íslenskt veður. Við eigum nú aldeilis nóg af því..... í öllum stærðum og gerðum. Svo náttúrulega flytjum við inn sól og aftur sól fyrir lítið. Getur ekki klikkað!!

Íslenskt veður á Íslendingadeginum í Gimli

Ritandi ribbaldar

Varla í gegn óritskoðað????? Það er voðalega mikið í tísku á Íslandi í dag að ritskoða. Bloggurum er hent út af blogginu.... Ríkisfjölmiðli sagt að þegja...... best að segja ekki mikið meir að sinni svo mér verði ekki hent út. En hver er þessi heilaga jómfrú sem ritskoðar allt og alla? Er það fjallkonan.... vel falin fyrir ritandi og ræðandi ribböldum þessa lands? Ég er með aðra getgátu. Það er........

Aðgerðarsinnar fóru upp í vinnupalla við Hallgrímskirkju.

Púl

Forsmekkurinn af því sem koma skal??

Liverpool steinlá á Spáni

Hin nýja íslenska mynt

Krónan já... hún bara daprast með hverjum klukkutímanum sem líður, Þó svo að ég hafi nú sett hana í öndunarvél 2007. Það er þó komin ný tillaga að mynt sem gæti gagnast okkur vel. Hún hefur fæðst í Listheimum.(Dr. Bjarni Þórarinsson og Bergur Thorberg). Hin nýja mynt heitir EKRA. Og... það eru 100 Akureyringar í einni Ekru. Og 10 Borðeyringar. Á Stokkseyri eru svo höfuðstöðvar verðbréfa viðskipta (sbr. stocks). Frh.ef maður á 1000 Stokkseyringa, þá á maður ekki neitt. Það þarf því að halda þessu aðskildu. Á Kvaleyri eru svo aumingjarnir sem eiga ekki fyrir matnum og þeir fá borgað í kvaleyri, sem felst í því að þeir skrifa upp á lán í Ekrum, sem þeir geta svo aldrei borgað. Þannig kemst yfirstéttin yfir eignir þeirra án mikillar fyrirhafnar.

 

Lögbann á Moggann?

Ja.... ef verður ekki búið að setja lögbann á útgáfuna........ lögbann á Moggann??? Harla ólíklegt.

Morgunblaðið kemur næst út á þriðjudag

Efnahagssérfræðingurinn Hrannar Arnarsson

Ég skil ekki hvað vakti fyrir Jóhönnu Sigurðardóttur þegar hún réði Hrannar Arnarsson sem aðstoðarmann sinn. Sá maður hefur litla útgeislun að mínu mati og helst hefur maður orðið var við endalaust framapot hans í gegnum árin. Nú er hann í forsætisráðuneytinu og það líst mér ekkert á. Ekki þar fyrir að vandfundinn mun sá aðstoðarmaður sem gæti eitthvað gert fyrir Jóhönnu eins og mál hafa þróast. Stjórnin riðar til falls vegna vafnhæfni og eyðir mestum tíma í að telja kjark úr þjóðinni með sífelldu vonleysistali og virðist engan veginn vera fær til góðra verka. Þjóðin er að missa þolinmæðina... loksins..... og verkin verða án vafa látin tala innan skamms.

Hrannar sendir Joly tóninn

In your wildest greedy money dreams

Ef þessu banni verður ekki aflétt.... þá lokar þjóðin Kaupþingi. Rúv er í eigu þjóðarinnar og reyndar Kaupþing líka. Nú er nýbúið að rukka þjóðina um nefskatt v/ Rúv. Heldur einhver að þjóðin láti bjóða sér svona fasistanasista aðgerðir undir mottóinu: Vald skýlir valdi? Nei og nei. Þú valdmikla og gerspillta embættismannastétt: In your wildest greedy money dreams.

Lögbanni mögulega hnekkt

Ríkisstofnun setur lögbann á ríkisstofnun. Hahahahaha.......

