Verkalýðsforystan á kafi í...............

Þetta segir mér nú bara að verkalýðsforystan er og hefur verið á kafi í spillingunni svo árum skiptir. Sitjandi í stjórnum lífeyrissjóðanna með fulltrúum atvinnurekanda, leikandi sér með eftirlaun vinnandi fólks. Sama hvað Gunnar segir núna. Spillingin er til staðar. Misheppnaðar fjárfestingar og allt of miklir peningar í höndunum á mönnum, sem þeir eiga ekki. Burt með spillingarliðið!

Ekki hægt að taka aðra ákvörðun

Skilanefnd stendur ekki undir nafni

Skilanefnd stendur ekki undir nafni. Hún skilar ekki peningum. Kannski liggja þeir bara niðri í Seðlabanka, þar sem neyðin er stærst. Hvað veit ég. Gangi þér vel Þórdís mín.

Peningarnir fundust og týndust

Skammist ykkar

Hvers konar fyrirlitning er þetta gagnvart afgreiðslufólki á kassa? Það er upp til hópa miklu heiðarlegra og duglegra en þessir þingmenn okkar. Ég held að þeir ættu að líta í eigin barm og skammast sín.

Þingmenn eins og afgreiðslufólk á kassa

Gjörningur

Þetta er listagjörningur krakkar mínir. Það kemur bráðum í ljós.

Notaði seðil með mynd af Davíð

Hrun

Það er vandlifað í dag, sérstaklega á Vestfjörðum. Ef það er ekki fjárhagslegt hrun, þá er það grjóthrun. Gott að enginn slasaðist alvarlega í þetta sinn.

Búa við hrunið alla daga

Norðmenn kjamsa á íslenska draumnum.

Þetta minnir mig á þegar ég var í Búlgaríu 1986 og ef maður var með of stóra elrenda seðla, fékk maður bara til baka í alls konar nammi, súkkulaði, karmellum og þvílíku. Nú má með sanni segja, að djúpur íslenskur draumur sé kominn til Noregs og orðinn þar algjört hitt. Og Norðmenn kjamsa sem aldrei fyrr á íslenska draumnum.

100 tonn af súkkulaði til Noregs

Samgöngur milli lands og Eyja lamaðar

Nú verður að fara beint í jarðgangagerð milli lands og Eyja eða kaupa tvær nýjar ferjur (hraðskreiðar). Það gengur náttúrulega ekki að samgöngur lamist svona algerlega þegar græna þyrlan hverfur núna af vettvangi.

Græna lúxusþyrlan til sölu

Tell me an other one

Siðferðisblindu auðmanna, stjórnmálamanna og háttsettra embætismanna á Íslandi virðast engin takmörk sett. Engin eignatengsl? Tell me an other one.

Hreinn kaupir Birtíng

Sum svín eru jafnari..........

Eins og Orwell sagði: "Svínin eru jafnari en önnur dýr". Spilling, spilling, spilling. Líklega er allt sem hefur komið fram um fjármál þessarar þjóðar á undanförnum vikum, bara toppurinn á ísjakanum. Að nota þau rök að bankarnir væru óstarfhæfir, ef vissir útvaldir aðilar yrðu gerðir gjaldþrota, er hrein og bein ósvífni við hina íslensku þjóð.

Yfirlýsingin kom frá forstjóra Kaupþings

Vendipunktur

Það var ánægjulegt að vakna áðan og lesa þessa frétt. Þetta er söguleg stund og á vonandi eftir að hafa mikil áhrif um heimsbyggðina alla. Það var löngu kominn tími á þessar breytingar, sérstaklega í ljósi þess hvernig Georg Bush hefur farið með forsetavald sitt undanfarin 8 ár. Vonandi er heimsvaldastefna og alþjóðavæðing Bandaríkjamanna liðin undir lok og þeir geti nú ræktað sinn eigin garð, í stað þess að vaða yfir heimsbyggðina með hervaldi og í krafti peninga. Auðvaldið fer þó ekki neitt og fróðlegt verður að fylgjast með hvernig Obama tekst upp við að hemja hin herskáu og auðugu öfl, sem allir vita að róa sífellt undir í  þessu ríki, sem hefur talið sig vera lögreglu heimsins og stært sig af því að vera frjálsasta ríki jarðar. Alheimsvæðingunni svo kölluðu, hefur verið stýrt af Bandaríkjunum, en nú er mál að linni og lýðræðisríki um allan heim, geti geti lifað og þróað sitt lýðræði, án sífelldra afskipta Bandaríkjanna. Ég óska Bandaríkjamönnum öllum til hamingju á þessari sögulegu stundu.

Obama kjörinn forseti