Ráðum við engu sjálf?

Farið hefur fé betra. Ákvörðun tekin á vettvangi NATO!!!! Ráðum við þessu ekki sjálf? Það hélt ég. Engar flugvélar hér í loftrýmisgæslu, takk fyrir. Alla vega ekki breskar.

Hætt við loftrýmisgæslu Breta

Djö...... mannvonska

Þetta er nú bara ein svakalegasta saga sem ég hef heyrt lengi. Ég skil ekki manneskjur sem geta hagað sér svona. Virða mannslíf að vettugi. Það er heilög skylda  ALLRA, að bjarga mönnum úr sjávarháska, ef þeir hafa til þess einhvern möguleika. Að skilja manninn eftir á strandstað án þess að veita honum nokkra hjálp, og það starfsmenn danska ríkisins, Það er ekki bara illmennska, heldur klárt lögbrot. Íslenska ríkið á að taka málið í sínar hendur strax og lögsækja þessa menn og jafnvel danska ríkið. Forsætisráðherra á að  kalla danska sendiherrann strax á sinn fund og krefjast skýringa. Þetta er svo yfirgengilegt að það verður að ganga í málið strax. Ég er viss um að Íslenskur almenningur stendur heils hugar að baki Ólafs. Djö...... mannvonska.

Danir vildu ekki bjarga Íslendingi

Eru menn að komast til vits?

Ja hérna. Eru menn að komast til vits? Þetta hafa margir viljað lengi (15-20 ár), þar á meðal ég. Frá Evrópu hefðu komið miklar kjarabætur og lægra vöruverð. Þetta sýnir svart á hvítu að Sjálfstæðisflokkurinn hefur verið og er, svartara íhald en kommarnir í gamla Sovét. En batnandi mönnum er þó best að lifa. Það er bara ekki víst að forysta Sjálfstæðisflokksins hlusti á ykkur.

Stjórnendur Seðlabankans víki

Kalli prins og Dabbi kóngur

Hverjum er ekki sama? Gamli tíminn reynir allt til að lifa af nýja tíma með........ auðæfum..... sem breskur almenningur og íbúar fyrrverandi og núverandi nýlendna Breta, hafa skapað. Og rétta svo þessari úrkynjuðu ætt á silfurfati. Ég skil ekki í fólki, að vera ekki búið að setja þetta lið af. En það lifir á því, að spilltir auðugir stjórnmálamenn, (ég er ekki að tala um Íslendinga, heldur Breta), halda þeim við völd. Það er eins konar samtrygging í gangi. Eins og reyndar á Íslandi, þó málum sé aðeins öðruvísi háttað hér. En ekki mikið. Hver þekkir ekki Dabba kóng? Hann er ennþá við völd.

Bretaprins sextugur á morgun

Spyrjum að leikslokum

Það á nú allt eftir að koma í ljós Björgólfur. Eitthvað hafa nú eignirnar fallið í verði er ég hræddur um. Ég missti af Kastljósi, en spyrjum að leikslokum. Að slá sér upp á nafninu Iceland voru mikil mistök og hroki, sem við súpum seyðið af núna.

Skuldir lenda ekki á þjóðinni

Gjörspilltur

Það er til skammar að svona menn sitji sem formenn í verkalýðsfélögum. Ég vona að félagar í VR sjái það. Og launin sem þessir menn hafa!! Sveiattann!!

Fjölmenni á VR fundi

Stillimyndin er fín

Æi, einhvern veginn kem ég ekki til með að sakna Skjás Eins. Ósköp hafa þeir verið að sýna útþynnt efni í gegnum tíðina. Aflóga ameríska þætti og músík á milli. Ég held að við getum alveg verið án hans. Auðvitað tala ég aðeins fyrir sjálfan mig, það eru sjálfsagt einhverjir sem fíla þetta..... sem mér finnst drasl.

Stillimynd á SkjáEinum í kvöld

Einn góður kostur í stöðunni

Það er einn góður kostur í stöðunni: Að þeir sem hafa sett Ísland í þessa stöðu, hvort sem þeir eru fjárglæframenn, stjórnmálamenn eða embættismenn, viðurkenni mistók sín, glæpi sína og alla óráðssíuna. Þá væri hægt að byrja með hreint borð og allt yrði miklu auðveldara.

Enginn góður kostur í stöðunni

Hálft kíló af kattamat í kvöldmatinn.... takk

Þetta er náttúrulega alveg frábært. Það sem leitar samt á huga minn í þessu sambandi er: Verður þetta maturinn sem við, íslenskur almúgi, verðum að leggja okkur til munns á næstunni? Þetta er alvarleg pæling. Kreppan er varla byrjuð enn.

Kattamatur úr Súðavík

Bölvuð beinin

Hefur breka nýlenduveldið borgað skuldir breskra fyrirtækja sem hafa hrunið í gegn um árin út um allan heim? Svar: NEI. Oftar en ekki hafa Bretar skilið eftir sviðna jörð víða um heim, eftir að hafa kúgað heilu þjóðirnar öldum saman. Þeir virðast hafa gleymt því. Bölvuð beinin.

Samningar um Icesave eina leiðin