Englendingar mun betri

Englendingar hafa verið mun sterkari aðilinn í leiknum og margir að leika vel. (Carrick, Terry, Defoe, Downing, Upson) og eiginlega bara allt liðið. En Þjóðverjar eru slakir og hugmyndasnauðir. Það hlýtur að breytast í seinni hálfleik.

England 1:0 yfir gegn Þýskalandi

Margt smátt

Ég skal leggja 1 íslenska krónu í púkkið. Margt smátt gerir eitt stórt.

Reynt að bjarga verki eftir Titian

Seint er um rassinn gripið og óbarðir biskupar bjarga ekki barni sem er dottið í brunninn

Seint er um rassinn gripið og ásakanir ganga á víxl. Hægri höndin (Bláa höndin), veit ekkert hvað sú vinstri hefur verið og er að gera og öfugt. Mikil endemis vitleysa er þetta allt saman. Þetta fólk er ekki starfi sínu vaxið. Ég held að flestir sjái það, nema það sjálft.

Hugmynd forsætisráðherra

Farið í tætarann

Ætli handritið hafi farið í tætarann? Nú stendur eftir bara orð gegn orði? Treystu þrímenningarnir ekki samráðherrum sínum? Össur segist ekki hafa haft hugmynd um þetta. Treystir Ingibjörg ekki svila sínum og samráðherra? Svör ráðamanna varðandi þetta mál byrja líka einatt á orðunum: Ég minnist þess nú ekki............að við höfum.... Það var boðað til fundar með stjórnendum viðskiptabankanna en ekki í ríkisstjórn, út af þessu máli! Hvað var og er í gangi? Þetta sýnir svart á hvítu að peningamálastjórn landsins var og er í molum. Vanhæft fólk á öllu sviðinu segi af sér.

Handrit Seðlabanka ekki skilið eftir

Svona eiga sýslumenn að vera

Svona eiga sýslumenn að vera. Ég kasta boltanum til þín Herdís. Innilega til hamingju með daginn.

„Strákarnir okkar“ í sérstöku uppáhaldi hjá Herdísi

Leyni leyni

Steingrímur leyni leyni. Hann er svoldið fyrir það vera leyni. Þetta hefði nú verið meiri sendinefndin. Steingrímur í forsæti, Seðlabankastjóri sem hefur brugðist skyldum sínum og ráðuneytisstjóri sem grunaður er um innherjaviðskipti. Ansi álitleg sendinefnd, svo ekki sé meira sagt. Ja hérna.

Vildi leynilega sendinefnd til Noregs

Fjölkvæni og fjölgiftar konur

Segið þið svo að fjölkvæni borgi sig ekki!! Ætli það séu engar fjölgiftar konur í Taívan?

Gott fyrir eiginkonurnar átta

Gomes er fínn markmaður

Gomes á eftir að sýna að hann stendur undir nafni. Hann sýnir oft meistaratakta. Það eru miðverðirnir King og Woodgate sem eru að bregðast, og kannski bakverðirnir líka, sérstaklega í föstum leikatriðum. Það þarf að laga. Þá stendur Gomes vaktina í markinu.

Harry Redknapp: Gomes nýtur fulls trausts

Var rætt um spillinguna í verkalýðshreyfingunni?

Var ekkert farið yfir spillinguna sem grasserar í verkalýðshreyfingunni? Engin sjálfskoðun í gangi? Hvað hafa forkólfarnir í heildarlaun? Ég spyr.

Líflegur ASÍ-fundur í kvöld

Galdur í Austurbæjarskóla

Það sem kemur ekki frá þessum skóla. Undir öruggri stjórn Guðmundar skólastjóra og frábærs starfsliðs gegnum árin hafa gerst undur í þessum skóla. Það er einhver galdur í öllu innan veggja skólans. Maður finnur það strax og maður kemur þar. Þar kenndi Vilborg Dagbjartsdóttir skáld og fleira gott fólk, sem hefur svo sannarlega skilið eftir spor sín í skólanum. Til hamingju Austurbæjarskóli. Til hamingju krakkar.

Austurbæjarskóli vann Skrekk