Ólikobbi á flippi?

Hrein borg. OK. Fögur sorg?  Nú fer að borga  sig að búa í MIÐBORGINNI .En hversvegna yfirborgaðir yfirmenn framkvæmdasviðs og eignarhalds borgarinnar eru í stríði við góða veggjakrotara, skil ég ekki. Sjálfur hef ég ekki birt mín verk á gömlum og úrsérgengum húsum, þó þar væri sannarlega þörf á. Hvað er í gangi á á parketlögðum gangi..... ,við tjörnina okkar? Allra. Hlusta menn ekki lengur á brabra? Spyr sá sem ekki veit.

Illa farið hús við Bergstaðastræti málað

Hamskifti? Það er ekki spurning ( Eins og Villi sagði í den) Svar óskast samt

Það var eiginlega kominn tími til að Kafka fengi einhver verðlaun. Engin fékk hann verðlaunin í Tékkó í den. Enda innilokaður, múraður inn í gamlar sögur sem , sem þoldu ekki, nýjar sögur hans. Það er gott til þess að vita, að ungstirni nútímans, hafi tekið eftir honum. Og þau.... eiga það vissulega skilið... að fá... verðlaun fyrir það. Til hamingju .

Brynhildur leikkona og leikskáld ársins

Afleggjararnir mínir og Davíðs

Davíð minn. Ég stend með þér alla leið. Þrátt fyrir að skoðanir okkar hafi valið sér mismunandi afleggjara til að beygja út af beinu brautinni. Að vera hálfur í starfi getur stundum hjálpað og stundum ekki. Um það get ég vitnað sjálfur. Hafðu það alltaf sem best kallinn minn.

Nánast hálfur maður sem utanríkisráðherra

Er hægt að vinna fyrirfram?

Er ekki í lagi með fjölmiðlamenn landsins? Staðreyndir? Skipta þær engu máli lengur? Geta Portúgalir, góðir eins og þeir eru í fótbolta, unnið Tékka fyrirfram? Ég bara spyr. Lesiði fréttina ef þið efist um orð mín.

	Portúgal lagði Tékkland, 3:1
Ábyrgðarmaður færslu Tenging við þessa frétt hefur verið rofin vegna kvartana.

Er Hrefna um það bil að yfirgefa Ísland?..... Við sem drepum hana svo fallega

Þetta minnir mig á að ég er svangur. Það er engin ástæða fyrir Hrefnur að koma nálægt landinu okkar Ísa lengur. Það er nóg að éta annarsstaðar. Ég er að hugsa um að fara í Bónus í dag. Og sleppa við það, að fara í Hagkaup. En ef ég væri Hrefna, myndi ég sennilega halda mig frá Íslandi og éta að bestu lyst, það sem er í boði, langt frá Íslandi, á mun betra verði.

,,Þær eru þar sem maturinn er”

Að hafa hendur í hári ökumanns... er ekki óskastaða neins

Er þetta fréttatilkynning frá Seðlabankanum? Eða er þetta veruleiki í okkar samfélagi? Aumingja lögreglan, að þurfa að glíma við þvílíkan ofsahraða. Eins og hún hafi ekki nóg annað að gera? Er mín elskulega þjóð búin að tapa sér? Lífið gengur hratt á gervihnattaöld. Lögreglan getur ekki gert neitt að því. Við megum ekki tapa okkur í því að kenna lögreglunni um allt. Hún sinnir skyldustörfum, sem henni er á herðar lagt. Það er lágmarkskrafa, að við, þjóðfélagsþegnarnir, léttum aðeins á herðum hennar, t.d með því að aka ekki of hratt. Það væri góð byrjun.

Á ofsahraða á stolnum bíl

Er Alþingi trúaðra en sjálfur biskupinn?

Með skírsotkun í mína fyrri færslu hér í kvöld. Innri mál kirkjunnar? Er ekki kominn tími til að ræða þau.....aðeins....  Kalli.. Er Alþingi heilagra en Kirkjan?  Ég, trúaður sem ég er, bara spyr. Þig.

Prestastefna hófst með messu í kvöld

Jakobína og séra Karl biskup.....

Herra Karl. Sem giftir mig í den. Börn lifa yfirleitt fullorðna fólkið af. En alltaf vaknar spurningin : Hvað með kirkjuna og ríkið" Kannski vaknar Alþingi og hefur svar við því.  Samt held ég að Jakobína okkar gamla úr Mývatnssveit hafi oftar en ekki komist vel að orði um börn. Og er það vel. Og líka tónsett.

Eitt erfiðasta deilumál kirkju og samfélags til lykta leitt

Eldsneytisvörður lendir í múgnum

Við, manneskjur, megum mótmæla öllum fjandanum. En þennan eldsneytisvörð, eigum við að láta í friði. Aumingja eldsneytisvörðurinn. Hann heldur bara vörð um eldsneyti. Margir hafa nú haldið vörð um ýmislegt annað og því hefur ekki verið mótmælt. Hingað til.

Mótmæli gegn eldsneytisverði

Þrautþjálfað lið....... hunda og manna

Það læðist að mér sá grunur að fleiri skip séu á undan áætlun. Og menn og dýr á leiðinni. Frá Reykjavík. Nafla alheimsins. 101 Reykjavík. Sirka þremur tímum of seint. Það gengur vonandi betur næst. Að fara í austur... getur tekið drjúgan tíma. Jafnvel fyrir þrautþjálfað lið. Hunda og manna.

Norræna á undan áætlun