Betri er hálffull tunna en hálftóm

Jæja, þá er það Seðlabankinn. Það er eins og hann hafi gleymst svoldið á síðustu vikum en er nú aftur í brennidepli. Davíð Oddssyni hlýtur að verða sagt upp í dag og stjórn bankans allri, fyrst menn hafa ekki manndóm í sér til að segja af sér sjálfir. Hvað er svo framundan í pólitíkinni, er afar erfitt að spá um. Það má með sanni segja að allt sé upp í loft í íslensku samfélagi í dag. Fólk treystir fáum af ráða og embættismönnum þjóðfélagsins. Og skyldi engan undra þar sem margir eiga hreinlega ekki fyrir mjólkinni í dag. 26. janúar er ágætis dagur til að moka út úr stjórnkerfishöllinni og byrja að byggja upp nýtt Ísland, sem byggt verði á nýjum heilbrigðum gildum, sem íslenska þjóðin er sammála um og að spilltir stjórnmálamenn og embættismenn, sem þjónað hafa yfirstéttinni um langa hríð, heyri sögunni til. Bjartsýni? Kannski. En betri er hálffull tunna en hálftóm.

Skemmdarverk við Seðlabankann

Björn Bjarnason..... fv. dómsmálaráðherra

Alvitur Björn hefur orðið. Nú ræðst hann ekki bara að Samfylkingunni heldur talar hann skarpt niður til fjölmiðlamanna, segir þá oft láta blekkjast af villuljósum. Björn sér allstaðar plot, enda vanur plottari sjálfur. Vonandi fer þeim plottum fækkandi nú, þegar Björn lætur af ráðherraembætti, helst á morgun.

Upphaf á kosningabaráttunni

Blár borði. Hvers vegna?

Eru þetta einhvers konar sænsk mótmæli? Gult (appelsínugult) og blátt? Margir lögreglumenn bera bláa borða? Fyrir hvað stendur bái borðinn? Bláu höndina?

Mótmælt á tveimur stöðum

Þorir ekki að reka Davíð

Þetta er eins og svo marg oft hefur komið fram áður. Seðlabankastjórinn Davíð Oddson er heilagur í augum Sjálfstæðisflokksins og situr áfram. Hvað sem á dynur. Ótrúlegur hroki gagnvart íslensku þjóðinni. Það eina sem gæti hjálpað Geir að milda aðeins ástandið núna væri að reka Davíð og það strax. En hann þorir því ekki.

Geir: Má ekki missa dampinn

Kolkrabbar, SÍS ræningjar og samtrygging yfirstéttarinnar

Björn Bjarnason: Farðu og gerðu eitthvað annað. Komdu þér burt úr stjórnsýslunni með allar þínar gömlu og úr sér gengnu hugmyndir sem eru sprottnar frá hinum íslenska aðli, sem ráðið hefur öllu hér á 20. og 21. öldinni. Íslenska þjóðin hefur fengið nóg af Kolkröbbum, SÍS ræningjum og samtryggingu yfirstéttarinnar.

Segir þingmenn VG hafa veist að lögreglu

Skrattinn og smádjöflarnir

Jæja þá er Björgvin farinn. Gott hjá honum og líklega það eina í stöðunni fyrir hann. Það var líka gott hjá honum að segja þessu liði upp hjá Fjárnálaeftirlitinu. Það hefur ekki staðið sig sem skyldi, oftar en ekki verið að eltast við smádjöfla, en látið Skrattann í friði og stofnunin hefur verið eins konar ríki í ríkinu, með ofurvernd, en ekki hafa menn þar á bæ staðið vaktina. Björgvin er afar geðugur piltur sem allt í einu var hrint út í brimsjó fjármálaheimsins til að taka þar til en mistókst það eins og öðrum. Vonandi finnur hann góðan flöt til að standa á í framtíðinni. Það er svo langt í frá að við hann einan sé að sakast um, hvernig komið er fyrir íslensku þjóðinni. Aðrir verða líka að "axla ábyrgð". Það sorglegasta við þetta allt er kannski þegar ungt fólk, sem velur að fara út í stjórnmál, mátar sig beint við gamlan tíma, er uppalið í gömlum og úr sér gengnum "tækifærishugsjónum" gamalla slitinna flokka með gamla og kæsta hugmyndafræði. Það er sorglegt. Við þurfum fólk, ungt sem gamalt, sem ekki er bundið á bás samtryggingar og spillingar. Það er leiðin inn í framtíðina. En Björgvin fær prik fyrir gjörðir sínar í dag

Björgvin segir af sér

Afmyndaður af heift???

Geir segir að þekktur rithöfundur, Hallgrímur Helgason; hafi barið utan bíl hans, afmyndaður af heift. Þetta eru nokkuð stór orð og eiga sennilega eftir að eiga sér einhvers konar eftirmála. Svo segir mér hugur. Afmyndaður af heift. Mig myndi langa að sjá þá mynd.

Geir með fullt starfsþrek

Hvítborðungar leika lausum hala

"Það sást til manns sem hengdi upp slíka borða í miðbænum...... Það verður tafarlaust að handtaka svona Hvítborðunga, áður en allt fer í óefni og ekkert nema hvítliðar í bænum. Þetta er allt of saklaust til þess að það sé látið viðgangast. Engin ládeyða, svik né prettir, sem Íslenska þjóðin þekkir best. Það gengur ekki.

Hvítir borðar í borginni

Vantar skipstjóra og vana stýrimenn

Þetta er nefnilega málið. Maður sér ekkert fólk inni á Alþingi, sem gæti af röggsemi og heiðarleika tekið við þjóðarskútunni og stýrt henni af strandstað. Það er sorglegt. Maður horfir yfir hóp sem er ofinn saman við fjármálaöflin í landinu og þar er sko samtrygging í gangi. Þó mannaskipti í embætti forsætisráðherra muni ekki hafa áhrif á stöðu íslensku krónunnar á alþjóðlegum fjármálamörkuðum, þá myndi uppsögn Seðlabankastjórnar hafa einhver áhrif. Það skilur ekki nokkur maður að Davíð skuli enn sitja í Seðlabankanum, nema náttúrulega að hann sé með Sjálfstæðisflokkinn í gíslingu. Eitt stendur þó upp úr: Fólk treystir ekki lengur þessu fólki sem titlar sig Alþingismenn, ráðherrar, embættismenn, "auðmenn"eða bankastjórar. Hagkerfið á Íslandi er í rúst eftir spillingu og getuleysi þessa fólks. Hér krefst íslenska þjóðin grundvallarbreytinga.

Stjórnarskipti breyta engu

Námsferð til Nígeríu

Þetta stefnir allt í námsferð til Nígeríu fyrir spillingarliðið. Ef það lærði að breyta sér í geitur eða kindur þegar hringurinn þrengist utan um það, ja þá væri smá von fyrir það að sleppa.... um stundarsakir.... það eru náttúrulega ennþá til sláturhús......

Þjófur breytist í geit