Út úr spillingabælunum með spillingarefina

Þessu var ég búinn að spá. Við hverju bjuggust þessir háu herrar? Það verður að taka íslenska alþýðu alvarlega, sem berst nú fyrir lífi sínu fjárhagslega. Og hún hefur ekki komið sér í þá stöðu sjálf. Nú er sko kominn tími á rétta upplýsingagjöf frá stjórnvöldum til almennings og tími aðgerða. Út úr spillingabælunum með spillingarefina áður en allt fer hér í bál og brand.

Eggjum kastað í Alþingishúsið

Athugasemdir

[Hólmdís Hjartardóttir, 8.11.2008 kl. 16:47]

þar kom að því

[Atli Sigfús (IP-tala skráð) 8.11.2008 kl. 16:47]

Já endilega, skiptum um ríkisstjórn í hvert sinn sem múgæsingurinn verðu nógu mikill. Það verður til þess að stjórnvöld munu aldrei einbeita sér að langtímamarkmiðum (sem gætu haft í för með sér óvinsældir til styttri tíma litið) en bara hugsa um skammtímamarkmið og skoðannakannanir. Hvernig helduru að það myndi enda?

Ég skil ekki afhverju kommar eins og þú og Jóhannes Ragnarsson eru ekki löngu fluttir af landi brott, ég held að það væri betra fyrir okkur öll.

[Alexander Kristófer Gústafsson, 8.11.2008 kl. 16:50]

Ég er ekki kommi(harðlínu hægri sinnaður) og ég vil fá nýja ríkistjórn ég álit ykkar sjallana vera kommunista aftur þá móti.

[Rakel Sigurgeirsdóttir, 8.11.2008 kl. 16:54]

Tek undir með þér Bergur: Hér þarf að hreinsa til svo um munar!

[Púkinn, 8.11.2008 kl. 16:55]

Sá sem græðir mest á þessu er væntanlega Björn Bjarnason, sem mun nota þetta til að rökstyðja nauðsyn þess að koma á fót sérþjálfaðri óeirðalögreglu.

Ráðamenn munu afskrifa þetta sem skrílslæti og mótmælendur munu engu fá áorkað...minna en engu, ef eitthvað er.

[Nína S (IP-tala skráð) 8.11.2008 kl. 17:05]

Mótmæli,því fjölmennari er rödd fólksins. Mannfjöldi sem er eins og haf sem streymir í kringum stofnanir stjórnvalda og það segir ýmislegt, með eða án eggja. Hvað skyldi Davíð segja núna, honum fannst ekki til örfárra hræða koma (500 manns) , hann tæki mark á miklu meiri mótmælabylgju en það.

Skyldu stjórnvöld skilja þau skilaboð sem fólkið er með til þeirra. 

[Bergur Thorberg, 8.11.2008 kl. 17:17]

Sver af mér kommúnismann og frjálshyggjuna. Atli Sigfús: Veist þú ekkert hvernig ástandið er eða vinnurðu í Seðlabankanum?

[Rakel Sigurgeirsdóttir, 8.11.2008 kl. 17:21]

Ég verð að grípa hérna inn í til að taka undir með Alexander. Ég er þó alls ekki harðlínu hægri manneskja en finnst vænt um að heyra að þeir sem eru þeim megin í stjórnmálum séu farnir að horfast í augu við að stjórnarhættir Sjálfstæðisflokksins minna óhugnanlega á þá sem misnotuðu kommúnismann til þeirrar einræðisstöðu sem Sjálfstæðisflokkurinn hefur komið sér fyrir í.

[Axel Jóhann Hallgrímsson, 8.11.2008 kl. 17:51]

Atli Sigfús,  ef það eru kommar einir sem sjá eitthvað athugavert við það hvernig öllu hefur verið fyrir komið, verð ég víst að teljast kommi og það sama er um þorra þjóðarinnar að segja, sýnist mér.

Það hlýtur að fara um ykkur þessa fáu "rétttrúuðu" umkringda af öllu þessu kommapakki, spurningin er því  hverjir ættu að fara utan?

Hugsa að Ríkislögreglustjórinn láti nú hraða þeirri vinnu að gera "lygafréttir" DV sannar.

[Atli Sigfús (IP-tala skráð) 8.11.2008 kl. 18:03]

Ég kallaði nú ekki mótmælendurnar kommúnista var það? En fyrst þú gast ekki fengið þig til að svara punktinum í athugasemdinni minni, þá spyr ég þig beint:

Finnst þér að það eigi að boða til kosninga alltaf þegar reiðin er nógu mikil, og þar af leiðandi hefta getu stjórnarflokka til að taka ákvarðanir með langtímahagsmuni að leiðarljósi? 

[Rakel Sigurgeirsdóttir, 8.11.2008 kl. 18:09]

Atli. Ég ætla bara að svara fyrir mig en fyrst verð ég að spyrja þig: Manst þú eftir því að íslenskur almenningur hafi krafist þess áður að ríkistjórnin viki og boðað væri til nýrra kosninga? Ég man ekki til þess. Ástæðan fyrir því að þess er krafist nú er ekki síst sú að núvernadi ríkisstjórn hefur ekki stuðlað að langtímahagsmunum þjóðarinnar með ákvörðunum sínum. Þvert á móti!

[Bergur Thorberg, 8.11.2008 kl. 18:15]

Rétt Rakel.

[Atli Sigfús (IP-tala skráð) 8.11.2008 kl. 18:26]

Nei, ég man ekki eftir því, en við höfum séð það svartara (aðallega vegna þess að við höfum núna svo hátt menntunarstig og hagvöxtur undanfarna ára hefur verið það mikill) svo ég sé ekki afhverju þetta er endilega að gerast núna.

Hvort að ríkisvaldið hafi verið með langtímahagsmuni að leiðarljósi í stjórnartíð vita þeir einir sjálfir, ég get aðeins sagt mína skoðun á því, og ég tel að miðað við þann mikla hagvöxt sem við höfum lifað við þá bendir margt til þess að svo sé.

Ég ekki hingað til að þrasa um stjórnmálaskoðanir, þó ég leyni því ekki að ég vill ekki fá yfir okkur sósíalista stjórn, því ég tel að það myndi gera iltl verra. En ég vill samt fá svar við spurningunni minni, því þú svaraðir henni ekki.

Já eða nei, á að stofna til kosninga í hvert sinn sem allt verður brjálað eða ekki?

[Rakel Sigurgeirsdóttir, 8.11.2008 kl. 19:07]

Atli. Ef þú værir ánægður þá værir þú sennilega ekki að fylgjast með bloggi þeirra sem eru það ekki. Þú værir heldur ekki að blanda þér í umræður með  japli og jamli og fuður um eitthvað sem kemur kjarna þess sem um ræðir lítið sem ekkert við. Það hvernig þú horfir framhjá efnahagshruninu með því að einblína á söluslagorð þeirra sem leiddu það yfir okkur fær mig til að álykta að þú sést að reyna að fá útrás fyrir óánægju þína með því að egna til deilna við þá sem síst skyldi.

Vildi bara benda þér á þetta.

[Atli Sigfús (IP-tala skráð) 8.11.2008 kl. 19:46]

Semsagt svarið er nei?

Annars þakka ég þér fyrir að gera mér upp skoðanir.