Þú skilur þetta þegar þú verður stór..... krúttið mitt

Háar eru þessar tölur og lágar. Kvenkyns og karlkyns. Fyrir mestu er þó að blessuð börnin eru undir forsjá. Einhvers. Það er alveg greinilegt að mannskepnan hleypur útundan sér enn . En ekki frá börnunum. Og það er bót í máli. Fyrir börnin. Og líka fyrir afa og ömmu. Og líka fyrir myndaalbúm í stofuskápum, sem eru skoðuð á tyllidögum. Þetta er nú hún mamma þín...... og þarna er pabbi þinn... þegar þú varst lítill.... þú skilur þetta þegar þú verður stór... krúttið mitt. Komdu til ömmu. Amma skal baka pönnuköku.

515 lögskilnaðir og 603 sambúðarslit

Guð hjálpi okkur á Íslandi..og í Ameríku

Guð minn góður. Er þessi frétt frá Ameríku? Guð hjálpi okkur.

Lífstíðarfangelsi fyrir fjögur morð

Ó.... veður yfir Bandaríkin

Ó..... veður yfir Bandaríkin. Blessað fólkið, forðar sér undan. En Bandaríkin vaða yfir heimsbyggðina, án þess að að verða um og Ó. Hver er þessi Ó? Ó ó....... kannski í líkingu við íslenskt óveðurfar. Hver veit eitthvað um það? Ekk'a'nn ég. Enda Íslendingur. Á leiðinni til Bandaríkjanna.

Óveður í Bandaríkjunum

Réttdræpir tannhvalir

Þetta er nú eitthvað til að læsa tönnunum í. En hvernig er það aftur, mín íslenska þjóð? Eru tannhvalir ekki friðaðir, hringinn í kringum Ísland? Af hverju þarf alltaf að blanda Ameríku í dæmið okkar? Ég bara spyr. Af því að ég er nú eins og hver annar ísbjörn. Réttdræpur. Enda í útrýmingarhættu. Hvort sem ég er staddur úti á landi eða, í hundrað og einum.

Öfunduð af tönnunum

Heimildamyndbandsstúfur frá Patreksfirði..... fyrir hlé.. í hléinu.. og eftir hlé

Skiptar eru skoðanir pöpulsins á tragikómískum uppákomum nýliðinnar sjómannadagshelgar. Patreksfjörður virðist hafa náð forystu íslenskra dreifbýlisstaða í öllu sem viðkemur heimildarmyndum. Heimildarmyndahátíðin í maí sl. var til fyrirmyndar og Patreksfirðingum til mikils sóma í hvívetna. Þó var nú ekki mikið ofbeldi í mynd vinar míns "Kjötborg", sem hreppti þar fyrstu verðlaun. Hvort að þessi myndbandsstúfur lifir fram að næstu heimildarmyndahátíð, verður tíminn einn að leiða í ljós. Besta hugsanlega ofbeldi á sér stað í bíómyndum, af því að það er bara plat. Aftur á móti ef menn lifa sig of mikið inn í bíómyndir, verður hugsanlega til, ákaflega ljótt ofbeldi. Um það þurfa ofbeldisseggir og lögregla að ræða á vitrænum nótum og taka þennan vágest alvarlega, sem gengur undir nafninu: OFBELDI. Fyrir hlé, í hléinu og eftir hlé.

Barði og ógnaði fólki fyrir handtöku

Úti að hjóla með Óla

sJ

STJÁLFSÆÐISFLOKKUR ÍSLANDS HEFUR TEKIÐ ÁKVÖRÐUN. ......oG ÞAÐ ER NÚ EKKI Á HVERJUM DEGI. Það sem verður leiðtogt, flokksins í Reykjavík, Getur hugsanlega togað gamlingja og unglinga (Ekki í skóginum) inn í hina stórfögru hjólreiða borg. Villi fer? Kemur aftur?... og fer þá aftur og aftur. Sú eða sá sem tekur við, ja sú manneskja fær nóg að gera í boði skattborgara Reykjavíkurborgar. Svo mikið er víst. En, ein spurning í lokin? Hver er leiðtogi sjálfstæðismanna í Reykjavík?

Hanna Birna verður borgarstjóri

Hvern á að drepa næst?

Jæja, þá er búið að ganga frá einni mestu vá sem steðjað hefur að íslensku þjóðinni nokkru sinni. Hvítabjörninn er fallinn og kemur aldrei aftur að Skipalóni. Heyrst hefur af steypireyðum á Skjálfanda og þar verðum við að vera á varðbergi, nema að við viljum að illa fari. Núna situr íslenska þjóðin með Bauga undir augunum og starir þreyttum augum á stóran Baug, sem ekki er hægt að fella lengur, því hann ligur í valnum, um stundarsakir, en rís svo upp eins og risastór Hvítabjörn við sjóndeildarhring..... og þá er eins gott að Herra Björn hafi komið frumvarpi um varalið lögreglu, á koppinn. Maður verður að vera í viðbragðsstöðu þegar vágesti ber að garði.

Sigurður Kári: Yfirlýsing ráðherra óheppileg

Reisa mastur og fanga geislann

Nú verður bara að reisa 150 metra hátt mastur til að fanga geislann. Það hlýtur að vera ódýrara en að hinir framkvæmdaglöðu og misvitru embættismenn í Reykjanesbæ geri aðra tilraun til að stilla búnaðinn í haust. Og frændi bæjarstjórans var mættur í feldi(var það ísbjarnarfeldur?), þegar búnaðurinn var settur upp. Þetta hlýtur að hafa kostað nokkrar millur nú þegar. Það er svo íhugunarefni út af fyrir sig að bæjarstjórinn virðist vera í því að ráða ættingja og vini sína í ýmis verkeni á vegum bæjarins, þó í þessu tilfelli skyldi maður nú ætla, að verkefnastjórinn réði við verkefnið þar sem hann er borinn og barnfæddur Vestmannaeyingur, eins og bæjarstjórinn, og ætti að vera alvanur fuglabjörgum og fjölfróður um hegðan fugla, en kannski ekki eins fróður um geisla úr myndavélum.

Vefmyndavélin í Eldey skaut yfir markið

Fimm heilar búa í haginn fyrir sexheilann

Auðvitað vissi maður að maðurinn er með sexheila, enda með sex á heilanum. En að hann væri með fimm heila, vissi ég ekki. Ætli þeir hugsi allir eins og séu þar af leiðandi alltaf sammála? Eða eru fimm hugsanir í gangi í einu? Einn vill þetta, annar hitt, þriðji sefur, fjórði vakir, sá fimmti heldur utan um allt draslið og býr í haginn fyrir sexheilann. Þar kom að því að maður botnaði eitthvað í franskri pólitík. Það var eiginlega kominn tími til. Og allt er það Carlo Bruni að þakka.

Bruni lofar greind Sarkozys

Berbatov fer hvergi!

Frábærar fréttir fyrir okkur Spursara ef þær reynast sannar. Mexikaninn Giovani hefur alla burði til að verða stórstjarna í boltanum. Ljóst er að Juande Ramos er mjög metnaðarfullur þjálfari, enda hefur hann sannað það í spænsku deildinni. Nú er bara að vona að Berbatov fari hvergi. Björt framtíð blasir við á White Heart Lane. Áfram Spurs!!!

Dos Santos á leið til Tottenham