Bláþráður á blárri hönd

Bláþræði? Sem ef til vill hangir á blárri hönd? Og hvað hangir svo á bláþræðinum? Eldgömul hreppapólitík? Eða hrossakaup? Spyr fávís maður. Kannski er íslenska glíman svona. Sniðglíma á lofti, hælkrókur eða klofbragð. Steingrímur vann.

Viðræðurnar hanga á bláþræði

Athugasemdir

[Margrét Ólafsd. (IP-tala skráð) 29.5.2009 kl. 21:01]

Það var slegin skjaldborg um fjármagnseigendur í dag, einu sinni enn.

Því miður skuldum við íbúðalánaþrælarnir hundruðir þúsunda í VIÐBÓT við áður 20% hækkun á síðasta ári.  Fjármagnseigendur fá þetta allt bætt.

Gylfi Arnbjörnsson er talsmaður fjármagnseigenda, hann sagði í viðtali í Mogganum síðastliðið sumar að verðtryggingin væri frábært afl fyrir t.d. lífeyrissjóðina til að fá ávallt allar hækkanir á verðlagi bættar.

Gylfi Arnbjörnsson er ALLS EKKI maður verkalýðsins. Því miður.  Hann getur talað eins og hann vill og röflað en í hnotskurn er hann eingöngu að hugsa um hagsmuni fjármagnseigenda.  Fólkið í skítajobbunum getur bara haldið áfram að blæða.

[Bergur Thorberg, 29.5.2009 kl. 21:22]

Ekki veit ég hver þú ert Margrét. En mæltu heilust. Einu sinni hitti ég mann í heitapottinum í Vesturbæjarlauginni, fyrir margt löngu. Sá maður talaði fjálglega um, að núna loksins, væri hann laus við þessar endalausu skattabyrðar. Mig minnir að þetta hafi verið árið sem 10% fjármagnstekjuskattur var lögleiddur. Hann var hólpinn. Og slakaði á sem aldrei fyrr. Hans menn... höfðu greinilega unnið vinnuna sína.