Meeeeee........ meeeeeeee.........

Hjarðhegðun er gott og kynngimagnað orð. Þegar Össur Skarphéðinsson bendir á hjarðhegðun fjölmiðla hefur hann vissulega eitthvað til síns máls. Það sem hann vill ekki segja eða má ekki segja(stjórnmálaferils síns vegna) er, að hjarðhegðun hefur verið einkennandi fyrir íslenskt samfélag almennt í langan tíma. Stjörnudýrkun og tilheyrandi hjarðhegðun birtist okkur á öllum sviðum þjóðfélagsins og jarmið ekki síst tekið sér bólfestu inni á Alþingi, þar sem oftar en ekki er jarmað í kór á eftir misvitrum forystusauðum. Alþingismenn jarma í kór við viðskiptalífið og vice versa. Og verkalýðsforystan hefur jarmað svo árum skiptir og ekki hefur það jarm skilað íslenskri alþýðu bættum kjörum, nema síður sé. Og svo er það samtryggingin. Hið mikla þjóðfélagsmein. Menn gæta hagsmuna hvers annars. Ef þú gerir þetta fyrir mig, þá skal ég jarma með þér. Hinn "íslenski aðall" hefur skilið sig frá hjörðinni og hún má bíta gras á frostkaldri jörð, meðan aðallinn hefur komið sér þægilega fyrir í notalegum og hlýjum fjárhúsum. Stjórnmálamenn og aðrir "panta" viðtöl í fjölmiðlum, já já, en þessi kindarlega hegðan birtist okkur því miður á flestum sviðum í þjóðfélaginu og betur væri að Íslendingar almennt litu í eigin barm hvað þetta varðar. Þó fyrr hefði verið. Það fer lítið fyrir franska bændageninu á Íslandi. Því miður. Það er ekki skrýtið þó fari fram eldhúsdagsumræður á Alþingi. Það er eitt af þjóðareinkennum Íslendinga að jarma í eldhúsum og kaffistofum.

Össur: Eftirtektarverð hjarðhegðun fjölmiðla

Björn Bjarnason..... Ha?

Ég spyr nú eins og kollegi minn á blogginu: Hvert er sögulegt hlutverk Sjálfstæðisflokksins? Björn. Ha? Eitt er a.m.k. víst: Sjálfstæðisflokkurinn hefur fyrir löngu brugðist fólkinu í landinu. Auk þess legg ég til að Björn Bjarnason snúi sér að einhverju öðru en stjórnmálum, hæfileikaríkur sem hann er. Og ég held að margir Sjálfstæðismenn séu mér sammála.

„Brygðist sögulegu hlutverki sínu“

Spursari gengur frá Chelsea fyrir Man U

Það þurfti náttúrulega gamlan Spursara til að ganga frá Chelsea fyrir Man U. Dimitar Berbatov er alveg ótrúlega góður knattspyrnumaður. "Intelligent football player". Sá besti í heiminum í dag. Segi það og skrifa það.

Stórsigur Man. Utd á Chelsea

Bush með bók. Are you kidding me?

Hvað skyldu verða margir í rithöfundarteyminu? Ég hef ekki nokkra trú á því að Bush geti klórað saman bók svona einn og sjálfur. Hvað haldið þið?

Bush hyggst rita bók

Nóg af gasi

Nú getur íslenska lögreglan andað léttar. Nú verður til nóg af gasi ef bílstjórar og aðrir mótmælendur skyldu verða með eitthvað vesen á næstunni. Þ.e.a.s. ef Úkraníumenn stela því ekki öllu.

Samningur í gasdeilu

Obama og sinnepsgasið?

Hvernig er það eiginlega með Bandaríkjaforseta? Eru þeir allir brjálaðir í pylsur? Sbr. Clinton á Íslandi. Og sinnep? Við skulum vona að Obama haldi sig bara við sinnepið en láti sinnepsgasið eiga sig. Auðvitað er þetta ekkert annað en PR. Maður fólksins fær sér pylsu. Stórfrétt. Frú Obama fær kannski að líða fyrir sinnepsgas í nótt?

Obama fékk sér chilipylsu

Djö....... kjaftæði

Djö...... kjaftæði er þetta. Maður á ekki lag, bara með því að syngja það. Það eru höfundar á bak við lög eins og önnur hugverk. Þeir eru kallaðir "lagahöfundar". Enn eitt dæmi um heimskulega blaðamennsku á mbl.is...... því miður. Bullshit.

Jóhanna og Edgar komust áfram

Stjúpíd mí......... eða......

Það er ekki ólíklegt að Eiríkur Tómasson hjá útgerðarfyrirtækinu Þorbirni í Grindavík hafi rétt fyrir sér í því, að sjávarútvegsfyrirtæki í landinu hafi verið blekkt af bönkunum, til þess að gera samninga, sem fólu í sér að veðja á hagnað með styrkingu krónunnar. En...... hversu heimskir geta menn verið. Það vissu allir að hátt gengi krónunnar á sínum tíma, gat ekki staðist til lengdar og hún myndi ekki styrkjast endalaust og að lokum myndi hún falla og það mikið. Sjálfsagt hafa margir mokað feitt með að taka stöðu gegn krónunni. Það vita líka flestir að sjávarútvegsfyrirtæki hafa hagnast á lágu gengi krónunnar, sbr. gengisfellingar liðinna tíma. Ég skil ekki alveg hvers vegna svona menn eru í bisness. Meira að segja ég, sem aldrei hef unnið hjá fjármálafyrirtæki, vissi það að krónan myndi falla, fyrr eða síðar. Í þessari frétt er einhver þverstæða sem ég botna ekkert í. Stjúpid mí.

Voru samningarnir partur af „svikamyllu“?

Jóhannes Birkiland og Barack Obama

Nú hefði Jóhannes heitinn Birkiland orðið kátur og klæjað í puttana. Hann réði sig einu sinni sem lestarþjón í Bandaríkjunum, eingöngu til að þjóna óstjórnlegri löngun sinni til að ferðast með járnbrautarlestum. Hann hefði sko orðið verðugur fulltrúi Íslands í lestinni með Barack Obama. Það er ég nú hræddur um maður. Og kannski getað slegið Obama um lán fyrir hönd íslensku þjóðarinnar í leiðinni. Ekki hefði nú veitt af því á þessum síðustu og verstu......... ha?

Hættur steðja víða að Obama

Keep it in the family

Já já. Er ekki bara nóg komið hjá Birni? En umfram allt: Keep it in the family.

Fullyrt að Björn hætti eftir landsfund