Hýenur frá Hollandi á sveppum

Hollendingum væri"hollt" að halda sig á mottunni. Það væri nú ekki mikill vandi að taka þá vel í gegn, þjóð sem sér fyrir sér með útsmognum hætti í verslun og viðskiptum og lifir á afrekum annara þjóða og hefur gert í mörg hundruð ár svona líkt og hýenur gera. Þeir lifa á flutningum verðmæta sem aðrar þjóðir hafa skapað og svo eru þeir náttúrulega í blómunum eins og gamlir afdankaðir hippar, fastir í fortíðinni og aðstandendur þessarar vefsíðu eru næsta víst á einhverjum rugleitursveppum, sem löglegt er að selja þar í landi. Að auki er Holland aðal dreifingamiðstöð eiturlyfja um gjörvalla Evrópu. Dóphausar. Lofum þeim að rugla. Það er þaðð eina sem þeir geta gert, ritstjórar þessarar vefsíðu. Og það sem verst er fyrir þá....... þeir eru ekki hót fyndnir.

Herferð gegn Íslandi

"Guð hjálpar þeim sem hjálpast að"

"Upphafið að endinum" segir Barack Obama. Nú gætu Bandaríkjamenn verið að horfa á upphafið á endi samdráttarins. Það er eitthvað annað upp á teningnum á Íslandi. Við gætum verið að horfa á upphafið á kreppunni. Því miður. Landflótti. Eignamissir. Niðurbrotin börn. Framtíðardraumalandið horfið bak við ský...... í bili. Við látum ekki bugast en fórnarkostnaðurinn verður mikill fyrir marga. Auðvitað er efnahagslægð um allan heim. Það gátu menn í raun og veru séð fyrir....... fyrir margt löngu. Hagkerfi geta ekki stækkað endalaust...... það hlaut að koma að því að hlutirnir yrðu að balancerast. Þegar hinn svokallaði þriðji heimur er sjálfur farinn að framleiða meira en svokallaðar nauðsynjavörur og selja þær til Vesturlanda á miklu lægra verði en við höfum átt að venjast, þá hlýtur að hrikta í stoðunum víða. Aukið atvinnuleysi og hagkerfin bólgna ekki út eins og áður. Vonandi nær heimsbyggðin að rétta úr kútnum smátt og smátt, þar með talið Ísland en það kemur til með að taka tíma og margir munu eiga mögur ár framundan. En upp birta él um síðir og í vonina verðum við að halda. Það er þess vegna mjög mikilvægt fyrir okkur Íslendinga að við leggjum okkur alla fram við að finna nýjar leiðir byggðar á hugviti okkar og þeim krafti sem við vitum að býr með þjóðinni. Og við verðum líka að vera tilbúin að kasta burt gamalli hugmyndafræði og stokka spilin upp á nýtt, blása lífi í nýjar hugmyndir hvaðan sem þær koma og telja kjark í okkar kraftmiklu æsku og búa henni þá aðstöðu, sem gerir henni kleift að hrinda hugmyndum sínum í framkvæmd. Þá þurfum við engu að kvíða heldur getum við hafið endurreisnina á nýjum grunni sem mun leiða okkur til betra þjóðfélags þar sem jafnrétti og bræðralag verður haft að leiðarljósi. Því eins og Þorsteinn Valdimarsson kvað einu sinni: Guð hjálpar þeim sem hjálpast að.

„Upphafið að endinum“

Hver hreinsaði æluna?

Starfsmenn Reykjavíkurborgar hreinsuðu málninguna burt í morgun. En hver hreinsaði æluna? Það kemur ekki fram í fréttinni. Er kannski enginn tilbúinn til þess? Ef einhver hefur gert það, á sá hinn sami að fá ríkulegan bónus. Einu sinni hreinsaði ég salerni á veitingastað þar sem einhver hafði makað mannaskít upp um alla veggi. Það var ekki skemmtilegt... en maður lét sig hafa það. Voðalega hlýtur fólki að líða illa sem gerir svona lagað.

