Drullumall og Dr. Bogi Oln

Fyrirtækið Drullumall ehf gaf út yfirlýsingu í dag þar sem fram kemur að uppskurðurðurinn sem framkvæmdur var á olnboga Kristjönu Rónaldsdóttur, hafi heppnast mjög vel. Það var hinn þekkti færeyski skurðlæknir Dr. Bogi Oln, sem framkvæmdi aðgerðina í Þórshöfn í Færeyjum, en hann er talinn meðal fremstu olnbogaskurðlækna heimsins í dag. Það kemur svo í ljós eftir mánuð hvernig aðgerðin hefur heppnast og hvenær Kristjana getur farið að beita kökukeflinu á ný. Fyrst um sinn mun hún æfa sig á bónda sínum, Barða bakara, en vonandi líður ekki á löngu þar til Kristjana verður komin á fullt í bakstrinum.

Vel heppnuð aðgerð á Ronaldo

Athugasemdir

[Kreppumaður, 7.7.2008 kl. 21:20]

Þá fer ég til Færeyja að láta gera að sárum mínum.  Skar mig í fingur í morgunn þegar ég hugðist stela mér sneið af melónu, vopnaður vasahníf.

[Bergur Thorberg, 7.7.2008 kl. 21:39]

Já, svona getur farið ef maður er fingralangur, minn kæri. Þar að auki eru melónur viðsjárverðar eins og fleiri kynsystur þeirra. Þetta ættir þú nú að vita.

[Kreppumaður, 7.7.2008 kl. 22:40]

Enda munaði minnstu að ég yrði fingri styttri.  En svona magnar sveitin upp í manni útlagaeðlið, enda ekki svo langt frá bústaði Eyvindar og Höllu.  Kannski ég bara setjist þar að?