Það er alveg geggjað að láta hneggja sig í svefn

Það hlýtur að vera geggjað (hneggjað), að láta hneggja sig í svefn. Bölvuð ókurteisi af löggunni að virða ekki þessa hrossareið gegnum draumalandið. Það ríður ekki við einteyming. Segir svo fátt af hrossunum, sem undu vel við sinn hag(a) undir hrotum þessa svefndrukkna manns. Hver veit nema þau verði andvaka á næstunni eða þar til hinn draumríðandi sveinn losnar úr prísundinni.

Svaf í miðju hrossastóði

Sveittir Alþingismenn

Það er gott að Alþingismenn hafi nóg að gera. Best væri að allir landsmenn hefðu nóg að gera. Svo er því miður ekki raunin. Má þar að mörgu leyti um kenna núverandi og fyrrverandi Alþingismönnum um. Þeir gáfu kvótann, Símann og bankanna með þekktum afleiðingum fyrir íslenskt samfélag. Í nafni frjálshyggju sem leysa átti allt "dautt" fjármagn úr læðingi. Við vitum alveg hvernig það fór allt saman. Til helv..... Endurreisn samfélagsins gengur hægt og eyjan okkar í norðri er Djöflaeyja í hugum margra erlendra og það verður ansi erfitt að breyta því hugarfari og varla á færi 63 alþingismanna, sem margir hverjir bíða óþolinmóðir eftir að plotta meira í sínum eigin kjördæmum, í stað þess að gefa "Íslandi allt" eins og einvern tíma var haft á orði en virðist ekki vera uppi á borði nú.

Lengsta sumarþing í 90 ár

Áfram Tottenham

Hverjir eru bestir? Spuuuuuuuuuuuuuurs!! Áfram Tottenham!!

Lennon skaut Tottenham í toppsætið

Kaffimálverk á Skólavörðustíg 21

Ég vil nota tækifærið og þakka þeim fjölmörgu sem heimsóttu mig á sýningu mína að Skólavörðustíg 21 í gær. Stemningin var frábær, ungir og aldnir  í besta skapi og greinilegt að Menningarnóttin hafði margt að geyma fyrir marga. Sjálfur verð ég að skottast í galleríinu mánud. og þriðjud. áður en ég tek verkin niður. Áhugasamir geta hringt í 692 4321 eða haft samband á : [e-mail] og eins þeir sem vilja sækja verkin sín. Bestu þakkir.

Mikill mannfjöldi í miðborg

Kaupþing var úti með klærnar í Haga.... krækti þeim öllum í...Jón Ásgeir Jóh

Kaupþing var úti með klærnar í Haga

krækti þeim öllum í Jón Ásgeir Jóh.

Á eftir kom Skattmann það er önnur saga

sko enginn þá vissi hvað undir  því bjó.

Gagg gagg gagg ekki kast'í mig grjóti

gagg gagg gagg  ekki kast'í mig grjóti.

Gráleitum augum ég trúi að þeir gjóti

greyið hann Nonni hann þorir ekki heim.

(Lag: Siggi var úti)   Thorberg 2009.

Hagar í gjörgæslu Kaupþings

Þjófstart á Menningarnótt?

Eru Alþingismenn að þjófstarta á Menningarnótt?? Nei krakkar..... ég held að það sé lítil hætta á því.... eða hvað?

Icesave-umræða stendur enn

Morgunblaðið sér um sína

Ópíum fyrir pöpulinn "Björk setur hús á sölu". Ég er að hugsa um að vera bara í rúminu í dag og melta þessa frétt. Svo þarf ég náttúrulega að hringja í alla vinina og ræða þetta grafalvarlega mál. Morgunblaðið sér um sína. Svo mikið er víst

Björk setur hús á sölu

Bjóða þessum mönnum STRAX til Íslands

Það á að bjóða þessum mönnum umsvifalaust til Íslands. Þeir gætu komið hingað í boði Seðlabankans. Hægt að borga uppihaldið með handónýtum íslenskum krónum og fá fullt af gjaldeyri í staðinn. Ekki slæmt það. Myndi örugglega bæta samskiptin við Breta í leiðinni. Ekki slæmt það heldur. Gott sem fyrsta verkefni nýs Seðlabankastjóra.

Vasaþjófar lauma seðlum á fólk

Getur ekki klikkað

Keep it in the family. The Icelandic way. Cover both sides of the table. Getur ekki klikkað.

Skuldar milljarða og eiginkona forstjórans í bankaráði

Þvílíkt skúffelsi

Ég er verulega skúffaður yfir þessari frétt. Algjört skúffelsi.

Skulduðu yfir þúsund milljarða

Sir Alex verður að sætta sig við að hafa tapað leik. Málið dautt. Engar afsakanir

Burnley átti góðan leik í 10 mínútur!! Við (Man U) hefðum getað unnið leikinn. Segir Ferguson. En þeir unnu ekki leikinn! Svo einfalt er það. Málið dautt.... hvað svo sem Sir Alex færir fram sem afsakanir.

