Gamlir kolkrabbar bíða.......

Það er ljóst af þessari frétt að tekjur af hvalveiðum eru nánast engar. Gamlir kolkrabbar bíða í startholunum eftir að fá að veiða hval. Til hvers? Heimurinn vill ekki hval. Nokkrir gamlir Japanar og Norðmenn. Upptalið. Hættum þessari vitleysu og stöðvum hvalveiðar.

95 milljóna gjaldeyristekjur af hval

Ekkert víst að frumvarpið nái í gegn

Áfram Jóhanna!! Samt er ömurlegt að horfa upp á að hún segist ekki geta rekið Davíð nema breyta lögum. Lítilmenni er Davíð að setja forsætisráðherra í þessa stöðu. Og heimurinn gerir grín að okkur, traust okkar á alþjóðvettvangi fer þverrandi með hverjum deginum sem líður, ef það er þá nokkuð eftir. Og það er ekkert víst að frumvarp um breytingar á lögum um Seðlabanka, nái fram í þinginu. Og hvað gerir Jóhanna þá?

Vill að Eiríkur hætti strax

Ósnertanlega prímadonnan

Þetta er spor í rétta átt. Ég óska Eiríki alls hins besta í framtíðinni. En Davíð situr enn. Davíð Davíð Davíð, allt fjallar þetta um Davíð. Og Davíð dregur margt með sér niður í drullusvaðið. En honum virðist vera skítsama. Prímadonnan. Ósnertanlega. Er í stríði við sína eigin þjóð. Aumkunarvert.

Eiríkur hættir í júní

Kolsvartir listar

Ætli þetta sé ekki eini alþjóðlegi listinn þar sem Íslendingar þokast upp á við  þessa dagana. Þó ekki sé það nú mikið en þó upp á við. Að öðru leyti eru það svörtu listarnir sem gilda fyrir Ísland. Kolsvartir listar þar sem Ísland trónir ofarlega á flestum. Og svo rífast Íslendingar innbyrðis sem aldrei fyrr og þjóðir heimsins fylgjast með í forundran. Og skal engan furða.

Ísland upp um þrjú sæti á heimslista FIFA

Hanaslagur Davíðs og Ólafs Ragnars

Þetta er líklega málið í hnotskurn: Davíð versus Ólafur Ragnar. Ólafur Ragnar versus Davíð. Báðir með puttana í því sem þeim kemur ekkert við. Og ríkisstjórn Íslands lætur þetta yfir sig ganga og virðist ekkert ráða við þessa menn. Þessir menn mega hata hvorn annan mín vegna og djúpt virðist það hatur vera, en að þeir komist upp með þennan hanaslag, íslensku þjóðinni til óþurftar á allan hátt, er náttúrulega bara hneyksli. Það verður að gera báðum þessum mönnum það ljóst í eitt skipti fyrir öll, að þeir eru ekki í pólitík og eru ekki hærra settir en ríkisstjórn Íslands, þó þeir haldi það sjálfir.

Skapstóri forsetinn

Úr maðkaðri mysu....

Úr maðkaðri mysunni yfir í mjólkina. Ekki slæm skipti það.

Einar Sigurðsson frá Árvakri til MS

Snillingarnir í lífeyrissjóðunum

Þetta eru allt snillingar sem ráða yfir peningunum okkar í lífeyrissjóðunum. Svo hafa þeir efni á því að vera snillingar, af því að þeir fá svo vel borgað. Frá okkur. Svo nú lækka þeir lífeyrinn hjá landsmönnum. Ef það er þá eitthvað eftir til að lækka. Horfið í bankahruninu.

Hafa rýrnað um 181 milljarð

Hekla hætt að gjósa

Þá er Hekla hætt að gjósa........ PENINGUM. Eins og annað í þessu þjóðfélagi. En þvílíkum peningum sem hún hefur gosið í gegnum árin maður...... það er ekkert smá......

Kaupþing hefur tekið yfir rekstur Heklu

Davíð á Bessastaði og Óla í Seðlabankann

Haldiði að Davíð hlusti frekar á Bubba en okkur? Það held ég ekki. Það er eins og ég segi: Davíð á Bessastaði og Óla í Seðlabankann. Svona vöruskipti, sem eiga svo vel við þegar lítið er til af peningum.

Útlendingar gapa, Íslendingar gapa og þorskurinn gapir....

Forseti vor ætti nú að vita, fjölmiðlavanur eins og hann er, að menn verða að gæta orða sinna í viðtölum, sérstaklega þegar fjallað er um svona viðkvæm mál. Mér finnst þetta skortur á dómgreind hjá Ólafi, að vaða út með alls kyns yfirlýsingar, verandi forseti landsins. Að rífast við konuna, nánast í beinni og koma óundirbúinn í svona viðtal, er ekki alveg nógu gott. Nú er þetta allt komið í gamla farið: Ólafur versus Davíð, Dabbi versus Óli. Það er eitthvað mikið að í íslenskri stjórnsýslu og öllu embættiskerfinu sem henni fylgir. Útlendingar gapa, Íslendingar gapa og þorskurinn gapir á miðunum en það má ekki veið'ann. Draumalandið verður ekki til með svona vinnubrögðum.

Viðtalið tekið úr samhengi