Kastað upp ofan í póstkassa

Hvað haldið þið?

Jón Ásgeir hefur lítið verið í umræðunni upp á síðkastið. Kannski er það svo að hann hefur allt sitt á hreinu, öfugt við marga aðra sem bendlaðir hafa verið við hina svokölluðu útrás. Hvað haldið þið?

Sölu á skíðaskála rift?

Þvílíkur skrípaleikur

OK. Fréttastofan segir eitt um þetta ákveðna mál. Björgólfur Thor segir annað. Hvernig væri að opinberir aðilar tækju nú af skarið og upplýstu þjóðina um hið sanna í málinu þ.e.a.s. ef þeir eru þess megnugir, sem maður er nú farinn að efast um. Hitt er svo annað mál að það eru mörg önnur mál sem þarf að upplýsa og vart þarf að segja þjóðinni frá því. Þvílíkur skrípaleikur.

Björgólfur Thor: Skipulagður óhróður, véfréttir og lygar

Já já já..... Bjarni minn.

Já já já Bjarni minn. Við höfum heyrt þennan áður. Þú varst náttúrulega búinn að slíta öll vinatengsl þín inn í Glitni löngu fyrir bankahrun og ert þess vegna með algerlega hreinan skjöld hvað þessa fjárflutninga varðar samkvæmt lögum. Já já....... við verðum að trúa þér Bjarni minn.... já já...

Bjarni Ármannsson: Eðlileg fjárstýring

Völd...völd.....völd.... meiri völd...

Finnst fólki taka því að vera að rífast um völd í litlu bæjarfélagi þegar íslenska þjóðin rambar á barmi gjaldþrots? Valdabaráttan birtist í smáu sem stóru. Ísland í dag, Ísland í gær og mjög líklega Ísland á morgun. Úff......

Væringar í bæjarstjórn

Utanríkisráðherra í góðum málum

Ekki vissi ég að utanríkisráðherra þénaði svona mikla peninga. Maður verður að fara að drífa sig í stjórnmálin. Þó fyrr hefði verið. Össur: Nú geturðu boðið mér í Þingvallavatn. Ég finn græjurnar til og geri stöngina klára. Á leiðinni austur geturðu frætt mig um kynlíf urriðana í vatninu. Ha?

Hagnaður Össurar 3,5 milljónir dala

Hverjir eru bestir? Tottenham

Við Spursarar bjóðum Peter Crouch velkominn til Tottenham. Hann hefur sýnt það og sannað gegnum tíðina að hann er afar lúnkinn leikmaður, er náttúrulega mjög hávaxinn og góður í teignum en þrátt fyrir hæð sína, mjög svo leikinn og lipur. Næst er það Patric Vieirra og vonandi Huntelaar líka...... og einn góðan miðvörð. Þá getur allt gerst.

Peter Crouch genginn til liðs við Tottenham

Ég er sjáandi

Það þarf greinilega ekki nema eina kellingu til að gera allt vitlaust í blogheimum sem annars staðar á Draugatrúarlandinu góða. Ég er sjáandi. Ég sé fyrir mér slagandi fólk um næstu helgi og gjafir í desember. Merkið mín orð og takið eftir hvort það rætist.

Á kafi í kókaíni

Þurfum við frekar vitnanna við? Insiders í bankanum að bjarga eigin skinni... jafnvel með hjálp eiginkonu eins þeirra. Auðvitað koma þeir til með að teygja málið með hjálp "stjörnulögfræðinga". Ennþá verra í landsbankanum. Hvað eiga þessir menn að ganga lausir lengi? Frasinn saklaus uns sekt er sönnuð er hálf hlægilegur í þessu sambandi. Virt endurskoðunafyrirtæki er búið að sanna gjörninga þessara manna. Margir af starfsmönnum þessara fjármálastofnana, ég er ekki að segja að þessir menn hafi verið það, voru á kafi í kókaíni og amfetamíni... það hef ég eftir áreiðanlegum heimildum. En ég hef grun um að þetta sé bara toppurinn á ísjakanum. Málin eiga eftir að versna til muna... verið þið viss.

