Jeg skal ogsaa giftes

Mor! I dag skal jeg gifte mig! Gaa udenfor með din gift!!! Hvorfor det skat? Naa ja, du skal giftes. Jeg skal ogsaa giftes, men jeg gör det udenfor. Vi ses min skat,,,,,,,,,

Danadrottning varð að fara út til að reykja

Nefklemmur og air fresh

Æj æj, blessaðir kallarnir. Vonandi eru nefklemmur og air fresh um borð. Ekki dugir að halda í sér þangað til í næstu viku. Þó þessir menn séu sjálfsagt þrautþjálfaðir í að bregðast við óvenjulegum aðstæðum.

Eina geimklósettið bilað

Saurlífi í dimmum skúmaskotum...Áfram Sigur Rós

Það er með ólíkindum hvernig hið tvöfalda siðgæði manneskjunnar ríður röftum í heiminum, í dag, sem áður fyrr. Við hvað eru menn hræddir? Sjálfan sig? Hverjir setja reglurnar? Mjög líklega siðspilltir siðferðispostular sem vilja ekki láta fletta ofan af sjálfum sér. Sömu menn og setja sjálfan sig á stall í skinheilagleika fagurs fjölskyldulífs eða í nafni einhverrar trúar. Eins og Sigur Rósarmenn segja sjálfir, þá er allt í lagi að glenna sig framan í heiminn með fimm sentimetra pjötlu í klofinu, til þess eins að ala á kynórum almennings og ná í fleiri krónur í kassann. Ég ætla að vona, að þetta bann við blásakleysi verði til þess að hróður Sigur Rósar aukist enn frekar, enda ekkert á ferðinni hjá þeim sem telja má siðlaust eðe siðspillandi. Bara sakleysi mannskepnunnar og fegurð náttúrunnar. Hvort tveggja eftirsóknarvert. En brýtur náttúrulega í bága við gjörspilltar hugmyndir siðspilltra ofstækishópa, sem virðast líka eiga nóg af dollurum, til að fylgja eftir þessum aflóga hugmyndum sínum. Mannkyninu til mikillar óþurftar. Sveiattan. Næst verður mér bannað að baða mig nakinn í sturtuklefanum þegar ég fer í sund. Það gæti truflað einhvern siðferðispostulann. Þeir vilja fá að stunda sitt saurlífi í myrkri og í dimmum skúmaskotum. Aftur sveiattan.

Myndband Sigur Rósar bannað

Snobbað fyrir "hámenningunni"

Hvers vegna þessir tónleikar voru yfirleitt haldnir er mér hulin ráðgáta, nema ef vera skyldi að poppararnir hafi verið að snobba fyrir hámenningunni. Sálin og Symfónían, Toddmobil og Symfónían, Nýdönsk og Symfónían os.frv os.frv. Til hvers? Fyrir hvern? Jú fyrir popparana sjálfa. Varla fyrir Symfóníuna og þaðan af síður fyrir almenning. Slepjulegt, hallærislegt. Ömurlegt. Hvers vegna að vera að blanda þessu tvennu saman? Átti kannski að ná sér í virðingu og kannski líka aura í kassann? Það læðist að mér sá grunur.

Alþingismenn: Megið þið ganga sneyptir gegnum sumarið

Meðan forkólfar valdsins á Íslandi halda öllum sínum forréttindum hvað eftirlaun varðar og spóka sig í útlöndum í sumar, eins og þeir hafa löngum gert í vetur líka, mega Breiðavíkurdrengirnir éta það sem úti frýs í íslensku sumri eins og þeir hafa gert hingað til. Skammist ykkar Alþingismenn og megið þið ganga sneyptir í gegnum sumarið.

Farið yfir eftirlaunalög í sumar

Íslenski herinn í viðbragðsstöðu

Björn Bjarnason verður að kalla saman íslenska herinn í fljótheitum (það er nú bara einn í honum), svo það ætti að vera fljótlegt, og sýna frú Rice að við erum til þjónustu reiðubúin. Forever devoted to the cours.

Rice á leið til Íslands

Menningarverðmæti brenna

Einhvern veginn finnst mér ég hafa heyrt um allt of marga eldsvoða í Vestmannaeyjum síðustu misseri. Vonandi eiga þeir svokölluð eðlileg upptök en auðvitað læðist grunur að fólki að brennuvargur gangi þar laus. Ef ég man rétt hefur fólk verið þar hætt komið á stundum. Það er náttúrulega grafalvarlegt mál. Von er að linni. Í sambandi við munina er notaðir eru á Þjóðhátíð, hef ég ekki trú á öðru en Vestmannaeyingar, af sínum alkunna dugnaði, byggi og búi til aðra hluti, en það er þó eftirsjá af þessum "menningarverðmætum" sem fóru forgörðum í þessum bruna. Því allt sem tengist þessari einu sönnu Þjóðhátíð á Íslandi, eru svo sannarlega menningarverðmæti. En það vita Vestmannaeyingar manna best.

Eldsvoði í Vestmannaeyjum

"Hneikslaður" segir aðra sögu

Vil bara benda ykkur á bloggara sem kallar sig "Hneikslaður" en hann bloggaði eftir Kompásþáttinn í kvöld. Segist vera fyrrverandi Byrgismaður og hefur aðra sögu að segja en hjónin í kvöld. Hvort hann er að blöffa eða segja satt, kemur kannski í ljós síðar.

Skinheilagir Kanar

Skinheilagir eru þeir. Skinheilagir verða þeir. Amen. Ömmubróðir? Hvað með langafabróður systur pabba hans. Hann hlýtur að hafa gert eitthvað af sér. Við verðum að grafa það upp. Svo allir kjósi nú rétt. Annað Amen.

Obama gerði mistök

Ein létt spurning fyrir svefninn

Ein létt spurning fyrir svefninn: Í hvaða íslenska mannsnafni kemur bókstafurinn E fyrir fjórum sinnum? Fyrstu þrír sem svara rétt fá sendar kaffiskissur eftir mig í pósti, ef þeir senda mér uppl. um nafn og heimilisfang á: [e-mail]