Hvers konar rugl er þetta eiginlega? Ha? Ríkisstofnun setur lögbann á aðra ríkisstofnun? Nú er ruglið farið að keyra um þverbak. Hvað dettur þeim í hug næst? Vitiði ég er alveg trompaður núna enda þreyttur eftir vinnu í allan dag. Fylgist með framhaldinu af áhuga. Hahahahahahahahaha.... djísús.....

Kaupþing fékk lögbann á RÚV

Það verða engir nammidagar fyrir Íslendinga í framtíðinni...... nema.....

Eva Joly talar skýrt. Það er eitthvað annað en leiðtogar íslensku þjóðarinnar gera. Þeir segja: Við vonum að þetta sé ekki alveg vonlaust!. Með signar axlir og beygt höfuð birtust leiðtogar íslensku þjóðarinnar í sjónvarpi í gær og töldu kjarkinn úr íslensku þjóðinni. Það þurfti ekki mikið vit til að skynja boðskapinn í orðum þeirra í gær. "Við höldum að sjálfsögðu áfram að vinna eftir diplómatískum leiðum.. .... o.s.frv...... en boðskapurinn var vonleysi og íslenska þjóðin er búin að tapa "sjálfstæði" sínu...... sem hefur, þegar allt kemur til alls, aldrei verið neitt sérlega mikið. Eva Joly er stór manneskja, það er nokkuð ljóst. Bæði ég og aðrir hafa talað á svipuðum nótum og hún, á meðan fyrrum og núverandi ráðamenn, hafa talað á allt öðrum nótum. Nú er það ekki Jörundur Hundadagakonungur sem tekið hefur stjórnina í landinu eins og að drekka vatn.... nei nú eru það fjármálastofnanir, sem gefa sig út fyrir að vinna í þágu alþjóðasamfélagsins, sem hafa hrifsað til sín völdin, með dyggri aðstoð "bræðra" okkar sem búa okkur næst. Ráðamenn í útlöndum hafa notað Ísland til að slá sér upp heima fyrir og þannig reynt að fela eigin mistök og breiða yfir þeirra eigin vanhæfni. Já landar mínir. Kreppan er nefnilega varla byrjuð enn. AGS er í fríi.... nágrannaríki okkar bíða eins og hýenur... og Alþingi Íslendinga er á frívakt, þegar skipið er að sökkva. Þetta er alveg rétt mat hjá frú Joly, að ungt og menntað fólk mun flytjast úr landi og þeir sem eftir verða munu í æ ríkara mæli verða upp á aðra komnir, til að geta lifað í þessu landi. Það er alveg ljóst að margir ásælast auðlindir Íslands... fiskimiðin og hinar óþrjótandi orkulindir landsins. Heimurinn öskrar á ódýra orku í dag og hana er að fá á Íslandi. Með hlýnandi loftslagi mun staða Íslands breytast enn frekar á næstu áratugum, ef það verður þá nokkuð Ísland, en ekki bara eyja í norðurhöfum sem mun tilheyra þeim sem verður ofan á í baráttunni um landið. Það  verður enginn nammidagur fyrir Íslendinga í framtíðinni....... nema að við sjálf rísum upp og mótmælum þessu hróplega ranglæti sem við erum beitt. Við þurfum sterk bein og við þurfum að velja sterkt fólk til forystu, en umfram allt að standa saman og hætta að rífast um tittlingaskít innbyrðis. Þá er smá von, svo ég beini nú nokkrum huggunarorðum að stjórnvöldum, sem greinilega eru ekki vandanum vaxin. Áfram Eva Joly. Ég styð þig. Þú talar hreint út og það er það sem við þurfum á að halda í dag.

Stöndum ekki undir skuldabyrði

Vikan uppseld?

Maður verður að ná sér í Vikuna áður en hún selst upp. bless. Svo er það líka krossgátan.

Snarpur jarðskjálfti