Millifærðu hundruð milljóna milli landa

Byrjaður að pakka

Jæja..... það er best að koma sér norður í land. Byrjaður að pakka. Ég verð að viðurkenna að það er dálítill skjálfti í mér.

Spurt um jarðskjálftaspádóm

Animal farm

Já já já.... þvílíkt bullshit. Nú trompa þeir George Orville algerlega þ.e.a.s. bók hans Animal farm. Nú er sko gripið til trixins sem alltaf virðist virka á Íslandi: Allir sem hagsmuna eiga að gæta í þessu máli viku sæti þegar ákvörðun var tekin. Bla bla bla bla..... Þetta er ekki í fyrsta skipti og örugglega ekki í það síðasta sem þessu trixi er beitt. Halda menn að hagsmunatengsl hverfi bara eins og dögg fyrir sólu þó einhver persóna víki af fundi um stundarsakir ef á að taka einhverja ákvörðun sem snerta viðkomandi? Hreint ekki. Nú hafa þessir menn berháttað sig algerlega frammi fyrir íslensku þjóðinni og margfalt fleiri ættu að gera það sama. Þetta gengur sem sagt út á að blekkja þjóðina, fela sig á gráu svæði lagarammans og siðferðið er slíkt að það er hætt við því að mestu glæpamenn mannkynssögunnar gætu tekið upp á því að roðna við samanburð. Siðleysið er algert. Þetta er ekkert í fyrsta skipti sem svona lagað er gert á Íslandi. Svona hefur þetta verið í áratugi. Og íslenska þjóðin þegir eða í mesta lagi ber í potta og pönnur. Svona hefur þetta verið í pólitíkinni líka í áraraðir. Tvöfalt siðferði hið minnsta, svik og prettir og svo Pílatusarþvottur í restina. Skiptir þá engu máli hvar menn hafa staðið í pólitík. Alltaf einhver skítur í pylsuendapokahorninu. Nærtækt dæmi: Samfylking og Vinstri Grænir mynda ríkisstjórn. Vitað er að fara skal í viðræður við Evrópusambandið um hugsanlega aðild að því. Gott og vel. Steingrímur Vinstri Grænn velur sér fjármálaráðherraembættið og setur svarinn andstæðing Evrópusambandsins í embætti sjávarútvegs- og landbúnaðarráðherra. Endalaust logið að fólkinu og stjórnvöld eru eins og höktandi vél sem er komin að því að bræða úr sér. Það er hreinlega allt gert til að komast til valda og halda áfram þeim hráskinnaleik sem hefur viðgengist í íslenskum stjórnmálum svo lengi sem elstu menn muna. Sumir halda nefnilega að íslenska þjóðin sé heimsk og að þeir komist upp með allt. Vinstri...hægri.... miðja.... allt sama draslið. Svo eru hagsmunatengsl í íslensku þjóðfélagi svo víðtæk að þeir komast upp með þetta. Allt hið íslenska þjóðfélag er gegnsýrt af spillingu. Það geta jafnt háir sem lágir tekið til sín og ég líka. Við erum alin upp í spillingu og þekkjum ekkert annað. Maður þekkir mann o.s.frv.... Við Íslendingar verðum að byrja á því að viðurkenna syndir okkar og hver og einn verður að líta í eigin barm, ef við eigum nokkurn tíma að ná að koma okkur að landi. Og við verðum að horfast í augu við staðreyndir. Við verðum að synda gegnum brimrót spillingarinnar óhrædd eða sökkva ella.

