Út úr spillingabælunum með spillingarefina

Þessu var ég búinn að spá. Við hverju bjuggust þessir háu herrar? Það verður að taka íslenska alþýðu alvarlega, sem berst nú fyrir lífi sínu fjárhagslega. Og hún hefur ekki komið sér í þá stöðu sjálf. Nú er sko kominn tími á rétta upplýsingagjöf frá stjórnvöldum til almennings og tími aðgerða. Út úr spillingabælunum með spillingarefina áður en allt fer hér í bál og brand.

Eggjum kastað í Alþingishúsið

Fjármáladruslurnar til Zimbabwe

Hvernig væri að senda fjármáladruslurnar og verkalýðsdruslurnar og fleiri slíkar með í leiðinni. Þó það fáist náttúrulega ekkert verð fyrir þær. Við erum þá alla vega laus við þær. Kannski fæst eitthvað fyrir þær í Zimbabwe. Þar fengu þær nóg af matadorpeningum að leika sér við.

Druslurnar sendar úr landi

Davíð: Farðu að gera eitthvað annað. Skrifa gamansögur t.d.

Þetta verður að koma allt upp á borðið strax. Hafi Sigurður rétt fyrir sér verða stjórnvöld að koma með skýringar strax. Hvað liggur á bak við aðgerðir Seðlabankastjóra? Er það hefnd? Skíta í allt, bara ef hann nær fram hefndum? Davíð verður að far burt úr Seðlabankanum. Og það strax. Hann nýtur einskis trausts af hálfu íslensku þjóðarinnar. Og hann á ekki að hafa nein völd lengur. Sýndu nú drenglyndi Davíð og segðu af þér  NÚNA. Þú getur gert svo margt annað, og það vel, en að sitja eins og tréhestur og þrjóskur asni niðri í Seðlabanka í þínum fílabeinsturni.

Sigurður: Lenti illilega saman við Davíð

Deutchland Deutchand uber alles

Það bætast sífellt fleiri ríki í hópinn góða. Nú er það Þýskaland. Valdamikil ríki eins og Bretland og Þýskaland toga nú í alla spotta til að hefta för íslenska ríkisins á alþjóðavettvangi. Allt út af örfáum mönnum, sem fóru glæfra og glæpsamlega með það sem þeim var trúað fyrir. Og drógu með sér fégráðuga einstaklinga, eins og t.d. úr verkalýðshreyfingunni. Og settu íslensku þjóðina í þrot. En við gefumst ekki upp. Það er fullt af góðum hugmyndum í gangi, sem munu reisa við efnahag þjóðarinnar, ef rétt verður haldið á spilunum. En fyrst.......burt með spillingarliðið.

Vandi vegna Íslands

Auðmannastjórnvaldaembættisstjórnmálaverkalýðsverðlausraverðbréfaábyrgðarlausrakvótaræningjaaftaníossaspilling

Er ekki kominn tími til að einhver fari að skoða viðskiptaferil Pálma Haraldssonar (og allra hinna), niður í kjölinn? Maðurinn virðist vaða inn og út úr fyrirtækjum, stunda gerfisölur og kaup á fyrirtækjum, með verðlausa pappíra í höndunum og ljúga svo út og suður um kaup og sölu á þeim fyrirtækjum sem hann hefur komið nálægt, með vini sína í auðmannastétt og í bönkunum, til að kovera yfir allt draslið. Andsk......auðmannastjórnvaldaembættisstjórnmálaverkalýðsverðlausraverðbréfaábyrgðarlausrakvóta  ræningjaaftaníossaspilling. Það kemst ekki einu fyrir öll spillingin á bloggsíðunni minni.

Rekin fyrir að segja ekki ósatt

Geir og þið hinir

Það er allt í lagi að lofa einhverju ef maður veit hvernig maður ætlar að efna loforðið. Það er nú eitthvað annað uppi á teningnum í íslenskum stjórnmálum, Geir og þið hinir.

Lofar að taka á efnahagsvandanum

"Sérfræðingar" sem vita ekki neitt, sitja áfram

Er þetta ekki konan sem er búin að vera fastagestur í fjölmiðlum og galað þar sem sérfræðingur í greiningadeild Landsbankans? Sá hún ekkert í spilunum, sem gat leitt til þessa ástands sem nú ríkir? Assg.....  svo situr hún bara áfram. Eins og margir fleiri sem mættu missa sín.

Koma „krónulufsunni" í gang á ný

Cayman Islands

Eru nú Belgar komnir í spilið líka? Íslenska þjóðin veit ekki neitt. Eigum við að borga þeim líka? Hvaða ríki skyldi koma næst með kröfur? Grænhöfðaeyjar? Eða kannski bara Cayman Islands? Kannski eru peningar íslenskra auðmanna geymdir þar? Við ættum kannski bara að vísa Bretum, Hollendingum og Belgum þangað með kröfur sínar. Ekkert kemur á óvart lengur.

Sameinast gegn Kaupþingi

Enginn veit neitt......... Allra síst ráðherrar

Hvað er nú á seyði? Ætli Ráðherrarnir viti það sjálfir? Ég hugsa ekki. Það veit enginn neitt. Eins og um hugsanlegt Pólverjamál.

Ráðherrar boða til blaðamannafundar

Draga fram gömlu "larfana"

Gömlu lepparnir verða bara að duga fólki núna í kreppunni. Flestir eiga fullt af fötum sem þeir nota aldrei og þau liggja bara í skápum, skúffum og geymslum. Utanlandsferðum eigenda smærri fataverslana fjölgar. Þeir fara út með tómar ferðatöskur og koma með þær troðfullar heim. Geta lítið annað gert. Nú er bara að draga fram"larfana" og ganga brosandi út í daginn.

Smærri fataverslanir að verða uppiskroppa með vörur