Samkomulag........ beint á toppinn

Samkomulag? Nú á að halda stóra samkomu og meira að segja búið að semja lag fyrir samkomuna. Hvernig skyldi það hljóma? Árni Johnsen forsöngvari? Kæmi ekki á óvart.

Samkomulag í fjárlaganefnd

Sauðsvartir almúgamenn fylla íslensku fangelsin

Já já já..... Það stendur ekki á því að handtaka erlenda glæpamenn á Íslandi.... en það virðist eitthvað lengra í að íslenskir glæpamenn séu handteknir á Íslandi.... enda kannski flestir flúnir til útlanda.... með framtíðarlífeyri annara Íslendinga. Svo er náttúrulega góð afsökun að það er ekkert pláss í íslenskum fangelsum í dag nema fyrir sauðsvarta almúgamenn sem leiðst hafa út í smáglæpi eða skrikað aðeins fótur í gnægtasamfélaginu á Íslandi.

Þekktur glæpamaður handtekinn á Íslandi

Hitnar í kolunum

Nú hitnar í kolunum. Þessi Margrét virðist nú ekki alveg vera í lagi. Gott að láta sverfa til stáls í svona málum...... en sorglegt fyrir The Pot and the Pan party....... og íslensku þjóðina. Ég styð Heiðu B. Heiðars. Þar er röggsöm kona á ferð.

Þráinn segir sig úr þingflokki

Ótrúlega hæfileikaríkur

Hlýjar kveðjur frá mér til Jóhannesar Kristjánssonar og fjölskyldu hans. Megi bati hans verða sem skjótastur og bestur. Við sem notið höfum hans ríku hæfileika um árabil bíðum eftir því að hann taki sviðið á ný, hress og endurnærður. Eitt er víst að Jói á þau svið sem hann velur að stíga á hverju sinni. Ótrúlega hæfileikaríkur piltur.

Heppinn að vera á lífi eftir hjartaáfall

Af hverju er Jóhanna alltaf síðust til?

Ég get ekki að því gert að mér finnst Jóhanna alltaf vera síðust að borðinu þar sem liggja óleyst verkefni í bunkum. Ég hef borið mikla virðingu fyrir Jóhönnu í gegnum árin en síðustu mánuði finnst mér eins og úr henni sé allur kraftur. Verkefnin eru að vísu mjög stór og ekki auðleysanleg en hún gæti nú valið sér kröftugri aðstoðarmann en Hrannar Arnarsson.... eða eins og einhver sagði... ég verð nú að segja það. Hann hefur greinilega ekki hundsvit á almannatengslum, eins og bersýnilega hefur komið í ljós að undanförnu. Svo hef ég nú lúmskan grun um að á bak við Jóhönnu séu ýmsir hugmyndafræðingar sem mættu að skaðlausu velta fyrir sér hvort þeir eru á réttum stað.

Jóhanna á vef Financial Times

The Pot and the Pan revolution... part 2

Er þetta fólkið sem telur sig fulltrúa "fólksins" á Alþingi? Fólk sem setur hagsmuni þingflokksins í fyrsta sæti, hreyfingarinnar í annað sæti og hagsmuni kjósenda í þriðja sæti, á ekkert erindi á þing. Logandi illindi í fjögurra manna hópi kann ekki góðri lukku að stýra. Ömurleg endalok á búsáhaldabyltingunni "The pot and the pan revolution". En eigum við Íslendingar nokkuð betra skilið? Fólk sem ræður ekki við búsáhöld nema í eigin eldhúsi á bara að halda sig þar. Á götum úti og á Löggjafarsamkundunni hljóma þessir pottar og pönnur eins og barið sé í tóma tunnu. Og kröftunum eytt í að berja niður sína eigin samherja. Já völdin og sviðsljósið eru ekki lengi að berhátta mannfólkið, nú frekar en endranær. Kjötkatlarnir eru greinilega girnilegir í augum "borgaranna". Það held ég að sé nokkuð ljóst.

Vilja Þráin af þingi

Ég sló Vakía

Maður var nefndur Vakía. Árið 2009 sást til hans á norðurslóðum.... nánar tiltekið á Íslandi. Þar var hann laminn niður. Var það ég sem sló Vakía?

Byrjunarlið Íslands gegn Slóvakíu

Sá sem vill ekki..........

Sá sem vill ekki þegar hann fær...... hann fær ekki þegar hann vill....... svo einfalt er það nú.

„Íslendingar vildu ekki lán frá Rússum"

Grótta- KR.......... Ísland- Tortóla..... Þór- KA.....

Þetta er nú auðleyst. Bara hringja í Björgólf Thor og hann reddar þessu tímabundið. Með víkjandi láni. Án skuldatrygginga og afleiða þeirra. Borgað eftir minni, sem er nú ekki sem best þessa dagana hjá íslensku þjóðinni. Okkur til hagsbóta. Hvernig væri bara að sameina Ísland og Tortólaeyjar svona eins og Grótta- KR í boltanum? Það er dæmi sem gæti gengið upp.

Útlit fyrir að fjármögnun Landsbankans frestist

Linkindur á flokksins línu?