Reglurnar eigi ekki alltaf við

Afsakið..... en ég æli

Sjá ánægju og hrokasvipinn á þessum gaurum, sem íslensku þjóðinni var talin trú um að væru snillingar. Afsakið en ég æli. Hvenær rís þjóðin upp, hendir frá sér búsáhöldunum og......... og grípur til annara verkfæra? Verður hún kannski hungurmorða áður en það gerist?

Skoða lánveitingar Landsbanka

Oh my god

Það er nú ekkert nýtt að Jón Bjarnason sé á móti aðildarviðræðum við Evrópusambandið. Fyrir Evrópusinna verður Jón náttúrulega alltaf flöskuháls sem verður að fara í gegnum þegar og ef viðræður hefjast um hugsanlega aðild Íslands að Evrópusambandinu. Maðurinn er sjávarútvegs- og landbúnaðarráðherra og fer með þau mál sem verða líklega helstu ágreiningsmálin þegar að samningarborðinu kemur. Maður sem vill ekki einu sinni kanna hvað er uppi á borðinu og vill ekki einu sinni skoða kosti og galla þess að sækja um aðild. Hráskinnaleikurinn í íslenskri pólitík er sá sami og síðustu áratugi og ekkert hefur breyst. Maður veit eiginlega ekki hvort maður á að hlæja eða gráta. Hvernig haldið þið að knattspyrnuliði myndi ganga þar sem bakvörður liðsins sæti um það í hvert sinn er hann fengi boltann að setja hann í eigið mark? Oh my god.

Vill fresta umsóknarferli ESB

Heygarðshornið hans Alex

Æi. Alltaf við sama heygarðshornið. Þetta er orðið vandræðalegt hjá kallinum. Alltaf einhver hroki og leiðindi. Ég lít ekki upp til svona manna, þrátt fyrir að maðurinn hafi sýnt góðan árangur í boltanum.

Ferguson: City er lítið félag

Af trúuðum þjófum og næturgölnum

Er það ekki merkilegt hvað Íslendingar eru alltaf næturglaðir? Svo geta þeir verið sofandi allan daginn. Að auki eru þjófarnir orðnir svo trúaðir. Sem er nú bara hið besta mál.

Brotist inn í Árbæjarkirkju

Maður bara ....... úff....

Jahá. Það kemur manni fátt á óvart lengur í þessu agalausa þjóðfélagi. Sjálfur hef ég oftar en einu sinni átt fótum mínum fjör að launa undan bílum sem keyra upp Grettisgötu, gegn einstefnu og einu sinni rétt náði ég að kippa litlum dreng af götunni þegar bíll kom keyrandi á móti einstefnunni.... bara til að stytta sér leið á bílastæðið fyrir framan Nýlistasafnið. Og einhvern veginn viðgengst þetta endalaust eins og svo margt í þessu þjóðfélagi okkar. Maður bara....... já maður bara.... úff.....

Keyrði nánast á höfuð tjaldbúa

Hvers konar þjóðfélag er þetta eiginlega sem við lifum í?

