Nauðga, berja, stinga... ekkert mál???

Það er sorglegt að lesa svipaðar fréttir og þessa dag eftir dag. Enn á ný kalla ég eftir aðgerðum gegn hvers kyns ofbeldi hér á landi. Aðgerðir gegn ofbeldi hafa einhvern veginn ekki forgang hér á landi. Arfurinn úr Íslendingasögunum, þar sem hvers kyns ofbeldi er nánast sveipað dýrðarljóma, er lífseigur. Konum er nauðgað, menn eru barðir og stungnir og gerendur í ofbeldismálum sleppa oftar en ekki með vægar refsingar, ef þá nokkrar. Hnífa má nota til að gera að fiski eða skera brauð en ekki manneskjur. Helst þurfa menn að liggja dauðir í valnum, svo menn fái refsingu við hæfi. Margar manndrápstilraunir hafa verið gerðar t.d. í miðbæ Reykjavíkur, án þess að hafa verið meðhöndlaðar í réttarkerfinu sem slíkar. Mál er að linni og brýnt er, að yfirvöld sendi skýr skilaboð í þessum efnum.

Stunginn með hnífi í miðbænum

Athugasemdir

[Sigrún Sigurðardóttir, 12.7.2008 kl. 19:06]

Alveg með ólíkindum hvað ofbeldið hefur aukist á Íslandi, ég er svo hjartanlega sammála því að nú sé nóg komið og eitthvað þurfi að fara að gera í þessum málum.

[Rh (IP-tala skráð) 13.7.2008 kl. 02:28]

Það eru líka bara Vitleysingar sem fara niður í miðbæ reykjavíkur um helgar.

Þetta er dýragarður. Stútfullt af uppdópuðu liði sem er kolklikkað í hausnum.

Bara sleppa því og finna sér gott aflappað hóf eitthver staðar sem þú ert allavega í minni hættu að vera barinn í stöppu eða drepinn afþví þú rakst utan í eitthvern.