Eru menn að komast til vits?

Ja hérna. Eru menn að komast til vits? Þetta hafa margir viljað lengi (15-20 ár), þar á meðal ég. Frá Evrópu hefðu komið miklar kjarabætur og lægra vöruverð. Þetta sýnir svart á hvítu að Sjálfstæðisflokkurinn hefur verið og er, svartara íhald en kommarnir í gamla Sovét. En batnandi mönnum er þó best að lifa. Það er bara ekki víst að forysta Sjálfstæðisflokksins hlusti á ykkur.

Stjórnendur Seðlabankans víki

Athugasemdir

[www.zordis.com, 13.11.2008 kl. 23:10]

kvedjur á zig karlinn!

[Gummi (IP-tala skráð) 13.11.2008 kl. 23:11]

Þú ert bullustampur, þig vantar kannski styrki frá ESB enda listamenn flestir vesalingar og letingjar.

[Bergur Thorberg, 13.11.2008 kl. 23:20]

Gummi er gramur. Ég hef aldrei þegið styrki. En það hefur þú kannski?

Kveðjur á móti Þórdís mín. Og til barnanna myndarlegu og karlsins.

[Björn Birgisson, 13.11.2008 kl. 23:49]

Von á fleiri svona ályktunum?

Fróðlegt verður að heyra tóninn í Sjálfstæðisfélögunum vítt og breytt um landið í framhaldi af þessu þrumuskoti Skagamanna. Held að það þurfi pólitískan galdramann til að halda flokknum saman úr þessu. Geir er lunkinn - en varla göldróttur.

[Rakel Sigurgeirsdóttir, 14.11.2008 kl. 01:15]

Það að stjórnin skuli ekki löngu vera búin að víkja a.m.k. Davíð Oddssyni úr sæti sýnir best hversu fáránleg ráðstöfun það er að skipa pólitískan „hálfguð“ í sæti seðlabankastjóra. Gott að einhverjir hafi riðið á vaðið og rifið múl flokks- og hagsmunatengsla út úr munninum á sér og sagt sína skoðun.

Það er greinilegt að þeir á Akranesi eru byrjaðir að horfast í augu við Davíðsvandann en orðsending Skagamannanna í lok fréttarinnar gefur það til kynna að þeir þurfi að horfast í augu við miklu fleira: Stjórn fulltrúaráðsins telur að sá vandi sem íslenskir stjórnmálamenn standa nú frammi fyrir muni leiða í ljós styrk þeirrar stefnu sem þeir standa fyrir. Það er bjargföst trú stjórnarinnar að á grundvelli Sjálfstæðisstefnunnar, með hagsmuni allra stétta fyrir augum, verði vandamál þjóðarinnar best leyst nú sem áður.

En það er vissulega fagnaðarefni að einhverjir láti skoðun sína í ljós og bendi á nauðsyn þess að seðlabankastjórnin víki svo og stjórn Fjármálaeftirlitisins. Einhverjir sem er von til að ríkisstjórnin taki mark á. Við skulum a.m.k. vona að Geir Haarde og félagar hlusti.

[Guðmundur G. Hreiðarsson (IP-tala skráð) 14.11.2008 kl. 15:02]

Sprungu kjötkatlar? Við vorum ekki þar Bergur minn, hm.