Mótmælaaðgerðabúða hvað?

Fyrir nokkrum dögum hétu þetta aðgerðarbúðir. Nú eru það mótmælabúðir. Eru einhver vandræði í markaðssetningunni? Náttúruverndarsinnanum mér sýnist það. Finniði nú eitthvað nafn á barnið svo þetta beri nú einhvern árangur. Svo skrýtið sem það hljómar er nú gott að hafa "almenning" með sér í svona málum. Kannski getiði sjokkerað eða vakið athygli með einum góðum listrænum gjörningi? Hvernig væri það? Muna svo eftir að taka vel til eftir sig þegar búðirnar verða teknar upp. Allt gler og plast í endurvinnsluna. Það má margt læra af skátunum. Gangi ykkur sem allra best.

Mótmælabúðir á Hellisheiði

Athugasemdir

[Eva Hauksdóttir (IP-tala skráð) 12.7.2008 kl. 11:18]

Öll mótmæli eru í sjálfu sér aðgerðir. Munurinn á mótmælabúðum og aðgerðabúðum er sá sami og á sjúkrahúsi og spítala. Tvö orð, sama fyrirbæri, ekkert vandamál.

[Heidi Strand, 12.7.2008 kl. 11:41]

[Nökkvi (IP-tala skráð) 12.7.2008 kl. 12:02]

Frábært að lesa hvað einn talsmaður búðanna segir:

"Hún segir að fyrstu dagarnir fari í það að fræða fólk um það sem sé að gerast á Íslandi, þ.e. hvaða stóriðjuframkvæmdir séu í gangi eða eru fyrirhugaðar. Rætt verði um áhrif slíkra framkvæmda á náttúruna. „Fólkið verður því vel upplýst áður en það grípur til aðgerða,“ segir Miriam. "

Með fullri virðingu fyrir mómælendum, sem mótmæla einhverju sem þeir þekkja, þá virðist þetta lið ekki hafa haft hugmynd um af hverju það kom til Íslands.

Svona lið er ástæða þess að maður telur flesta mótmælendur illa upplýsta, þessi talsmaður búðanna er að staðfesta þessa skoðun mína.

[Olgeir Engilbertsson (IP-tala skráð) 12.7.2008 kl. 13:41]

Mér finnst undarlegt ef svona lið getur bara komið si svona og sett upp tjaldbúðir á víðavangi. Almenningur verður að tjalda á viðurkenndum tjaldstæðum og borga fyrir. Hvernig er með salernisaðstöðu og  ruslahirðingu? Þetta fólk virðist ekki hafa mikið að gera að geta staðið í svona rugli um hábjargræðistímann og vonandi sleppir því að skemma eigur annara.Merkilegt hvað fjölmiðlar sýna þessu ruglaraliði mikinn áhuga.

[Eva Hauksdóttir (IP-tala skráð) 12.7.2008 kl. 16:39]

Ég held nú reyndar að flest félagasamtök og fyrirtæki taki á móti hópum útlendinga sem ætla að vinna með þeim, með kynningum og námskeiðum. Fólk sem kemur hingað til að taka þátt í aðgerðum hefur almennt ágæta þekkingu á áhrifum virkjana en auðvitað bæði þurfum við og viljum læra meira.

Útlendingar sem eru að koma hingað í fyrsta sinn þekkja hinsvegar vitanlega ekki staðhætti á Íslandi, gera sér oft ekki grein fyrir vegalengdum og eru ekki alveg með það á hreinu hvað er hvar, hvaða aðgerðir hafa þegar verið notaðar eða á hvaða stigi hver framkvæmd er.

Varðandi salernismál og sorphirðu þá hafa þau mál verið í fínu lagi undanfarin sumur og ég á ekki von á öðru en að svo verði einnig nú.