Hver fer í Landsvirkjun?

Hver fær þetta feita en vandasama embætti? Verður það einhver stjórnmálamaðurinn, eina ferðina enn? Verður það Árni Matthisen? Verður það Björn Bjarnason? Verður það Davíð Oddsson? Verður það Jón Sigurðsson? Og þá hvor þeirra? Hvað haldið þið? Kannski bara Árni Johnssen eða Pétur Blöndal? Hvað veit ég?

Starf forstjóra Landsvirkjunar auglýst

Athugasemdir

[Jón Jónsson (IP-tala skráð) 30.8.2008 kl. 20:10]

Sá sem hefur gert mest upp á bak er sá sem fær þessa stöðu, engin spurning með það. Gott að geta losað sig við menn á þennan hátt. Mín tilfinning er sú að Árni Matthisen fari í stólinn og fær þannig ekki að gera meiri óskunda í fjármálaráðuneytinu. Maður getur ekki skilið hvernig dýralæknir getur orðið fjármálaráðherra.

[Bergur Thorberg, 30.8.2008 kl. 20:15]

Ég hallast frekar að því að það verði Árni Matt, já. Dýralæknir sem hefur verið þjóðinni dýr.

[Rannveig H, 30.8.2008 kl. 20:28]

Ég veðja líka á Árna Matt, þeir verða að losna við hann úr fjármálunum.

[Sigurður Þórðarson, 30.8.2008 kl. 20:28]

Manni skilst að það sé frágengið að Árni fái þetta enda er útilokað að hann nái kosningu aftur. Núna er spenningurinn hver hneppi hnossið að komast i öryggisráðið ef skattgreiðendur verða svo óheppnir að Ísland verði valdið?

Sagt er að ISG muni geta slegið keilu. Gert svila sínum greiða en jafnframt losað sig við samkeppnina. 

[Haukur (IP-tala skráð) 30.8.2008 kl. 21:06]

Ef Árni ætti að fá þetta væri ekki minnst á "háskólamenntun sem nýtist í starfi". Hann hefur enda enga slíka. Þá hefðu þeir bara sagt háskólamenntun.

[Kristinn Sigurjónsson, 31.8.2008 kl. 00:24]

Það er búið að velja skónúmerið, nú er bara að finna prinsinn (prinsessuna) sem passar í skóinn

http://kristinnsig.blog.is/blog/kristinnsig/entry/629683 

[Jóhannes Ragnarsson, 31.8.2008 kl. 00:48]

Svo skilst mér, að Guðlaugur Þór og Þorgerður Katrín séu orðin vel heit, þar eð pólitískur ferill þeirra er brátt að niðurlotum kominn.

[Bergur Thorberg, 31.8.2008 kl. 06:53]

Sigurður: Heldurður að það verði ekki bara Björn Bjarnason yfirhershöfðingi? Ha?

Haukur: Nokkuð til í því.

Anna: Davíð yrði dauðfeginn að losna úr Seðlabankanum, þar sem hann ræður ekki neitt við neitt. Þú ert feitur kandídat, þrátt fyrir reynsluleysi í spillingu.

Kristinn: Þeir höggva bara af hælnum ef prinsinn kemst ekki í skóinn.

Jóhannes: Þorgerður stefnir hærra og verður leiðtogi smáflokksins Sjálfstæðisflokksins. En það lítur útfyrir að ferill Guðlaugs Þórðarsonar verði stuttur í Heilbrigðisráðuneytinu.

[Bergur Thorberg, 31.8.2008 kl. 06:56]

Rannveig: Þeir verða að losna við hrokann úr fjármálunum, það er nokkuð ljóst.

Jón: Kannski er það vegna þess hvað eru margar skepnur í pólitík?

[Skaz, 31.8.2008 kl. 10:49]

Held að Árni hafi bara engann áhuga á þessu jobbi, hann þarf að tala við fólk, færa rök fyrir ákvörðunum sínum á sviði þar sem eru til fastar óhrekjanlegar staðreyndir sem ekki er hægt að breyta að vild og hann þarf víst að hafa menntun sem hentar. Plús það að ég held að hann sé bara leiður á því að það er alltaf verið að setja út á ákvarðanir sínar og síns ráðuneytis!

Nei sá sem fer í þetta embætti er einhver sem þarf stökkpall til næsta stóls. Það er búið að vera nóg af gamlingjum úr Sjálfstæðisflokknum í þessu. Og við vitum að Guðlaugur Þór er ekkert ánægður í Heilbrigðisráðuneytinu, vildi aldrei það ráðuneyti enda lítið hægt að græða á að einkavinavæða heilbrigðiskerfið.