Fær að heilsa Íslendingi.... með handabandi

Vá..... Þvílík heppni hjá Shay Given að Robbie Keane er meiddur. Maðurinn fær að heilsa Íslendingi. Með handabandi! Mr. Given mun örugglega ekki þvo sér um hendurnar næstu mánuðina. Það er næsta víst, eins og einhver góður maður sagði. Aumingja Robbie Keane, að missa af þessu.

Shay Given heilsar Kristni

Færeysku vinir okkar

Þetta er nú það minnsta sem við getum gert fyrir vini okkar Færeyinga. Það hlýtur að vera margt fleira sem við getum gert. Og ekki bara stjórnvöld heldur almenningur á Íslandi. Mig langar t.d. að gefa Færeysku þjóðinni málverk. Veit einhver hversu lengi þessir menn verða á landinu?

Íslensk sendiráð aðstoði Færeyinga

So what?

So what? Varla hrynur Ísland þó við hættum að veiða hvali. Einar hverfur hvort sem er bráðlega út úr íslenskri pólitík. Hann er fulltrúi gamalla og úr sér genginna sjónarmiða, bæði til sjávar og sveita. Og farið hefur fé betra.

Gætum þurft að hætta hvalveiðum

Draumórar?

Eru þetta ekki draumórar? Gengur það, ef til lengri tíma er litið? Spyr sá sem ekki veit.

Starfsemi flutt til Íslands?

Hvar hefur Hannes Hólmsteinn haldið sig?

Það er eiginlega furðulegt að ekki skuli hafa verið rætt meira um, að Hannes Hólmsteinn Gissurarson á sæti í bankaráði Seðlabankans. Ekki ætla ég honum sérstaklega fyrirfram yfirsjónir í starfi, en í ljósi fyrri afskipta hans af íslenskri pólitík og náins samstarfs við Davíð Oddsson í gegnum árin, finnst mér að hann eigi að stíga fram eins og aðrir og skýra sinn þátt í stjórnun Seðlabankans á undanförnum árum. Talsmaður ofur frjálshyggjunnar, sem er að tröllríða heiminum.

Seðlabanki á hryðjuverkalista

Æj æj æj æj æj

Nú er það gamla fjölmiðlafrumvarpið. Fjölmiðlamennirnir eiga sem sagt alla sök. Hann er þarna að segja fjölmiðlafólki á Íslandi stríð á hendur. Maðurinn sem stjórnaði vissum fjölmiðlum árum sama á bak við tjöldin. Er maðurinn veikur eða lifir hann bara áfram í sínum fílabeinsturni? Hann situr a.m.k. í embættinu sínu feita án nokkurs stuðnings frá þjóðinni. Þetta er orðið mjög þreytandi. Vægast sagt.

Fjölmiðlar í heljargreipum

Sókn er besta vörnin..... eða hvað?

Er nú haukurinn kominn fram á vígvöllinn? Er Davíð ekki SEÐLABANKASTJÓRI? Heldur hann að sókn sé besta vörnin fyrir hann? Það væri þá ekki í fyrsta skipti sem hann reynir að leiða almenning frá sínum eigin vandamálum með því að tala um vandamál annarra. Auðvitað er framganga auðmannanna síðastliðin ár forkastanleg. En þeir fengu að vaða áfram eftirlitslaust. Hvar var Seðlabankinn? Hvar var fjármálaeftirlitið? Hvar voru stjórnvöld? Maður hefur heyrt Davíð tala svona svo oft áður að maður fær eiginlega bara klígju. Ég legg til að rannsókn á störfum Seðlabankastjóra verði látin hafa forgang svo við fáum hreint borð þar. Ætlar þjóðin að láta það yfir sig ganga að Davíð togi endalaust í spotta sem ná inn í ríkisstjórnina? Hvaða samtöl er Davíð að vitna í? Ef það eru samtöl ráðamanna við einhverja, útlendinga eða Íslendinga, hvað veit Davíð sem við vitum ekki? Nei nú er það gamla sagan: Baugsveldið. Maðurinn er ekki í lagi.

Skuldar þúsund milljarða

Baráttukveðjur

Við Kormákur sendum baráttukveðjur.

 

Nasasjón

Því miður komst ég ekki á þennan fund þó ég hafi haft nasasjón af honum. Ég verð bara að mæta á næsta fund. Vonandi kemur eitthvað út úr þessum fundi. Ég hefði viljað heyra í fjölmiðlamönnunum. Ég sendi stuðningskveðjur. Burt með spillingarliðið.

Troðfullt á fundi á Nasa

Af glæpamönnum og svikurum

Enn á ný sýnir heimurinn að hann vill ekkert með Íslendinga hafa. Íslendingar eru orðnir glæpamenn og svikahrappar í augum stjórnvalda og almennings um allan heim. Allt vegna óhæfuverka örfárra gráðugra manna (kvenna og karlmanna), og sofandi og spilltra íslenskra stjórnvalda síðustu áratugina. Kolkrabbinn og Sís mafían lifa sko góðu lífi, enn þann dag í dag.

Hóta lögbanni á Actavis í Bandaríkjunum