"Play it again Sam" og málað með kaffi á Laugaveginum á morgun

Let's play the music!!

South River Band

Verð í glugganum hjá Gullkúnst Helgu að mála með kaffinu mínu,á horni Laugavegar og Smiðjustígs, frá hádegi á morgun og eitthvað frameftir. Velkomin í spjall. 

Berlusconi hefur ekkert að fela

Feldskerinn góður

Feldskerinn góður ........ eins og ævinlega. Hann á skilið hrós og það fær hann frá mér. Vonandi verður húseigandi sama sinnis. Þá fær hann hrós líka.

Eggert feldskeri og hústökufólkið

Renna nú á mig steingrímur tvær......

Renna nú á mig steingrímur tvær.... ef ekki fleiri. Heilagar hallelúja sósur hylja minn íslenska hádegisfisk. Þistilfjarðarhjartað slær hratt en óreglulega. Ég er að hugsa um að sleppa bananasplittinu í eftirrétt.

Vill ekki stríð við aðrar þjóðir

Hvatvísir Íslendingar

Íslendingar eru hvatvísir og nú á að fara að setja fyrirvara og jafnvel semja upp á nýtt og draga þar með í land með fyrri ákvarðanir "stjórnvalda". Ég held að sé nokk sama hvað verður.... Íslendingar eru dæmdir til fátæktar í langan tíma. Menn muna sækja í auðlindir okkar og erfitt verður að standa á móti þegar þjóðinni vantar mat. Vantar mat. En hvernig væri að berjast til síðasta manns? Það væri þá ekki í fyrsta skipti sem þjóðin gerði það.

„Það er búið að semja!“

The Pot and the Pan Revoulution is over

Ég spái því að þarna megi greina upphaf þeirrar byltingar sem gerð verður í haust eða vetur. Ennfremur má hér greina endalok Búsáhaldabyltingarinnar (The Pot and the Pan Revoulution). Og jafnvel endalok The Pot and the Pan Party. Það er alþekkt í mannkynssögunni að byltingarbörn verði mjög svo ósammála um, hvernig "byltingu" skuli framhaldið og oftar en ekki borist á banaspjótum. Þegar börnin finna lyktina af valdinu og auðnum...... ja þá getur allt gerst. Ég ætla ekki að hringja í Vikuna vegna spádóms míns.... bara svo það sé á hreinu.

Enginn þingmaður mætti

Magnús Geir

Magnús Geir Þórðarson leikhússtjóri hefur sýnt það og sannað að hann kann að laða fólk að leikhúsinu. Ég hef hrósað honum áður á blogginu og læt þetta nægja að sinni.

Metaðsókn í Borgarleikhúsið

Fullt af marklausum plöggum

Eru ekki flest plögg í þessu þjóðfélagi að verða marklaus?? Ég fæ ekki betur séð. Stjórnvöld, bankar,tryggingafélög og fleiri velta auknum kostnaði sínum beint út í verðlagið og þó þrotabú bankanna fái eftirgjöf frá sínum lánadrottnum, þá fær íslensk alþýða ekki að njóta þess. Hún skal borga allt að fullu og vel ríflega það. Þetta getur bara endað á einn veg með sama áframhaldi: Illa.

Sáttmálinn marklaust plagg

Taktu pening.......

Taktu pening út úr bankanum! Það gæti bjargað lífi þínu!

Pissaðu í sturtunni!

Ætluðu þeir að kaupa Alþingi?

Kaupþing stofnar fyrirtæki. Kaupþing skráir!! síðan þessi fyrirtæki á prívataðila!! Kaupþing lánar síðan þessum fyrirtækjum stórfé... fúlgur.... þó það sé óhagstætt fyrir bankann!! Tekið skal fram að lántakendur þessir áttu stóra hluti í Kaupþingi. Er ekki allt í lagi heima hjá ykkur!!! Ef fréttin er rétt, er hér um stórglæp að ræða..... en kannski ekki jafn stóran glæp og þegar kjötlærinu var stolið hér um árið..... tengsl í hærri þrepum þjóðfélagsins eru býsna sterk. Kannski var lokatakmark Kaupþings að "kaupa" Alþingi....sbr. einkunnarorðin í boðhætti: Kaup þing. Hvað veit ég almúgamaðurinn.

Grunur um misnotkun

Bíddu..... hver stjórnar Kaupþingi?

Bíddu....... hver stjórnar Kaupþingi?? Er það stjórn bankans... bankastjórinn... eða skilanefndin?? Detti nú af mér allar dauðar lýs!  Hvers konar endemis dæmalaust rugl er þetta? Er þetta fólk ekki í lagi? Skytturnar þrjár? Ég bara spyr?

Stjórn Kaupþings harmar skaðann af lögbanninu

Ræðst NATO á "lille Island"?

Er ekki bara kominn tími til að NATO styrki varnirnar á Íslandi til að verjast árásum frænd- og vinaþjóða okkar Íslendinga? Það sannast enn einu sinni: Frændur eru frændum verstir. Ber er hver að baki nema sér bróður eigi. Það er bara rómantík. Kannski er Anders Fogh of mikill "vinur" okkar til að gera eitthvað í málinu. Kannski ræðst NATO bara á "lille Island"? Maður verður að fara að huga að heykvíslunum.

