Örlög?

Blessuð sé minning gömlu konunnar. Víst er að hún vakir yfir barnabarni sínu á morgun, þegar Bandaríkjamenn ganga að kjörborðinu og ákveða örlög Barack Obama.

Amma Obama látin

Gallað sjónvarp

Þó að það sé nú algert aukaatriði nú í kreppunni: Hvað geri ég nú við sjónvarpið mitt, sem ég keypti hjá BT fyrir skömmu og reyndist gallað og var á leiðinni að skila eða láta gera við? Getur einhver sagt mér það? 

BT í gjaldþrotaskipti

Ógeðslegt

Þetta er náttúrulega með ólíkindum hvernig siðferðiskennd þessara manna er háttað. Íslendingar að níða niður sinn eigin gjaldmiðil. Viðkomandi eiga ekki skilið neina samúð. Þeir eiga með einhverjum hætti að gjalda fyrir þetta. Það vissu svo sem allir að það kæmi að því að krónan myndi falla, en að Íslendingar, með aðstoð bankanna, skyldu nýta sér það, er ekki bara til skammar, heldur ógeðslegt.

Veðjuðu á veikingu krónunnar

Löggildur braskari

Jæja, það hlaut að koma að því. Nú getur maður farið að nota málverkin sín að einhverju viti. Keypt sér sumbústað, jeppa, eins og eitt hross og kannski bara íbúð. Svo dílar maður bara áfram með þessa hluti og er orðinn löggildur braskari, eins og er svo fínt þessa dagana.

Afbrigðileg fasteignaviðskipti

Silkihúfur bresku ríkisstjórnarinnar

Er Skotlandsmálaráðherra bresku ríkisstjórnarinnar kominn til landsins til að kenna okkur Íslendingum að spara? Stríðið heldur greinilega áfram. Og hver silkihúfan sett upp af annari. 

Skotlandsmálaráðherra fundar með Geir og Össuri

Ullabjakk og sveiattan

Þetta sýnir bara að allt þetta lið spilaði með í útrás sem ekki var innistæða fyrir og menn treystu eingöngu á, að við Íslendingar værum svo miklir snillingar í viðskiptum, að ekkert gæti klikkað. Þvílíkt bull. Sjálfsblekking smákónga, sem allir voru,(og eru), í sömu klíkunni. Ulla bjakk og sveiattan.

„Hefði átt að vera búið að stoppa ykkur fyrir löngu"

Fökk

Á Íslenska ríkið kannski orðið flottustu hótelin í Kaupmannahöfn? Vissu menn ekkert hvað þeir voru að gera? Vissu þeir ekki einu sinni kaupverðið? Sögum af flottræflum fjölgar með hverjum deginum. Mikið djö..... rugl er þetta. Íslenskir flottræflar kaupandi út og suður án þess að eiga bót fyrir rassgatið. Og íslenska ríkið á að draga þessa ræfla upp úr skuldafeninu? Andsk....... fökk er þetta. Hvað finnst ykkur?

Óvissa um fjármögnun

Nú skortir á skilninginn hjá Skildi

Nú skortir á skilninginn hjá Skildi. Ég botna hvorki upp né niður í þessum farsa lengur. Ég ætla að leita einhvern uppi sem getur sagt mér hvað leikstjórinn meinar með þessari uppsetningu.

Ekki áhugi á sameiningu

Fólk getur verið seint að taka við sér.......

Ég og fleiri sögðu fyrir tuttugu árum, að eina leiðin til að bæta kjör íslenskrar alþýðu, væri að ganga í Evrópusambandið. Ekki myndi verkalýðsforystan og þaðan að síður stjórnvöld, gera það. Stuttu seinna var fiskinum stolið af Íslendingum, af nokkrum auðmönnum (sægreifum), fyrir tilstilli valdaklíkunnar í Sjálfstæðisflokknum. Þá áttum við að sækja um strax. Nú loksins virðist þjóðin vera á sama máli. Já, tímarnir breytast og......... mennirnir með. Ég segi nú ekki meira en það.

Tilbúin að endurskoða afstöðu

Vessgú og hold kjæften

Ég segi eins og fleiri: Mótmælin vekja alls staðar athygli, nema hjá þeim sem þeim er beint að. Svona mynstur, sem við höfum svo oft séð í einræðisríkjum. Sjálfstæðisflokkurinn og stjórn Seðlabankans kolkrabbast bara áfram, eins og þeirra hefur verið vani svo áratugum skiptir. Það liggur við að skilaboðin séu: Flytjiði bara úr landi aumingjarnir ykkar, ef þið eruð ekki ánægðir með það sem að ykkur er rétt. Vessgú og hold kjæften.

Mótmæli vekja athygli