Fallegt er það á prentuðu máli, ekki vantar það. En hvernig verður með dúið? Verður þetta í anda orðanna "to do or not to do"? Ég er ekki viss. Ef við lítum aðeins á hvernig stjórnvöld hafa komið fram á sviðið að undanförnu og ég ætla bara að benda á eitt atriði. Stjórnvöld hafa komið fram dag eftir dag á undanförnum vikum og aðalmálið hefur verið að koma í veg fyrir misnotkun á rétti til atvinnuleysisbóta. Blaðamannafundur með stóru béi var boðaður fyrir nokkru og þar voru sko topparnir mættir: Félagsmálaráðherra, lögreglustjóri og forstjóri vinnumálastofnunar. Þar gerðu þeir fjálglega grein fyrir því að hart yrði tekið á misnotkun atvinnuleysisbóta. Maður stóð upp eftir fundinn með galopinn munninn og hafði á tilfinningunni að það væri líklega atvinnulausum að kenna hvernig ástandið væri á Íslandi í dag. Það skein í gegn að fjölmargir atvinnulausir nenntu hreinlega ekki að vinna eða ynnu svart til að svindla á kerfinu. Nú skyldi sko tekið á því. Skrýtið að þeir skyldu ekki líka taka á þeirri misnotkun sem hefur viðgengist hér á landi um árabil, sem felst í því að fólk í sambúð hefur skráð sig á sitt hvorum staðnum til að koma betur út fjárhagslega og þar hafa margir, jafnt "háir sem lágir", verið viðriðnir. Fólki hefur endalaust verið refsað fyrir að vera gift, þó svo að það sé eitt af þeim gildum sem þjóðfélag okkar er byggt á og okkur innprentað frá barnæsku af þjóðkirkjunni og stjórnvöldum. Dag eftir dag hefur síðan verið hamrað á því af stjórnvöldum, að það skuli sko komið í veg fyrir misnotkun á kerfinu og endalaust koma fram tillögur hvernig má koma helst öllum öryrkjum út á vinnumarkaðinn af því að þeir eru svo þungur baggi. Vel á minnst: Það er enginn vinnumarkaður! Ég skil ekki svona forgangsröðun, allra síst frá svo kallaðri vinstri stjórn. Á sama tíma og örfáir glæpamenn í skjóli stjórnvalda, hafa lagt Íslenskt þjóðfélag í rúst, þá dynja þessar fréttir á þjóðinni og maður hefur á tilfinningunni að það sé stutt í það að þetta fólk sé kallað algerir aumingjar, sem nenni ekki að vinna og geri mest lítið annað en að svíkja út úr kerfinu og svindla. Á meðan ráðist hefur verið á "sauðsvartan almúgann", sem á varla fyrir matnum sínum, hafa glæpamennirnir fengið frið. Ég mæli ekki með misnotkun á "kerfinu", en fyrr má nú rota en dauðrota. Meðan hamrað er á "misnotkun" upp á einhverjar hundruðir milljóna, þá blasir við gjaldþrot íslensku þjóðarinnar upp á fleiri hundruð milljarða, ef ekki þúsundir. Ekki voru það atvinnulausir og öryrkjar sem stofnuðu til þeirrar skuldastöðu sem íslenska þjóðin er í. Það eru ekki einu sinni til peningar til að halda uppi almennilegri löggæslu til að vernda saklausa borgara þessa lands. Fólk er rænt, barið miskunnarlaust niður, oftar en ekki nær til ólífis og dómskerfið lafir máttlaust yfir þess konar glæpum. Og það læðist að manni sá grunur að kerfið komi líka til með að hanga máttlaust yfir glæpum hinna svo kölluðu útrásarvíkinga. Hvers konar þjóðfélag er þetta sem við lifum í? Geta stjórnvöld svarað því? Vitiði það, að ég get hreinlega ekki skrifað meir að sinni. Ég geng um með sorg í hjarta og horfi á fólk hreinlega veslast upp, verða eignalaust, ef það hefur þá átt nokkuð fyrir, börnin okkar skjálfa af hræðslu og þeirra bíður ekki fögur framtíð full af fyrirheitum eins og ætti að vera. Svo ég segi það hreint út: Ég skil ekki bullið í stjórnvöldum, ég skil ekki hugmyndafræðinga ríkisstjórnarinnar, ég skil ekki forgangsröðunina. Ekki ætla ég að gerast spámaður en það kæmi mér ekki á óvart að bylting væri á næstu grösum á landinu okkar fagra. En það virðist vera klæðskerasaumað  fyrir suma en en ekki fyrir "sauðsvartan almúgann".

Ísland skipi sér á ný í fremstu röð

Lái mér hver sem vill

Hvers konar hundakúnstir eru þetta? Ég verð að viðurkenna að ég botna ekkert í þessari frétt og lái mér hver sem vill.

Nýherji skilar 90 milljóna hagnaði