Korter í þrjú veiðimenn og konur

Nú verður ekki lengur hægt að kaupa sér flugur í miðbænum, ef maður fær þá flugu í höfuðið. Verslunin í miðbænum er að missa flugið og nú er Veiðimaðurinn á förum. En ennþá verður víst hægt að fá sér dægurflugur að nóttu til. Það er gott fyrir veiðimenn, sem stundum hafa verið nefndir "korter í þrjú gæjar". Það eru víst til konur sem bera svipað nafn. Ég sel það ekki dýrara en ég keypti það. Enda ekki svo mikill veiðimaður.

Veiðimaðurinn hverfur úr miðbænum

Athugasemdir

[Kristinn Sigurjónsson, 2.7.2008 kl. 10:57]

Þetta er bara í samræmi við stefnu Reykjavíkurborgar um að hefta aðgengi bíla að miðbænum.   Fólk vill komast sína leið á bílum.

sjá mitt blogg. 

[Bergur Thorberg, 2.7.2008 kl. 11:07]

Þetta er því miður satt hjá þér Kristinn. Svo er maður hundeltur af stöðumælavörðum. Sjálfur bý ég í miðborginni og við viljum auðvitað sjá fólk koma akandi úr öðrum hverfum í hverfið okkar. Ekki bara kráargesti og túrista.

[Lilja Kjerúlf, 2.7.2008 kl. 12:06]

Nú! eru til svona korter í þrjú konur?  Ég held ég hafi ekki hitt neina, en hins vegar hef ég hitt gæjana en þeir eru búnir að færa tímann til korter í fimm eða sex 

[Halldór (IP-tala skráð) 2.7.2008 kl. 12:25]

Ég er einn af þeim sem versla nær ALDREI í miðbænum eftir að hafa fengið himinháa stöðumælasekt þegar ég stóð í röð í banka í miðbænum til að fá klink í stöðumælir. Það eru mörg ár síðan og ég er ennþá brjálaður yfir því.
Það sem er að drepa verslun í miðbænum eru stöðumælar. 

[Gunnhildur Ólafsdóttir, 2.7.2008 kl. 12:50]

Þetta eru gæjarnir sem maður hittir í leigubílaröðinni hvort sem kl er korter í þrjú - fjögur eða fimm. Ef að röðin væri styttri myndi maður losna við þá!

[Guðmundur G. Hreiðarsson (IP-tala skráð) 2.7.2008 kl. 13:58]

Þar eð Gunnhildur er ein af þessum pæjum sem er í leigubílaröðinni á þessum krítísku tímapunktum, er ekki úr vegi að kalla hana kortérí-pæju, hm.

[Bergur Thorberg, 2.7.2008 kl. 14:42]

Gummi! Gættu orða þinna Gunnhildur er siðprúð stúlka.

[Guðmundur G. Hreiðarsson (IP-tala skráð) 2.7.2008 kl. 15:00]

Dona, dona.. bara að grínast; eins og venjulega.

[Bergur Thorberg, 2.7.2008 kl. 15:06]

Ég held nú að mér hafi verið það ljóst Herra Benzen. Ég set þetta í alvörugrínmöppuna.