Ferguson: Vorum of kærulausir

Spilltir stjórnmálamenn höfðu fé af íslensku þjóðinni... látum þá gjalda fyrir það

Fyrrum eigendur bankanna fengu þá á silfurfati frá misvitrum stjórnmálamönnum sem höfðu umboð þjóðarinnar. Hinir nýu eigendur voru hvattir áfram af ráðamönnum þess tíma. Pólitísk spilling réði því hverjir fengu bankana, hverjir fengu kvótann og hverjir fengu Símann. Horfumst í augu við það. Þeir eru sem betur fer flestir fyrrverandi stjórnmálamenn en það firrir þá ekki ábyrgð. Þeir brugðust íslensku þjóðinni og höfðu af henni fé með spillingu og lögðu líf margra í rúst með gjörðum sínum. Látum þá gjalda fyrir það. Engin nöfn nefnd en flestir vita hverjir þeir eru.

Annarra að biðjast afsökunar

Áfram Skagaströnd!!

Ég skil ekki hvað menn eru að abbast upp á svona atvinnubótastarfssemi og það á landsbyggðinni. Ég vil veg Skagastrandar sem mestan, enda fæddur þar og uppalinn. En svo má náttúrulega benda fólki á að það er fullt af nýjum hlutum í gangi á Skagaströnd. Mjög svo spennandi. Áfram Skagaströnd.

Feðgar dæmdir fyrir kannabisræktun

Flamberað framsóknarfilé

Ég býð öllum í vanmat í kvöld. Einnig geta menn fengið sér fasteignamat eða umhvefismat, já og einnig verður boðið upp á flamberað framsóknarfilé í  súrsætri Icesave sósu. Sem meðlæti er boðið upp á heimaræktað grænmeti úr Alþingisgarðinum. Í eftirrétt er boðið upp á hollenska og enska ábresti eins og hver getur í sig látið.

Wengar varar við vanmati

Aumingja maðurinn

Þarf blessaður maðurinn að standa skil á því sem hann er í persónulegum ábyrgðum fyrir? Ja hérna! Ég er svo hissa. Ég sem hélt að þetta væri bara eitt pennastrik fyrir menn eins og Magnús og málið dautt. Bara að hann missi nú ekki þyrluna. Maðurinn þarf að komast leiðar sinnar fljótt og vel milli lánastofnana til að afskrifa skuldir. Annað er ekki manninum sæmandi.

Gamli Landsbankinn afskrifar skuldir Magnúsar

Hefði átt að nota norska brjóstdropa

Ég kenni í brjósti um þessa konu. Ég hef ekki brjóst í mér til að skrifa um hana. Brjóstumkennanlegt. Ja... hún hefði kannski átt að prufa norska brjóstdropa. Hefði hún drukkið nógu mikið af þeim... hefði hún ekki áhyggjur af brjóstunum. Þeir gera kraftaverk... er manni sagt. Ykkur finnst kannski að ég sé svolítið harðbrjósta... en ég hef ekki brjóst í mér að segja annað.

Bað Guð um stærri brjóst

Íslendingar rukki hvern annan

Ísland er á svörtum lista um allan heim. Eins gott að viðurkenna það. Nú geta Íslendingar eytt öllum sínum tíma í að rukka hvern annan. Þar er Ríkið nú þegar í fararbroddi og setur fólk í fjárnám vegna smáskulda og svo skal hoggið sem mest af öryrkjum og atvinnulausum. Glæsilegt!!!!

Djúpt vantraust

Ofbeldi, (b)ölvun og biluð lyfta

Ofbeldi, (b)ölvun og biluð lyfta

best væri mennina forræði að svipta.

Væri það ráð að berja til baka?

Og búa til uppskrift svo úr verði kaka?

Ofbeldi, ölvun og biluð lyfta

Glæsilegt!!

Bara glæsilegt!! Tottenham liðið var mun betra nánast allan leikinn og sigurinn hefði getað orðið mun stærri. Allt liðið spilaði vel og má kannski sérstaklega nefna Palacious, Modric og Bassong, en Keane, Defoe, Ekotto og Corluka voru líka mjög góðir. Þá kom Ledley King sterkur inn. Fastar og hnitmiðaðar sendingar einkenndu leik liðsins og greinilegt að menn mættu mjög einbeittir til leiks. Liverpool liðið náði aldrei að trufla Spurs að neinu marki og vörnin virkaði gloppótt og opnaðist hvað eftir annað. Til hamingju Spursarar!!

Tottenham lagði Liverpool á White Hart Lane

Aldraður.... ekki unggraður

Eitt er að vera aldraður..... annað að vera unggraður.

Telegraph: Ekkert venjulegt hrun