Mér finnst nú Össur  tala nokkuð skýrt í þessu máli.... allavega eins og staðan er. Skoðanir eru skiptar og ég get ekki reiknað  út hvor kosturinn er betri til framtíðar fyrir íslenskt samfélag. Það verða aðrir að gera. Mestu máli skiptir að menn færi rök fyrir skoðunum sínum og Alþingismenn kjósi í þessu máli sem öðrum efir sannfæringu sinni en ekki eftir flokkslínum, eins og oft hefur gerst. Og Guð forði okkur frá linkindum, sem reyna að hanga á ráðherradómi sínum eða öðrum embættum hvað sem það kostar, valdsins vegna.

Ríkisstjórn á suðupunkti

Góðir Íslendingar

Það er ennþá þetta með enskukunnáttu ráðamanna. Það er farið að bitna allverulega á okkur Íslendingum að íslenska hefur ekki enn náð fótfestu sem alþjóðlegt samskiptamál í viðskiptum og stjórnvalda á milli. Það stendur kannski til bóta í framtíðinni, því eru Íslendingar ekki bestir í öllu? Ég hélt það.

Fjórir ráðherrar breyttu bréfi

Afleiður og hundleiður

Menn voru ekki að kaupa nein skuldabréf. Menn voru að kaupa afleiður á skuldatryggingar á Kaupþing til að hækka verð trygginganna. Og enginn vill kannast við barnið. Það verður bara að taka DNA prufur á bréfunum og lyklaborðunum, til að komast að hinu sanna í málinu. Megi sú niðurstaða hljóma í bankahvelfingum heimsins sem og annars staðar. Ekki benda á mig... það var Þjóðverji sem sagði mér að gera þetta svona.

Kaupþing átti hugmyndina en ekki Deutsche Bank

Allir í gróða

Íslendingar hafa alltaf verið snillingar í að græða hver á öðrum...... í stað þess að græða á öðrum þjóðum... eins og aðrar þjóðir gera. Næst þegar löggan fer í bankann, þá græðir bankinn á henni. Einfalt og hringlandi gott. Allir í gróða.

300.000 kr. í hraðasektir

Íslenskur dómsúrskurður?

Ég þarf miklu meiri upplýsingar til að skilja þetta mál. Ég finn til með blessaðri konunni og skil að hún er hissa og hlessa. Hvernig getur svona gerst? Svari einhver spurningum konunnar. Ég get það ekki. Íslenskur dómsúrskurður......

Íslenskri fjölskyldu vísað úr landi

Smá von ennþá?

"Ekki er öll nótt úti enn". Segir forsætisráðherra. Þýðir það, að ef sáttagrundvöllur er ekki fyrir hendi (ég veit ekki alveg hvort hún á við sættir millum Alþingismanna eða sættir við Hollendinga og Breta), Þá verði hér svartnætti? Kannski ætti maður að velta fyrir sér hvað það merkir í raun og veru á íslensku þegar sagt er: "Það er ekki öll nótt úti enn". Smá von ennþá?? Forsætisráðherra lifir í voninni. Svo mikið er víst.

Ekki öll nótt úti enn

Þetta er ekki þunglyndi...... þetta er léttlyndi

Það bætir a.m.k. ekki úr skák að líta leiðtoga sína í sjónvarpi með signar axlir og lútin höfuð, talandi um að það sé best að vona það besta. Ekki er algert vonleysi meðan einhver er vonin. Þetta er ekki þunglyndi. Þetta er léttlyndi.

Gífurlegt þunglyndisálag á íslensku þjóðinni

Hann lá í frystikistunni í 17 ár... (lag: Ó María)

"Hann sigldi út um höfin blá í sautján ár"........ nei..nei..nei...nei , ég meina lá í frystikistunni í sautján ár. Úlfar minn: Með allri virðingu fyrir þér og starfi þínu...... þá myndi mig ekki langa í 17 ára gamalt hvalkjöt. Hvernig er það: Er hægt að geyma kjöt og fisk endalaust í frysti? Tapar það engum gæðum? Ekki þar fyrir að ég borða ekki hvalkjöt en það er önnur saga.

Hvalkjötið dugði Úlfari í sautján ár

Tottenham- Liverpool......4-2

Áhugaverður leikur framundan: Tottenham-Liverpool 16. ágúst. Mættust í lokaleik síðustu leiktíðar og nú í fyrsta leik komandi leiktíðar. 3 miðverðir úr hvoru liði á sjúkralista. Gæti orðið markaleikur...... Eigum við að segja 4-2..... fyrir Tottenham? Já já ... segjum það.

Benítez sagður vilja fá Turner

Kaffimálverk

Kaffimálverk. Listamaður að störfum. Laugavegur/Smiðjustígur. Kl. 13.00-20.00. Í dag. Velkomin.

Fiskur undir steini

Það hlaut að vera. Þar lá fiskur undir steini. Á Dalvík. Ekki í Skólavörðuholtinu eins og sagt var frá í bók eftir Hendrik Ottósson.

Fjölmenni á Dalvík