Megum aldrei gleyma

Framkoma Færeyinga í okkar garð sl. vikur er með eindæmum og við megum aldrei gleyma henni. Aldrei. Færeyingar hafa stundum orðið fyrir aðkasti hér á landi en ég ætla rétt að vona, að það sé liðin tíð.

Vill gefa Íslendingum 300 milljónirnar

Persónulegt stríð

Er þetta mótleikur Jóns Ásgeirs, nú þegar hann veit ekkert hvernig fer með Baug? Hvað gerir ríkið við skuldir Baugs? Það er spurning. Þetta lyktar allt af persónulegu stríði milli Jóns Ásgeirs og Dabba. Klárlega.

Félag Jóns Ásgeirs keypti fjölmiðla 365

Króna plús króna = Túkall

Þarna eru Danir úti að aka. Þeir eiga náttúrulega að ganga í myntbandalag með Íslendingum. Króna plús króna = Tvær krónur. Málið dautt.

Meirihluti Dana vill nú evru

Stórtíðindi? Varla

Nú sverfur til stáls. Stórtíðinda að vænta eftir helgi? Ég efast um það. Á Íslandi axla stjórnmálamenn og embættismenn í umboði þeirra ekki ábyrgð. Þannig er það nú í ríki Davíðs konungs. Punktur.

Samfylking afneitar Davíð

Móðuharðindi hin nýju

Nú vantar ekkert nema að Hekla fari að gjósa, eins og sumir hafa verið að spá, og breiði ösku yfir allt landið. Þá getum við farið að tala um Móðuharðindi hin nýju. Nú þarf allt að vera svo nýtt. Nýi Glitnir, Nýi Landsbankinn o.s.frv..........Þegar ég gerði mér grein fyrir þessu, varð ég eins og nýr maður.

Staðan ekki alvarlegri síðan í móðuharðindunum

Breskt bull

Ég held að blaðamaðurinn hefði átt að drekka minna af vodka, meðan hann var hér, ef hann hefur þá verið hér yfir höfuð, en ekki bara verið blindfullur einhvers staðar annars staðar. Þvílíkt bull. Breskt bull.

Ódýr vodki á Íslandi?

Wengervæl

Ekki er að spyrja að hinum svo kölluðu "stórliðum" í enska boltanum. Um leið og á móti blæs, byrja þau að væla út af einhverju, aðallega út í dómarann. Arsene Wenger ætti að vita það, að ef maður fellir markmanninn, eins og gert var í dag, þá er það einfaldlega rautt spjald. Ekki flókið.

Wenger: Hefði ekki átt að reka van Persie útaf

12 mínútur meira en nóg

Frændur eru frændum verstir. Bush kominn út í horn með sína ömurlegu pólitík og tólf mínútur með McCain og sjálfum sér, jafnvel meira en hann þolir kallinn.

Bush ósýnilegur í kosningaherferð McCains

Á að gera Bónus að ríkisverslun?

Það er nú ekki víst að Davíð Oddsson samþykki það sem Jón Ásgeir er að segja. Eftir greininni að dæma virðist Baugur algerlega háður velvild íslenskra stjórnvalda (og Seðlabankastjóra, sem virðist ráða öllu). Ég vona svo sannarlega að Jón Ásgeir og hans fólk komist í gegnum þessar hremmingar og óska þeim alls góðs í framtíðinni. Vonandi verður Bónus aldrei ríkisverslun í anda gömlu kaupfélaganna. Af því er þjóðin gjörsamlega búinn að fá nóg.

Baugur getur staðið veðrið af sér

Frænka hvað?

Allt er nú notað. Þetta segir meira en margt annað um tvöfalt siðferði "frelsiselskandi" þjóðar, sem hefur logið því að heimsbyggðinni, svo áratugum skiptir, að ekkert þjóðfélag sé frjálsara og fullkomnara en hið bandaríska.

Frænka Obama er ólöglega í Bandaríkjunum