Hvað kostar ein aðgerð í búðinni?

Ég vil taka það skýrt fram að ég er mjög hlynntur verndun ósnortinnar íslenskrar náttúru. En voðalega finnst mér þetta eitthvað lélegt PR. Eru þetta þjálfunarbúðir fyrir aðgerðarsinna? Ef svo er minnir þetta allt of mikið á þjálfunarbúðir fyrir hryðjuverkamenn, sem mikið hafa verið í fréttum. Einnig minnir þetta á flóttamannabúðir, þar sem skelfingu lostið fólk lifir við bág kjör svo árum skiptiir. Eða kannski getur maður bara keypt sér eins og eina aðgerð í svona búðum? Eða verður gert að fiski í svona búðum, eða verða gerðar aðgerðir á fólki? Aðgerðabúðir er ljótt orð og líka svolítið ógnandi og fréttatilkynningin klúðurslega samin. Þar hafið þið það.

Saving Iceland með aðgerðabúðir

Athugasemdir

[Birgitta Jónsdóttir, 7.7.2008 kl. 09:31]

kíktu á savingiceland.org og aflaðu þér betri heimilda áður en þú slærð fram orðum eins og hryðjuverkamenn...

[Birgitta Jónsdóttir, 7.7.2008 kl. 09:32]

og hvað er ljótt við aðgerðabúðir... mér finnst ekkert að því að kalla mig aðgerðasinna... og miklu mun betra að kalla þetta aðgerðabúðir fremur en mótmælabúðir... er ekki kominn tími til að fólk sem er fylgjandi umhverfisvernd hætti að stinga hnífum í bakið á hvort öðru?

[Hvumpinn, 7.7.2008 kl. 09:41]

Vegna aðfara sinna eru Birgitta og kumpánar á hrakhólum, almenningsálitið er á móti svona iðjuleysingjum sem nenna ekki að vinna, en dunda sér í mótmælum.  Hver kostar uppihald liðsins Birgitta?

[Hlynur Hallsson, 7.7.2008 kl. 09:54]

Æ, æ, sullaði Bergur smá kaffi á sig, heitu! Eða bara einhver mánudagur í mínum?

Bestu kveðjur og góðan dag,

[Bergur Thorberg, 7.7.2008 kl. 09:59]

Birgitta: Ég var að tala um PR. Er ekki hægt að kalla þetta annað en búðir? Ég var ekki að líkja náttúruverndarsinnum við hryðjuverkamenn, bara svo það sé á hreinu. Ég tónsetti flest öll ljóð Jakobínu Sigurðardóttur, þess mikla náttúruverndarsinna, fyrir margt löngu og hef komið víða við í náttúruverndarmálum. Og varla ertu svo heilög að þú þú þolir ekki smá djók?

[Bergur Thorberg, 7.7.2008 kl. 10:01]

Ertu skyggn Hlynur? Það slettist smá kaffi í morgun, en það er góður mánudagur í mér og vonandi í þér líka. bestu kveðjur.

[Eva Hauksdóttir (IP-tala skráð) 7.7.2008 kl. 10:33]

Þetta eru tjaldbúðir. Staður þar sem fólk hefur aðsetur, samráðgast, fræðist og skemmtir sér.

Þeir sem fjármagna þetta eru aðallega tjaldbúar sjálfir, áhugasamir stúdentar og ömmur þeirra. Einstaka fyrirtæki hefur svo gefið mat sem er kominn fram yfir síðasta söludag.

[Guðmundur G. Hreiðarsson (IP-tala skráð) 7.7.2008 kl. 12:49]

Vonandi ekki lífrænt ræktað, sem komið er fram yfir síðasta söludag; það kallar á heilmikið af tröllaskeini.

[Eva Hauksdóttir (IP-tala skráð) 7.7.2008 kl. 14:08]

Best fyrir merkir ekki það sama og verst eftir. Við Vesturlandabúar hendum ótrúlegu magni af mat sem er allt í lagi með og þar eru Íslendingar ekki barnanna bestir.