Krónurnar í kaffikrús, fimmtíukallarnir í eldspýtustokk

Stjórnarformaður Spron seldi hluta af stofnbréfum sínum nokkrum dögum áður en félagið fór á markað. Formaðurinn (hún) segist hafa verið að taka til í eignasafni sínu. Allt í röð og reglu á þeim bænum. Ég er að hugsa um að taka mér hana til fyrirmyndar og taka aðeins til í mínu. Ég ætla að setja krónurnar mínar í gamla kaffikrukku sem ég fann í gær, það verður gott að grípa til þeirra næst þegar mig langar í sleikjó eða þarf að taka strætó. Fimmtíukallarnir fara í eldspýtustokk sem ég fann síðast þegar ég var kveikjaralaus og hundraðkallarnir sömuleiðis. Seðlunum þarf ég ekki að hafa áhyggjur af, þá tekur bankinn alltaf áður en ég fæ þá augum litið. Ég lít upp til stjórnarformanns Spron. Hann (hún) kenndi mér að það er lífsnauðsynlegt að taka til í eignasafninu sínu og hafa allt í röð og reglu. Þá getur maður gengið brosandi út í daginn og jafnvel tekið strætó eins og fínn maður.  

Athugasemdir

[Ásgeir Kristinn Lárusson, 6.2.2008 kl. 13:52]

Ég fann fimmtíukall í gær á förnum vegi og kemur þetta sem himnasending, því ég er að safna mér fyrir íbúð. Vona bara, að sá sem týndi fimmtíukallinum, sé ekki í rusli; hann getur huggað sig við það, að peningnum verður ekki eytt í vitleysu...

[Ásgeir Kristinn Lárusson, 6.2.2008 kl. 18:48]

Djö... nú finn ég ekki fimmtíukallinn!

[Bergur Thorberg, 6.2.2008 kl. 20:34]

Vegir Guðs eru órannsóknarlegir kæri vin. Ef þú ert alveg í vandræðum þá förum við bara í eldspýtnastokkinn.

[www.zordis.com, 6.2.2008 kl. 22:53]

Happ í hendi, best að varðveita og spyrna á móti!