Ég hef tekið húsaflugu í fóstur

Ef veðurspáin gengur eftir er smá von að húsaflugan mín sem ég hef tekið í fóstur, fái félagsskap um helgina, af öðrum húsaflugum. Hún flaug inn til mín fyrir hálfum mánuði og nú er svo komið að fylgir mér um íbúðina og fagnar mér alltaf þegar ég kem heim. Hún sest á tölvuskjáinn þegar ég er að blogga eða vinna annað á tölvuna og fylgist með af áhuga og kemur svo til mín ef ég kalla á hana. Ég er búin að skýra hana Guðmundu í höfuðið á annari húsaflugu sem ég tók í fóstur þegar ég bjó í vesturbænum. Ég fæ að strjúka henni um bakið en enginn annar fær að gera það. Stundum hverfur hún nokkra klukkutíma en kemur alltaf aftur. Guðmunda hin fyrri gekk svo langt að hún fylgdi mér inn í svefnherbergi á kvöldin og saf ofan á sænginni. Hún lét einmitt lífið í svefnherberginu. Ég fann hana dána í rúminu einn morguninn. Kannski hef ég verið valdur að dauða hennar, óafvitandi... sofandi. Nú má ég ekki vera að því að blogga meira því Guðmunda krefst þess að ég leiki við hana. Guðmunda!!!!!! Guðmunda....... Guðmunda........... er að koma.....bíddu...

Hitabylgja um helgina og víða 25 stiga hiti

Athugasemdir

[Ía Jóhannsdóttir, 3.7.2008 kl. 16:59]

Hehehhe mamma átti líka alltaf svona vinkonu, þetta eru svo mikil krútt

[www.zordis.com, 3.7.2008 kl. 18:02]

Heljarinnar krútt .... svo sætt þegar þær brosa til manns.  Ég var með eina kónguló sem hafði dulbúið sig í lit gólfefnisins, feimin skiluru!

[Freyja, 4.7.2008 kl. 00:19]

Það var einmitt maríuhæna sem settist að á baðherberginu mínu þegar ég var krakki og hún var þar í margar vikur þangað til hún lét lífið þar, hún hét Gunna:P