Herlið NATO eflt í Afganistan

Mogginn er dásamlegur

Nú verð ég að fara að endurnýja áskrift mína að Morgunblaðinu svo ég missi ekki af neinu í nýju framhalssögunni um hann Ryan O'Neal. Þvílíkt handrit. Mogginn hlýtur að hafa þurft að punga út digrum sjóði til hreppa handritið. En Mogginn er dásamlegur og dýrt kveðið þar á hverri síðu þessa dagana.

O'Neal gaf 11 ára syni sínum kókaín

Signar axlir eða innherjabökuð bankapizza?

Hvað skyldi ríkisstjórnin fá sér í hádegismat? Kannski signar axlir og lútin höfuð? Og vandræðavelling í eftirrétt? Hvað veit ég? Það er nú svo mikið að gera hjá þeim greyjunum að það verður eitthvað fljótlegt hjá þeim í kvöldmatinn. Líklega innherjabökuð bankapizza með Þistilfjarðarhjörtum og heilagri hallelújasósu. Mjög fljótlegt og ljúffengt. Og svo náttúrulega bananasplitt frá Brussel í eftirrétt. Bon appetit!

Þurfa breyttar reglur um bankaleyndina

Kollurinn tómi

Það kæmi mér ekki á óvart ef Bretarnir yrðu á undan að sakfella menn fyrir fjárglæpi í bankakerfinu. Íslensk stjórnvöld draga lappirnar og eru aðallega í því að koma fram með heimskulegum hætti, sbr. útbrot aðstoðarmanns forsætisráðherra á dögunum. Íslendingar geta ekki tekið á eigin málum. Spillingin er of víðtæk og tengslin of mikil. Og gleymum því aldrei að það eru ÍSLENDINGAR sem settu landið á höfuðið og eru um það bil að leggja það í rúst. Hvar er kjarkurinn, nýsköpunin og framtíðarsýnin? Ekki í kollinum á ráðamönnum þjóðarinnar, svo mikið er víst.

Rannsaka íslensku bankana

Gæsluvarðhald núna

Sagan heldur áfram. Hvernig er þetta hægt? Og veðin eru í hlutabréfum í Kaupþingi. Er þetta glæpur? Dæmi hver fyrir sig. Af hverju eru þessir menn og stjórnendur bankans og margir fleiri,ekki settir í gæsluvarðhald vegna gruns um stórfellt fjármálamisferli? Ég er ansi hræddur um að hinn almenni borgari sæti núna bak við lás og slá ef þetta hefði sannast upp á hann. Og íslenska þjóðin bara borgar og borgar og frýs síðan úti í vetur.

Stórskuldug aflandsfélög í eigu hluthafa

Danir setja lögbann á RÚV........ eða...

Djö....... danskur! Eru nú Danir komnir í spilið á nýjan leik? Kannski Danir hefðu getað sett lögbann á RÚV? Manni kemur ekkert á óvart lengur.

Danir æfir yfir lekanum

Tyggigúmmí fyrir turtildúfur

Tyggigúmmí fyrir turtildúfur. Nóg að tala um alla vikuna..... ef ekki lengur.

Ryan reyndi við Tatum í jarðarför Fawcett

Bankaleynd...... bankanna vegna

Hvers konar þjóðarleiðtogi er það sem kemur fram með svona yfirlýsingu mörgum dögum eftir að lögbann var sett á RÚV varðandi fréttaflutning af Kaupþingi? Af hverju kom Jóhanna ekki fram strax? Maður er bara gjörsamlega bit. Ætli Hrannar hafi ráðið för.... maður sem er á feitum launum hjá þjóðinni?? Djísús!! Annars er kannski bankaleynd ekki bara hugsuð vegna viðskiptamanna bankanna, heldur til þess að fela glæpi og óreiðu innan bankanna sjálfra.

Forsætisráðherra segir lögbann fráleitt

Sýndarmennska og yfirklór

Sýndarmennska og yfirklór. Allan tímann var það ætlan skilanefndar Kaupþings og bankastjóra að þvo hendur sínar líkt og Pílatus gerði forðum og segja: Við erum búnir að gera skyldu okkar og verja bankaleyndina, nú skulu stjórnvöld sjá um restina. Kannski Steingrímur hafi hringt? Varla. Enn eitt plottið. Fáum treystandi lengur í valdastöðum þessa þjóðfélags okkar. Tekur vitleysan og valdagræðgin aldrei enda. Spillingin er svo útbreidd að fólk veit ekki hvar það á að stíga niður í mótmælum sínum. Svo eru menn í því að vernda hvern annan í hærri stigum þjóðfélagsins. Það sem fram fer hér í dag og hefur farið fram undanfarið, fer í allar skólabækur framtíðarinnar, sem dæmi um valdhroka, misbeitingu valds og spillingu innan stjórnkerfis og viðskiptalífs. Á það verður ekki sett lögbann svo glatt.

Falla frá lögbanni

Til hamingju Vestmannaeyingar.

Er ekki dásamlegt að þessi hátíð hafi verið haldin síðan 1874 (þó með einhverjum hléum) og hafi aldrei verið jafnfjölmennt og í ár? Vestmannaeyingum til sóma á allan hátt. Það er engin smá vinna sem er unnin í sjálfboðavinnu vegna Þjóðhátíðar. Til hamingju Vestmannaeyingar. Er einhver þarna úti sem þekkir sögu þjóðhátíðar betur? Gaman væri að þekkja hana. Svona í stórum dráttum.

Frábær þjóðhátíð