Er þetta rétt?

Verður þetta til þess að perrarnir leita enn frekar á náðir internetsins til að níðast þar á börnum og fleirum? Menn sem kaupa sér þjónustu vændiskvenna fara þá bara eitthvað annað, með ófyrirsjáanlegum afleiðingum. Jafnvel auknu ofbeldi. Hafa Norðmenn og Svíar hugsað þetta mál til enda? Vændisstarfsemin fer þá hugsanlega enn frekar neðanjarðar og erfiðara verður fyrir yfirvöld að fylgjast með hvað þar fer fram.

Norsku banni við kynlífskaupum fagnað á Íslandi

Jón Gunnarsson? Hver er það?

Jón Gunnarsson? Hver er það? Aldrei hef ég heyrt neina þingræðu frá honum. Er hann einn af þessum steinsofandi þingmönnum sem hefur vaknað upp með andfælum og er að reyna að komast í sviðsljósið? Lítill Dabbastrákur?

Gagnrýnir Björgvin og Þórunni

Gallað sjónvarp öðlast nýja von

Þá get ég kannski farið með gallaða sjónvarpið mitt, sem var keypt í BT, og er í ábyrgð, til Haga? Ætla að reyna það.

BT verslanir undir hatt Haga

Bál og brandur

Það er allt að fara í bál og brand í ríkisstjórninni. Einhver fýkur á næstunni. Verst er þó að sömu embættismenn fá að sitja áfram í embættum sínum, þrátt fyrir að hafa verið staðnir að afglöpum í starfi. Það má þar telja marga upp. Þið vitið hverjir það eru.

Ekki stefna aðgerðunum í hættu

Ég verð að afþreyja mig

Þið verðið að fyrirgefa, en "Íslensk afþreying", er eitt allra slappasta og lélegasta nafn á fyrirtæki sem ég hef nokkurn tíma heyrt. Þvílíkt hugmyndaflug, eða ætla forsvarsmenn fyrirtækisins að sökkva endanlega í afþreyingarpottinn og drukkna þar? Íslensk afþreying? Eru það allir afdönkuðu amerísku þættirnir sem boðið hefur verið upp á í sjónvarpi í áraraðir. Á útvarpsstöðvum félagsins má bara bjóða upp á efni sem ekki truflar neinn, gjörsamlega flatt. Afþreying? Á maður að líta á fréttir sem afþreyingu? Fréttablaðið? Á það bara að vera afþreying? Tónlistin hjá Senu? Á hún bara að vera diskó, evergreens, rómantískt bull og vitleysa? Vitiði, ég get ekki skrifað meira um þetta. Ég ætla að fara og finna mér eitthvað til afþreyingar. Ég verð að afþreyja mig.

365 verður Íslensk afþreying

Goodwill

Þetta er náttúrulega bara hið besta mál. Auðvitað er þetta líka góð auglýsing fyrir álfyrirtækið. Öðru eins eyða nú þessi stórfyrirtæki í auglýsingar (goodwill), um allan heim. Þetta er líklega bara ódýr en mjög góð auglýsing. Ég samgleðst starfsmönnum álversins. Þeir eiga þetta örugglega skilið.

Kreppubónus hjá Alcan

Ólafur Ragnar og Jón Baldvin í hár saman

Þegar spilling ræður ríkjum í þjóðfélagi, þá er það oft svo, að spillingarfólkið sjálft, fer að berjast innbyrðis. Mér sýnist mestur tími spillingarliðsins hér heima núna, fara í að koma sök á hvert annað og hvítþvo sjálfan sig, í staðinn fyrir að hverfa af vettvangi eða alla vega reyna að gera eitthvað af viti (ef það er til staðar), þann stutta tíma sem það fær einhverju ráðið í íslensku þjóðfélagi. Nú eru Jón Baldvin og Ólafur Ragnar komnir í hár saman. Ekki er nú öll vitleysan eins, eins og einhver kerling sagði.

Afhending bóka dróst af gildri ástæðu

Senuþjófur

Nýtt nafn á 365 hf? Kannski SENUÞJÓFUR? Eitt er víst: það verður eitthvað frumlegt.

Nýtt nafn og stjórn hjá 365

Krónuverkið mitt (Anda inn-- Anda út), afhjúpað í Kringlunni í dag, 20. nóvember kl. 16.00

Ég mun afhjúpa og sýna krónuverkið mitt (Anda inn-- Anda út), öðru sinni í dag, 20. nóvember, kl. 16.00, í Kringlunni 1. hæð. Verkið átti að fara upp á Vetrarhátíð í febrúar, en forsvarsmenn hennar vildu ekkert með það hafa. Það var fyrst sýnt í Reykjavík Art Gallery í byrjun júní 2008. Verkið er gert í september 2007. Stuttur trailer af verkinu hér fyrir neðan.

 

Krónunni verði leyft að falla

Stór pólitísk yfirlýsing

Nauðsynlegt að vera samstíga.... já já. Þetta er stór pólitísk yfirlýsing. Ingibjörg Sólrún og Geir Haarde eru ekki samstíga hvað varðar stjórnun Seðlabankans. Hvernig eiga þau að geta verið samstíga, ef annar aðilinn vill Seðlabankastjórn burt, en hinn vill engar breytingar á stjórn Seðlabankans? Er þetta fyriboði um stjórnarslit? Alltaf er Davíð á milli. Samfylkingin hefur lýst því yfir, að Davíð sé alfarið á ábyrgð Sjálfstæðismanna í Seðlabankanum. Þvílík völd sem hann virðist hafa þessi maður í óþökk meirihluta þjóðarinnar. Þetta er ekkert fyndið lengur og minnir á ástand í svokölluðum bananalýðveldum. Jafnvel verra en það á sumum sviðum.

Nauðsynlegt að vera samstiga